JEREMIAH 10:14 - PATHIAN LEKHABU THIANGTHO (BSI)

¹⁴ Mi tin chu mimawl leh hetna bei a hiu; sana sêkte chule a milim siamteu ziakin, sukmualpho in a um tau hi; a milim siam uh chu hinna nei lo, kithepna ngen ahi ngal a.

JEREMIAH 10:14 ပူးပေါင်းရင်းမြစ်များ

SAM 14:2

Pil leh hethiam ah Pathian hawl a um awm, ti’n Lalpa‘n van ah kipat in, mihing chate a hun en suk ah.

SAM 92:6

Zia chu mimawl in a hethei pua’n, mingol inle a hechian thei diak puai.

SAM 94:8

Mi lak lak ah thada pente haw; mingol, bangtik leh hung pil ding la hem?

SAM 97:7

Milim pathian ho zosia a mualpho un, milim bangma hilo suang tapo chu; pathian dang zosia chu a ma-âng in, a bokkhup tau hi.

THUPILTE 30:2

A dik tak in, mihing dingin ka mawl talua’n, mihing hetna le ka nei puai.

ISAI 42:17

A milim siamkawm ua kinga, a milimteu kiang ah, “Nanghaw hi ka pathianteu la hiu,” ti zosia chu naw kit ah um in, mualpho ta’n au.

ISAI 44:11

En un, milim ho zosia chu hung mualpho intiu in, a siamtute chu le mihing mai mai ahi ngal un. A leng un hung khawm in, hung pang khawm maleu; hilau ah um in, a leng un mualpho tak in um ta’n au.

ISAI 45:16

Milim siamte chun buaina tuak in, a leng un mualpho tak leh, zakcha tak in um ta’n au.

ISAI 57:12

La diknau leh la thil bawlteu hun tâklang ding ka hi; maleh, ziate chu phachuam pua’n a.

JEREMIAH 10:5

A milimteu chu changmai lei ah, va-ak honna ding milim kisiam gual ahi’n, a pau thei puau a; chia chawn theilo a hiziak un, puak tawl tawl a ngai ui. Ziate haw chu lau kiu in, thil phalo a bawlthei puau ah, thilpha bawltheina le a nei diak puau hi.

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

ROMTE 1:25

Pathian thutak chu juau ah chansak in, a Siampa chu ho sâng in, a thilsiamte chu ho in a tacha zaw tau ah; amau Siampa chu kumtuang ah pâk tâk ahi! Amen.

1 SAMUEL 5:4

Ahi’n, a jingkal kit ah vaima tak ah a thaw kit phat un, Dagon chu Lalpa thuthung thingkuang ângah chun a khup lam in a la pûk kitah; chuleh, Dagon luchang leh a khutbânte ni kitanthasa, Inhulliap ah a la um leh Dagon pum bep a la um chu a mudok tau a.