JEREMIAH 1:2 - PATHIAN LEKHABU THIANGTHO (BSI)

² Benjamin gam ah Anathoth khua thiampute lak ah Hilkiah chapa Jeremiah kiang in, Lalpa‘n thu a hun gen a.

JEREMIAH 1:2 ပူးပေါင်းရင်းမြစ်များ

1 LENGTE 13:2

Lalpa thu ah mâichâm dem in a kiko ah, “Aw mâichâm! mâichâm! Lalpa‘n zia gual hin a gen hi: ‘David Inkuan ah chapa pakhat, a min Josiah kiti hung piang intin; ama chun la chung ah gimtui lân thiampute hi nangma chung ah hun lân ding ahi; tichun, la chung ah mihing gute hung kihâl ding ahi,’ ti’n,” a gen a.

1 LENGTE 13:20

Dawkan bul ah a chut zing lai un, ama puikitpa jawlnei kiangah chun Lalpa‘n thu a hun gen a.

2 LENGTE 21:18

Tichun, Manasseh chu a pu leh pate kiang in a ipmu ta’n, ama In ûmna huang sung ngei ah chun a vui ua; zia chu Uzza huan kiti kha ahi; a chapa Amon in a thasâng in vai a hun hawm tai.

2 LENGTE 21:24

Ahi’n la, a gam mipite chun Lengpa Amon chung thu ah vaisawmgu zosiate chu a hun that kit ua; tichun, a gam mipi chun lengpa chapa Josiah chu ama thasâng ah leng dingin a hun pansak tau hi.

2 LENGTE 22:3

Lengpa Josiah vaihawm kum, sawm leh giat a ti’n kum ah chun zia gual hin a hung um a: Meshullam chapa Azaliah chapa Shaphan, a lekhazikpa chu Lalpa In ah a sawl ah, zia gual hin a gen a:

JEREMIAH 1:11

Chun, Lalpa‘n ka kiang in: “Jeremiah, bang la mu em?” ei hun ti’n: Ke’nle, “Vaisuaklu bâk khat ka mui,” ti’n ka dawnhu a.

JEREMIAH 1:4

Tu’hin, Lalpa‘n ka kiang ah zia gual hin thu a hun gen a:

JEREMIAH 25:3

Kum sawmni leh thum sung, Judai gam ah Amon chapa, Lengpa Josiah a lalna kum sawm leh thumna kipat tu’ni tiang hin, Lalpa‘n ka kiang ah thu a gen zing a; zia thu chu gunchu tak in la kiang un ka la gen ta’n; himaleh, nang un vang la ngaitha nuam puau hi.

JEREMIAH 28:12

Jawlnei Hananiah in jawlnei Jeremiah ngawng ah ngawngkol a khetbot zaw phat ah chun, Lalpa‘n Jeremiah kiang in zia thu hi a hun gen a:

JEREMIAH 3:6

Lengpa Josiah lal lai in Lalpa‘n ka kiang in thu a hun gen a: Mi ginum lo Israel in tângsâng tincheng ah kal to in, thinghing bullîm nuai tincheng ah nawchizuak ah a kihibuakna zozai pihi la mu em?

JEREMIAH 36:2

Savun lekhabu zial la’n la, Josiah lal ah kipat tu’ni tiang ah, Israel leh Judah leh nam dang zosia kãl ah, la kiang ah ka thugen zosia kha zik lut tiam in.

HOSEA 1:1

Judai gam ah lengte, Uzziah, Jotham, Ahaz chuleh Hezekiah leng a hilai in leh, Israel lenggam ah Lengpa Joash chapa, Jeroboam Leng a hilai ah, Beeri chapa, jawlnei Hoshea kiang ah Lalpa’n thu a hun gen chu.

JOEL 1:1

Lalpa thu, Pethuel chapa Joel kiang ah hung kigendok chu:

JONAH 1:1

Amittai chapa Jonah kiang in Lalpa‘n thu a hun gen a:

MIKAH 1:1

Judah gam ah lal Jotham, Ahaz leh Hezekiah hun lai ah, Lalpa thu Moreseth khua um Mikah in Samaria leh Jerusalem chungchâng ah thil hung tung ding a la mu lawk chu:

ZEPHANIAH 1:1

Judai gam ah Ammon chapa Leng Josiah hun lai in, Hezekiah chapa, Amariah chapa, Gedaliah chapa, Kushi chapa Zephaniah kiang in Lalpa‘n zia gual hin thu a hun gen a: