JEREMIAH 10:20 - PATHIAN LEKHABU THIANGTHO (BSI)

²⁰ Ka puanbûk suksiat a hita’n, ka khauhual zosia le suktan ahi tai; ka chate zosia’n le ei nusia tau in, a um ta puau hi; ka puanbûk ei jak piak ding leh, ka puanjak ei kândet piak dingle a um ta puau hi.

JEREMIAH 10:20 ပူးပေါင်းရင်းမြစ်များ

JOB LEKHABU 7:8

Ei etnau mitte chun ei mu kit ta pua’n tin; lei et zing lai un, beimang mai ding ka hi tai.

THUPILTE 12:7

Mi nunsiate chu paithâk ah um in, a mangthai zo tau a; midikte In vang um zing in a.

ISAI 51:16

Ka thute chu la kam ah ka koi ta’n; chuleh, ka khut lîm ah chun ka hun sêlgu tai. Vante khi ka kaipal ah, khawvel kingaknate hi ka lem in, chuleh, Zion kiang in, “Ka mipite la hiu,” ka ti tai.

ISAI 51:18

Ama hinsa a chate lak in, ama chingsui thei ding khatle a um puau in; ama hindaw a chate lak in, a khutbân ah kaibât ding khat le a um puau hi.

ISAI 54:2

La puan In mun chu kêk lian inla, la chênna puanjakte chu jak pal in; îtcha kin la, la khauhualte chu zopbe inla, a hênnate chule khêndet in.

JEREMIAH 30:17

Amau in nang chu pâm pai ah um ahi tai, ti’n tiu in: “E he Zion hi! Kuama’n a ngaisak ta puau hi!” a hun ti ziak un, la hisêlna hun pia kit ing ka tin, la beliamte chu sudam kit ding ka hi ta’ngâl a, Lalpa‘n a tii.

JEREMIAH 31:15

Zia gual hin Lalpa‘n a gen hi: Ramah khua husa het ahi’n, mithi sûnna aw leh kâ git ahi. Rakhel in a chate a kâ in, a chate a um tâk lo ziak un, thamuan zaw ding gual a hita puai, ti in.

JEREMIAH 4:20

Siatna a thua thua in a hung tung a, gam pumpi chu suksiat ahi tai. Ka puanbûkte chu phutlo halo ah suksiat ahi’n, ka puanjakte chule mitphet kâl sung ah, suksiat a hi zo tai.

KÂ LATE 1:5

A gâlteu chu a hotuu a hung hiu a, a mêl huatteu chu a lawting tau hi; a gitlonau nasat bêk ziakin, Lalpa‘n a thoksak ta’n; a chateu chu a gâlteu âng in, sal ah pui in a um zo tau hi.

MIKAH 2:9

Ka mite lak ah numeite chu a In nuam tak ua kipat in la deldok un; a chasenteu lak ah kipat in, ka lopina kumtuang â dingin la lamang tau hi.