JEREMIAH 1:5 - PATHIAN LEKHABU THIANGTHO (BSI)

⁵ “Sûl ah ka hun siam masang ah kipat khan, ka hun hiatsa la hita’n, la pian masang ah kipat him ah khan, namtin kiang ah jawlnei hiding in, ka hun guat in, ka hun sukthiantho chuam la hi tai,” a ti’n.

JEREMIAH 1:5 ပူးပေါင်းရင်းမြစ်များ

SAM 139:15

A gûk ah siam ka hi’lai ah, lei mun thûk pen ah hoi tak ah siam ka hilai khan, ka gu leh chângte hi nangma ah kipat, selgûk in a um puai.

SAM 139:16

Siam bukim ah ka um ma’nle, lei la mu suak ta ahi. Ka damsung ni ding ah la tiamsa zosia chu, ni khatle mat ahi ma’n, la lekhabu ah chun la zik lut zo tai.

PAWTDAWNA THU 33:12

Ziaphatchun, Mosi chun Lalpa kiang in, “Ngaitia, nang in ka kiang in: Zia mite hi vapui to in lei tingal ah; himaleh, ka kithuapi ding ah kua hun sawl ding la hem ti lei hetsak pua hen. Nang in la, ‘La min ka hun hechian hen, ka mittung ah um la hi ti le ka henai,’ la ti ngal in.

PAWTDAWNA THU 33:17

Lalpa chun Mosi kiang in, “La thil dot gual gual chun hun bawl ing ka; ka mit la tung ngal ah, la min le ka hechian ngal hen,” a tia.

ISAI 44:2

Nanghaw hun siampa, sûl ah kipat hun guanggalpa leh, hun panpi zing ding Lalpa chun zia gual hin a gen hi: Aw Jakob, ka suakpa lau kin la, ka hun têlchuam Jeshurun lau kin.

ISAI 49:1

Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

ISAI 49:5

Chuleh, tu’hin, a suak hiding ah, sûl ah ei la siampa Lalpa chun, Jakob a kiang ah puikitna ding leh, Israel a kiang ah pui khawm kit theina dingin, Lalpa mit mu ah lûl tak ka hiziak leh, Pathian chu ka hâtna ahi tâk ziakin, ka kiang ah zia gual hin a gen hi:

JEREMIAH 1:10

En in, tu’ni hin nam tinte leh, lenggam tinte chung ah thuneina ka hun pia ta’n: botdok ding leh kaichim ding, susia ding leh paitha ding, sathak ding leh phu’kit dingin,” ti in.

JEREMIAH 1:4

Tu’hin, Lalpa‘n ka kiang ah zia gual hin thu a hun gen a:

JEREMIAH 20:15

Ka pa kiang ah, “Chapa khat la nei ta ei,” ti thu vagen ah, va kipakpipa chu, hânsia law in um hen!

JEREMIAH 25:13

Zia gam chung ah chun, a chung ua tung ding ah ka la gendawsa, zia lekhabu a la kiziksa zosia, jawlnei Jeremiah in namtin chung ah thil tung ding a la gensa zosia chu hung guitung ta’n a.

JEREMIAH 36:2

Savun lekhabu zial la’n la, Josiah lal ah kipat tu’ni tiang ah, Israel leh Judah leh nam dang zosia kãl ah, la kiang ah ka thugen zosia kha zik lut tiam in.

JEREMIAH 50:34

Amau Tanpa chu vang a hat hi; a min chu Sepai honte Lalpa ahi. Khawvel gâlmuang tak ah a um ah, Babulon gam ah chêngte buai tak ah a umna ding un, amau chung thu ding chu vang khawksak in a.

LUKA 1:15

Ama chu Lalpa ngai in mi lopi hung hi’ntin, ama chun uain leh khamthei him him a dawn lo ding ahi; a pianma kipat Thagau Thiangtho ah dimsa hiding ahi.

LUKA 1:41

Elizabeth in Mari chibai bûk chu a het het in, a sung ah nausen chu a tawi a; Elizabeth chu Thagau Thiangtho in a hung dim ta’n;

LUKA 1:76

Ziaziakchun, nang nausen, Chungnung pen Jawlnei, ti hi’n la tin; a lampi siamtup ding ah Lalpa ma ah, a la chia ding la hingal a;

JOHAN 10:36

Pa’n a se’chuam, khawvel ah ei sawl, ‘Pathian Chapa ka hi,’ ka ti ziakin bangatia Pathian la gensiai, ei ti’thei ding la hiu em?

ROMTE 1:1

Paul, Jesu Khrista suak, sawlchâk hiding ah ko ah um leh, Pathian Chanchinpha gen ding ah se’chuam ah um hin,

ROMTE 8:29

Pathian chun, a Chapa chu unau tam tak lak ah cha piang masa pen ahi’theina dingin, a hetlawkte chu a Chapa gual hiding in a guatlawk a.

1 KORINTH 8:3

Min Pathian a hepi chun ama ngei chu het in a um zaw ahi.

EPHESA 1:22

ama’n bangkim a keng nuai ah koi in, ama chu bangkim chung ah kochuam luchang in a siam a;