JEREMIAH 1:9 - PATHIAN LEKHABU THIANGTHO (BSI)

⁹ Ziaphatchun, Lalpa‘n a khut a hun thadok a, ka mûk a hun khoi a; chuleh, Lalpa‘n ka kiang in: “Ngai in, la mûk ah ka thu ka koi tai.

JEREMIAH 1:9 ပူးပေါင်းရင်းမြစ်များ

ISAI 49:2

Ka kam hi chemjam hiam tak gual in a siam a, a khutpêk lîm nuai ah chun ei sêlgu tai; thalchang kinawtval tak gual in ei siam a, a thalbawm sung in ei sêlmang tai.

ISAI 50:4

Paukam khat mai inle mi basam, a chawhal kit theina ding ah ka hiltheina dingin, Lalpa Pathian in lei ei pia tai. Jingkal si’n leh ka nakhang chu, zilsak ah umte gual ah hethiam thei dingin, ei phawnghal zing a.

ISAI 51:16

Ka thute chu la kam ah ka koi ta’n; chuleh, ka khut lîm ah chun ka hun sêlgu tai. Vante khi ka kaipal ah, khawvel kingaknate hi ka lem in, chuleh, Zion kiang in, “Ka mipite la hiu,” ka ti tai.

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

JEREMIAH 15:19

Ziaziakchun, Lalpa‘n zia gual hin a gen hi: La hung kit leh hun la kit ing ka tin, ka âng ah ding di la hi. La kam ah thu manthei lo gen lo ah, thugun tak tak la gendaw chun, ka sik ah thugen in pang inla. Amau chun la kiang hun zuan intiu in, nang in vang amau kiang zuan pua’n la.

JEREMIAH 34:6

Ziaphatchun, jawlnei Jeremiah chun, Jerusalem ah Judai gam ah Lengpa Zedekiah kiang in zia thu zosia chu a vagen ta’n;

JEREMIAH 36:2

Savun lekhabu zial la’n la, Josiah lal ah kipat tu’ni tiang ah, Israel leh Judah leh nam dang zosia kãl ah, la kiang ah ka thugen zosia kha zik lut tiam in.

JEREMIAH 5:14

Ziaziakchun, sepai honte Pathian, Lalpa chun zia gual hin a gen hi: Zia gual thu chu a gen ziak un, la kam ah chun ka thute chu, meikuang gual in ka hun siam in, zia mipite hi thingkhua gual in, ti chun, mei in amau chu hun kâng tum in a.

EZEKIEL 3:10

Chuleh, ka kiang in: Mihing, la kiang ah ka thugen ding zosia hi la lunggil in vop inla, la bil inle he ta hen;

DANIAL 10:10

Himaleh, ei hun khoi ah, ka khupbok ah vâk dingin ei kaitho tai.

DANIAL 10:16

Ziaphatchun, mihing mêlpu khat in ka lei a hun khoi ah; chuleh, thu gen dingin ka kam ka ka’n, ka âng ah dingpa kiang in, “Aw Lalpa, zia kilâkna ziak ah hin ka chung ah natna hung tung in, tha leh zung him him ka nei ta puai.

KISIMNA LEKHABU 23:5

Lalpa chun Balaam kiang in thu a hun gen ta’n: “Balak kiang ah chia kit inla, a kiang ah zia hi la gen ding ahi,” a hun ti’n.

MATTHAI 10:19

Himaleh, a hun matsak phat ua leh, bangti ding, bang thu gen ding ka hem? ti’n lungkham kiu in; la gen ding uh chu a hun tak ah piak hiding la hingal un.

MARKA 7:33

Ama chu mipi lak ah kipat chun a puidok chuam ah, a bilhawmte ah chun a khutzung a thun ah, a chil a sek ah, a lei le a vak khoi piak a;

LUKA 12:12

Thagau Thiangtho chun a hun hun in la gen ding uh chu hun hiatsak ding ahi, a tia.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

DAN LEKHABU 18:16

Horeb tâng ah mipi kikhop ni Lalpa la Pathian kiang un, “Lalpa ka Pathian uh aw ka het kit ua, zia a meikuang hi ka mu kit uh chun thi mai ding ka hiu,” ti’n la don tau a.

DAN LEKHABU 18:17

Ziaphatchun, Lalpa‘n ei hun dawnhu a, “A thugen uh chu a dik ngei hi.

DAN LEKHABU 18:18

Amau lak ah kipat ma ma in nangma gual hi jawlnei khat hun tungdok ing ka tin; zia jawlneipa kam ah chun ka thute koi ing ka tin, a kiang ah thu ka piak taphot chu a kiang un hil mai ta’n.