JEREMIAH 10:15 - PATHIAN LEKHABU THIANGTHO (BSI)

¹⁵ Mi thepna ding mai ah kibawl, bangmalo mai mai a hiu ah; gawt ahi’phat uh leh mangthai ta’n au.

JEREMIAH 10:15 ပူးပေါင်းရင်းမြစ်များ

SAM 115:9

Aw Israel, Lalpa ah kinga tau in! Lalpa chu nanghaw panpitu leh la phawu ahi.

ISAI 41:24

Nag haw hile bangma la hipuau a, la thilbawl uh le bang ma a hidiak puai; nang hun têl taphot chu ki’dak um a hiu.

ISAI 41:29

Ngai un, kithepna mai mai a hiu; a thilbawl uh le bangmalo ahi’n, a lim kibawlteu chule hui gual ah, a ngawnchang ngen a hiu.

ISAI 57:12

La diknau leh la thil bawlteu hun tâklang ding ka hi; maleh, ziate chu phachuam pua’n a.

JEREMIAH 10:11

Zia gual chun a kiang un la gen ding ahi. Lei leh van siamtu hilo pathian zosia chu, lei chung leh van chung ah khin hi’mangthai sik sek hung hi’n au.

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

JEREMIAH 14:22

Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 18:15

Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 43:12

Aiguptate milim pathian tempul ah chun mei sêm intin; a hâl tum bang cheng chu sal ah pui in ah; belampu’n a puan ah belam hik a zen thian gual in, Aigupta gam chu zen thiang in, bit tak in kile’kit ta’n a.

JEREMIAH 50:2

Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

JEREMIAH 51:18

Matna bei leh kithepna mai ahi; a gawtna ding ni a tun phat leh, mangthai ngâl ta’n au.

JEREMIAH 8:12

Zachat um tak ah um in, thil ki’dak um tak tak a bawl ui; maleh, zachatna’n a ngai puau a, zachatna châng le a hepuau hi. Ziaziakchun, thalup ah umte lak in pang intiu in, amau ka gawt phat leh, paithâk hita’n au, Lalpa‘n a tii.

JEREMIAH 8:19

Gam tin kiltin ah kipat ka mipi, gentheite kâ thawm chu ngai un: “Zion ah Lalpa um talo maw? A lengpa a sung ah um talo maw? Bang ding ah ei sulungna ding ah milimte kisiam ah, gam dang pathiante bia a hiu em?

HOSEA 9:7

Gawtna nite chu a hung tung in, thukna nite chu a hung tung tai; Israel in ko intin, “Jawlnei chu mingol ahi’n, thagau mi chule a ngol ahi tai,” ti in. La khawlona huaisia tak ziakin, la huatna le a huaisia ahi.

JONAH 2:8

Milim manthei lo ho te chun, a ginumnau a kilepsan zo tau hi.

ZEKARIAH 13:2

Zia ni chun, gam sung ah kipat thagau buakte leh Jawlneite paidok sik sek ing ka tin, amau hetzuina um ta pua’n a; chuleh, gam sung ah kipat in jawlneite leh thagau buakte paidok sik sek ta’ng ka, sepai honte Lalpa‘n a ti ahi.

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.

DAN LEKHABU 32:21

Ka thangthîpna chu, pathian taklote chung in a choktho un; a milimteu chun ei choklungnau hi. Ziaziakchun, bangma hilote, suklungnat sak ing ka tin, mingol namte thangthîpsak ing ka.

1 SAMUEL 12:21

thil mantheilo, phatchuamna bei leh nanghaw hun hukdok theilote hi, a phatchuamna bei ahiziak in zui kiu in.

1 SAMUEL 5:4

Ahi’n, a jingkal kit ah vaima tak ah a thaw kit phat un, Dagon chu Lalpa thuthung thingkuang ângah chun a khup lam in a la pûk kitah; chuleh, Dagon luchang leh a khutbânte ni kitanthasa, Inhulliap ah a la um leh Dagon pum bep a la um chu a mudok tau a.