JEREMIAH 10:13 - PATHIAN LEKHABU THIANGTHO (BSI)

¹³ A aw a sua phat leh, van ah tuite a phul bul bul sek in, kawlmong langkhat lam ah kipat in, tuihu a lên dawsak sek hi. Gaw zukna dingin kawl a phet sak ah, hui chu a khol khawmna kipat in, a nun dawsak sek hi.

JEREMIAH 10:13 ပူးပေါင်းရင်းမြစ်များ

THILSIAM THU 2:5

lei ah hampa lohing him him a um naipua’n; anchelohing him himle a kek nai pua’n, Lalpa Pathian in lei chung ah gua a zuksak naipua’n, leilet dingin mihingle a um nai diak puai;

1 LENGTE 18:41

Elijah chun Ahab kiang in, “Chia to in, ne’n la dawn in; gawpi zu ding husa a um hi,” a tia.

JOB LEKHABU 38:22

Vûk khol khawmna In ah lut in, gial khol khawmna Inte ah chun, la vâklut kha ta a hem?

SAM 104:13

La umna sâng takah pat chun mual leh tângte chu, tui in la chap sek in; lei hi la thilbawl gate ah chun a tai sek ui.

SAM 135:17

bil a nei po nau ah chu hethei lo; a kam ua le hatna him him umlo a hiu.

SAM 135:7

Ama’n kawlmong ah kipat in sûmte a chiatosak sek in; kawlphete gua â dingin a siam in, a koikhawmna mun ah kipat in, hui a hun nun dawsak sek hi.

SAM 147:8

Ama’n vânte khi sûmpi a lia sak in, lei â dingin gua a siam piak in, tichun, tângte ah chun hampa a ke’ sak hi.

SAM 18:13

Lalpa chule vante ah khin a thûm zung zung a, Chungnung Penpa chun a aw a sua tai.

SAM 68:33

Aw vante, kumtuang van chung ah chuangpa, a aw chu ngai un! Ama’n hatna dim a aw chu a hun sua tai!

PAWTDAWNA THU 9:23

Tichun, Mosi’n a tiangkhut chu van lam in a jak to ah; Lalpa’n van-gi leh gialpi leh meikuang, leitual ah chun a hun sawl tha suk ta’n. Chuleh, Lalpa chun Aigupta gam ah chun gialpi gawzuk in a hun zuksak tai.

JEREMIAH 14:22

Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 19:12

Tichun, zia mun leh a sung ah chêngte zosia tawh, zia khawpi hi Topheth gual in siam ding ka hi, Lalpa‘n a tingal a.

JEREMIAH 5:24

A lunggil un, “Lalpa I Pathian uh lau hitiu, ama’n a hun tak in gawtui ei pia’n, chavâng gua leh khâl gawtuite ei pia’i, pawltâk hun ding leh hapta kit dingte ei koi piak ngâl a,” a ti nuam puau hi.

JEREMIAH 51:16

A aw a sua phat leh van ah tuite, a chiak bul bul un; kawlmong ah kipat phâisum a chiatosak hi. Gaw zukna dingin kawl a phet sak ah, a thil koikhawmna kipat in, hui a hun nunsak sek hi.

AMOS 4:13

Ngai in, tângte hun siam ah, huite siam ah, mihingte kiang ah a ngaituanate hiatsak ah, jingkal chu khawthim suaksak a, lei munsângte chuanden pa, a min Lalpa, sepai honte Pathian chu ahi ngal a!

ZEKARIAH 10:1

Nipi kipat hun a hin, Lalpa kiang ah gawpi zu dingin don un, Lalpa chun thigawpi’n a sûmte a siam in, mitin â ding leh lohing chitin â ding ah, maljawlna gawtuite chu a piai.