JEREMIAH 1:19 - PATHIAN LEKHABU THIANGTHO (BSI)

¹⁹ Hun do intiu in, himaleh, hun zo pua’n au; nangma hukdok ding in ka hun umpi zing la hi, Lalpa‘n a tii,” ti in.

JEREMIAH 1:19 ပူးပေါင်းရင်းမြစ်များ

SAM 129:2

ka chapan lai ah kipat in tam veipi, ei la soisa tau hi; ahi’n la, ei zo diak puau hi.

JEREMIAH 1:18

Tu’ni hin gam zosia chung in, Judah lengte chung leh zia tak ah vaihawmte leh, thiampute chung leh mipite zosia chung ah chun, khawpi kul nei, thik khuam leh sum-eng bâng gual in ka hun siam la hi.

JEREMIAH 1:8

Amau chu lau kin, nang hun hukdok dingin, la kiang ah ka um zing ngal a, Lalpa‘n a tii,” ti in.

JEREMIAH 11:19

Himaleh, kei chu belamno nunnem tak, thâlup ding ah a kai uh gual chu ka hi. “Thingkung chu a ga pum in hisiai tiu in, mihing gam ah kipat hin sat tan hitiu in, a min hetmil veng veng hiding in bawl hitiu,” a ti lai ua khan, keima ei tha’na ding ah lungthim phalo tak, a la guanggal ahi lam uh ka la hepuai.

JEREMIAH 11:21

Ziaziakchun, Anathoth khua mite, la hinna lâk gua, “Lalpa min in thu gen ta kin; achutiloleh, ka khut lum un thi mai ding la hi,” hun tite chung thu ah Lalpa‘n zia gual hin a gen a:

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

JEREMIAH 2:1

Lalpa‘n ka kiang in zia gual hin a hun gen a:

JEREMIAH 20:10

Mi tam takte kihogûkna chu, “Kiltin ah tizat umna a um hi! Hêk siau in, hêk sia’i tiu,” a tiu a. Ka gual ngai zosiate chun, ka kipalpaina ding changgu’n, “I jawl zaw khâk ua, ama I zaw thei khâk uh leh, a chung ah phuba I lâk theina ding un,” a tiu a.

JEREMIAH 20:11

Himaleh, Lalpa chu sepai hangsan tak gual in, ka kiang in a um zing a; ziaziakchun, ei sugentheite chu kipal pâi intiu in, tichun, ei zo pua’n au. Lawting lo ding a hiziak un, mualpho tak in um in au. A kumkhua minsiatnau chu, hetmil ni um ta pua’n a.

JEREMIAH 26:8

Chun, mipite zosia kiang ah, Lalpa‘n thu a gen ding ah Jeremiah a piak zosia chu a gen zaw phatin, thiampute, jawlneite leh mipite zosia’n ama chu a man tau a, ka hun thalup ding uh ahi!

JEREMIAH 30:11

A hun hukdam ding ah hun umpi zing ka hi, Lalpa‘n a tii. A lak ua ka hun thejakna nam tinte chu, subei ing ka tin, nanghaw vang hun subei lo ding ka hi. A kilawm tiang bep in hun gawt ing ka tin, gawt lo ah vang hun nusia ziang lo ding ka hi.

JEREMIAH 39:17

Himaleh, ziaphat chuleh, hun hukdok ing ka tin, la tizat ma ma te khut in hun pelut lo ding ka hi, Lalpa‘n a tii.

JEREMIAH 42:11

Babulon lengpa la la tizat gual uh khan lau ta kiu inla, lau him him kiu in, Lalpa‘n a tii; ama khut ah kipat hun hukdok ah, hun hukdam dingin ka hun umpi zing la hi’ngal un.

JEREMIAH 46:28

Nang, ka suakpa Jakob vang, bangma lau kin, ka hun umpi zing hi, Lalpa‘n a tii. A lak ua ka hun thejakna nam tinte chu, sutawp ing ka tin; nangma chu vang hun sutawp pua’ng ka! A kigûn tawk bep in hun gawt ing ka tin, gawt lo in vang hun mawk koi pua’ng ka,” ti in.

DANIAL 3:25

Ama chun, “A leh, bangma khawk sa lo hial in, meipi kuang sung ah mi pali, a kikânnau le um talo ah vâk tawl tawl ka mu’n; a pali’napa vang chu pathian a bang hi,” a hun ti tai.

KISIMNA LEKHABU 14:9

Lalpa do in hel dâ phot unla; chuleh, a gam ah chêngte chule lau kiu in; ei uh â ding ah anchâk bep ahi ngâl un; amau venbitna chu lâkdaw a hita’n, Lalpa‘n ei haw ei umpi hi; amau chu lau him him kiu in,” a tiu a.

NASEPTE 26:17

Jentelte leh la mipite lak ah kipat nang hun hukdok ding ka hi; amau lak ah chun ka hun sawl la hingal a;

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.