JEREMIAH 10:22 - PATHIAN LEKHABU THIANGTHO (BSI)

²² Husa chu ngai tiam u! Judai gam ah khawpite hi’sia, si-alte chênna ding ah siam dingin, mallam gam ah kipat in husa lau um tak a hung hi, ei hun zuan hi, ngai un.

JEREMIAH 10:22 ပူးပေါင်းရင်းမြစ်များ

ISAI 34:13

A lal In uh lingbuk in jam khum ta’n tin, a kulpiteu chu zakthâi leh linggui in jam dim ta’n a. Ngei hon chên muanna mun leh, vagawlsaute chênna mun hung suak ta’n a.

JEREMIAH 1:14

Ziaphatchun, Lalpa‘n ka kiang in, “Gam pumpi chung ah siatna ding mallam ah kipat in hung kuan ding ahi.

JEREMIAH 1:15

Mallam ah nam zosia ko khawm ding ka hi Lalpa‘n a ti’n; tichun, hung khawm intiu in, Jerusalem kul kotkhak leh a pang ah kulbâng kîmvêl leh Judai gam ah khawpi zosia ah chun a lal chutphau hun lem in au.

JEREMIAH 2:15

Sakeibakneite’n a ngîk un, ngai tak in a hâm khum tau hi. A gam uh a hisiat piak tau a, a khawpiteu chule suchim in, kuama a chêng ta puau hi.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 4:15

Dan ah kipat in aw chun a hun puang a, Ephraim tâng ah kipat in siatna thu a tângkopiu hi.

JEREMIAH 4:6

Mallam ah kipat siatna hun tunsak ding ka hiziak in, Zion zotna lam hil unla, bitna ding hawl in tai unla, muang kiu in.

JEREMIAH 49:33

Hazor chu sa-uakte bep chênna mun hung hita’n tin, kumkhua’n seden ta’n a; zia chun kuama chêng ta pua’n tiu in, kuama’n um mun khual ta pua’n au.

JEREMIAH 5:15

Aw Israel, gamla tak ah namte chu, nangma do dingin hun pui ding ka hi, Lalpa‘n a tii. Nam sekdo tak, kumlui tak leh, a pau uh la het ngailoteu leh, a gen uh la hiatthei lo teu a hiu.

JEREMIAH 6:1

Aw nanghaw Benjamin chate haw, Jerusalem ah kipat taidok in, la bitna ding un jam tau in! Tekoa ah chun pengkul mût unla, Beth-hakkherem ah chun hetsakna tâkdok un; siatna huaisia tak leh susia ding tizat um, mallam ah kipat in a hung kuandok hi.

JEREMIAH 6:22

Lalpa‘n zia gual hin a gen a: En un, mallam gam ah kipat in mipi a hung ui; lei mong gamlatna pen ah nam thupi tak, hung kichok phûl ding a hiu.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

KÂ LATE 1:4

Zion zotna lampite chun a sûn ui, kuama kût mang ding a chia tâk lo ziak un; a kul kotkhak zosiau a thawmhau ta’n, a thiamputeu le a thûm tau; a nungakteu a lungkham tau a, a vang uh a se ta luai.

EZEKIEL 12:19

chuleh, gam sung ah mipite kiang in: Israel gam ah Jerusalem khawpi chêngte kiang in, Lalpa Pathian in zia gual hin a gen hi ti’n: Lau kawm in a an uh ne’n tiu in, a sung ah chêngte hiamngamna ziakin, a gam pumpi phiat nâm ding ka hiziak in, lauthawng kawm in an ne’n tiu in, lungdong tak in tui dawn ta’n au.

MALAKI 1:3

Esau vang ka hua ahi; tichun, a chênna tângte chu thawmhau tak in ka siam ta’n, a gochan chu si-alte chênna ding gamkeu in ka siam tai,” a ti’n.