JEREMIAH 10:18 - PATHIAN LEKHABU THIANGTHO (BSI)

¹⁸ Lalpa‘n zia gual hin a gen ngal a: Tu’hun ah hin zia gam ah chêng zosia hi, sepdok phot ing ka tin; a chung un lungjinna tunsak ing ka, tichun, hethiam ta’n au.

JEREMIAH 10:18 ပူးပေါင်းရင်းမြစ်များ

ISAI 22:17

Lalpa chun huham tak in hun dîlmang ding ei ve, lawipa! A khut ah det tak in hun tu’n tin,

JEREMIAH 16:13

Ziaziakchun, zia gam ah kipat hin hun sepdok ing ka tin, la pu leh pateu leh nang unle la het khak lo gam ah chun, a sûn a jan in pathian dangte na chu sêm ta’n lau, doisakna him him hun nei talo ding ka hi’ngal a,” ti in.

JEREMIAH 22:26

Nangma leh a hun hingnu chu gam dang, la pianna gam hilo ah chun hun deldok ing ka tin, zia tak ah chun hung thiden ta’n lau.

JEREMIAH 23:20

A lungthim ah bawl ding a tup a ngaituate chu, a bawl zaw masang sia Lalpa lungnatna chu, kile’kit pua’n a. Ni nunung lam phat leh vang, kichian tak in hechian ta’n lau.

EZEKIEL 6:10

Chun, a chung ua zia gual siatna huaisia ka tunsak ziak hin, Lalpa ka hi ti hun he ta’n au; amau ka vauna ahiziak in thawn pua’n a.

ZEPHANIAH 1:17

Mitthum gual ah a vâk tua’na ding un, zia gual buaina chu a chung un tunsak ing ka tin; Lalpa chung ah thil a la hi’khial tâk ziak un, a thisan uh leivui gual ah butthâk ah um in, a sateu chule bawng êk gual ah the’jak in hung um ding ahi.

ZEKARIAH 1:6

Ka dante leh ka thute khan ka suak jawlneite kiang ah ka la piak haw kha, la pu la pateu a la makhel man ta hilo a hem? Tichun, a kisik ua: Sepai honte Lalpa chun I chung ua bawl ding a guanggal gual tak in, I umdan leh I thilbawl dungzui tak un ei soisa ta ahi,’ a tiu kha,” a tiu a.

DAN LEKHABU 28:52

La kisuanpi la kulbâng sâng tak tak teu leh, la chênna khawpiteu zosia a chip suak masangsia, ûm chimit in au; Lalpa la Pathian un a hun piakna gam ah chun la chênnau khawpi zosia chu hun ûm suak ta’n au.

1 SAMUEL 25:29

Nangma thalup gua’n hun del in, hun châng tawl tawl ziang maleu le, ka lalpa hinna hi Lalpa la Pathian in a venbit dingte hinna tawh kân khawm intin; la mêlmate hinna chu vang vaisuangse chang gual in kikhawdok in au.