JEREMIAH 1:16 - PATHIAN LEKHABU THIANGTHO (BSI)

¹⁶ Ei nusia ah pathian dangte kiang ah gimtui hâlte leh, amau khutsuak ho-te chung ah hin a gitlonau zosia ziakin, a chung ua ka vaihawmnate chu puangdok ing ka.

JEREMIAH 1:16 ပူးပေါင်းရင်းမြစ်များ

2 LENGTE 22:17

Amau chun, keima ei kihei mang san ua, pathian dangte â dingin gimtuite a hâl ua, amau khutsuak ngei ngei ah chun keima lungnatna ding lam tak in ei bawl ua; ziaziakchun, zia mun ah hin ka lungnatna hung kuangdok ding ahi; zia chu phelmit zaw gual hilo ding ahi.

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

2 KHANGTHU 28:2

Israelte gam ah lengte umchan a zui hi. Baal limte natiang a la bawl a;

2 KHANGTHU 34:25

Keima ei kiheimangsan in, pathian dangte kiang ah kithoina a lat ziak un, amau khut nasepte ah chun ei choklungnau ah; ziaziakchun, zia mun ah hin ka lungnatna buntha’ng ka tin, zia chu phelmit zaw hipua’n a.

2 KHANGTHU 7:19

Himaleh, la ma-âng ah ka dan siamte leh ka thupiakte hi zui lo ah, pathian dangte na sêm ah la biak leh vang,

ISAI 2:8

A gam uh milim in a dim ah, a khutsuak uh, amau khutzung ma ma’n a bawlsate chu a ho ui.

ISAI 37:19

chuleh, a pathianteu chule mei lak in a la se’lut piak zo tau ah, ziate chu pathian le chu a hipaw him un; mihing khutsuak, thing leh suang ah kisiam a hiziak un hisiat ah um him a hiu a.

ISAI 44:15

Ziaphat chuleh, thingkhua ah mat thei in a hung khanglian ah. A khenkhatte mei awi ding ah tik in a kihailum ta’n; a khenkhatte chu thukkhûk in a tik ah, an huanna’n a mang tai. Chuleh, a dang cheng chu pathian in a siam ah, a ho ta’n; pathian lim in le a siam ah, a ma-âng chun bokkhup in a ho tai.

ISAI 65:3

ka maichang ngei ah ei cho lungna zing un, chêktang kilem khawm chung ah gimtui hâl ah, huan sung tincheng ah kithawi mai mai sekte a hiu in;

JEREMIAH 10:15

Mi thepna ding mai ah kibawl, bangmalo mai mai a hiu ah; gawt ahi’phat uh leh mangthai ta’n au.

JEREMIAH 10:3

Midangte chawndan haw chu a dik pua’n, gammâng ah thing a phûk un, mi khutthiam in a heicha’n a sui a;

JEREMIAH 11:12

Ziaphat chuleh, Judai khawpite leh Jerusalem ah chêngte chun, kithoina a la lat seknau pathiante kiang zuan in ko maleu le, a lungdonnau ah kipat in hukdok him him pua’n a.

JEREMIAH 11:17

Sepai honte Lalpa, nangma hun tungdingpa chun, la chung ah siatna tung ding chu a tâklang tai; Israelte leh Judate’n Baal kiang ah kithoina thilpiak pia’n, thil a la bawl khial tak ziak un ka lungnatna a choktho tau hi.

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 16:11

a kiang un zia gual hin la gen ding ahi: “La pu leh pateu in ei nusia in pathian dang zui in, a na sêm in, a la ho tau a; keima ei taisan in, ka dante le a zui ta puau hi, Lalpa‘n a ti’n;

JEREMIAH 17:13

Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

JEREMIAH 18:15

Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 19:4

Zia mite hin ei nusia in, zia mâichâm supolche ding ah amau leh a pu leh pateu leh, Judai gam ah lengte’n le a la het ngai lo uh, pathian dangte ho’na dingin thilpiakte a la lân ta’ngal un; chuleh, zia mun hi gitlona bei mite thisan ah a sukdim tâk ziak un;

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JEREMIAH 2:17

Lalpa la Pathian In lam dik ah a hun pui lai ah, ama la nutsia ziak ah zia gual thilte chu, la chung ah tung ding ah la kibawl hilo a hem?

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 2:28

Ahileh, la pathian ding ah la kisiamte kha, khoilam tung zo a hitau em? La buaina kipat hun hukdok thei a hiu chun, hung kipanleu hiding a pom. Aw Judah, la khawpi jat ah tam, pathiante la nei uh hilo maw!

JEREMIAH 4:12

A thok zaw lo ding khop ua hât hi’n a. Amau do ah a chungthuu vaihawm ah, thugenpa hi keima ka hi.

JEREMIAH 4:28

Ziaziakchun, lei in sûn intin, chung ah vante khi le thimtha ta’n au. Ka la guanggalsa chu, ka la gen ta’ngal a; ka gensa chu hei danglam ta pua’ng ka tin, thul diak pua’ng ka.

JEREMIAH 44:17

Zia malak ah chun, kei haw tawh ka pu leh pateu, ka lengteu leh ka milian leh lalteu in, Judai gam ah khawpi leh Jerusalem kotzingte ah ka la hisek gual uh khan, van lengnu kiang ah thil piak leh uain latna ka kitiam dungzui un bawl ding ka hiu. Nêk leh châk ah buting leh lamzang tak ah um in, vangsiatna ka tuak kha puau hi.

JEREMIAH 5:29

Zia thilte ziak ah hin, gawt lo ding ka hem? Zia gual thilbawl namte chu, thuk lo ah koi mai ding ka hi em? Lalpa‘n a ti ahi.

JEREMIAH 5:9

Zia thilte ziak ah chun gawt lo ding ka hem? Zia tawhbang ah um namte chu, thuk lo ah umsak mai ding ka hem? Lalpa‘n a ti ahi.

JEREMIAH 51:17

Mitin chu a mawl un, hetna him him a nei puau hi; sana sêkpa chule a milim siamteu in a sumualpho tai; a milim siamteu chu mi thepna mai mai, hathei lo a hiu hi.

JEREMIAH 7:17

Judai gam ah khawpi sung leh, Jerusalem khawlai dung ah a thilbawlteu chu mulo la hiu em?

JEREMIAH 7:18

Van lal kiang ah lat ding, vaithum kanna ding a chateu in thing a chom un, a pateu in mei tik in, a nuteu in vaithum a mêk ui; chuleh, ka lungnat choktho dingin pathian dangte kiang in dawnchi thillatte a sungdok ui.

JEREMIAH 7:9

Gucha zing, tual that zing, zawntat zing leh zuau ah kitiam zing in, Baal kiang ah thilpiakte pia zing kawm in, la het lo uh pathian dangte ho ah zui zing kawm in,

EZEKIEL 16:18

la puanjem hoi takte a khu’na’n la mang ah, ka sathau leh gimtuite chu la pia’n.

EZEKIEL 24:14

Keima Lalpa hin ka gen tai; a hun tung ding ahi tai, bawl ngei ding ka hi. Kisûm pua’ng ka tin, hawi pua’ng ka tin, kipadâm pua’ng ka! La umdan leh la thil hi dungzui in la chung ah vaihawm ding ka hi, Lalpa Pathian in a tii, ti in.

HOSEA 11:2

Ka hâ ko po leh ei gamlat diak un; Baalte kiang in a kithawi zing un; milimte kiang in gimtui a lân zing nalai ui.

HOSEA 8:6

Israel lak ah kipat in mi khutthiam khat in a siam ahi’n, Pathian khutsuak ahi puai. Samaria ah bawngno lim chu khet gawp hi’n a.

JOEL 2:11

Lalpa‘n a galdo mite ma-âng in aw a sua in; a sepai hon a tam nau e! A thupiak zawmte chu simsên gual lo a hiu. Lalpa ni chu a lopi hi; a tizat um na e! Kua a hem thuak zo ding?

NASEPTE 7:41

Zia lai ah chun, bawngno lim a hun siam ua, zia milim kiang ah chun thillat a lân un, amau khut suak chu a limpi tau a.

DAN LEKHABU 28:20

La thilbawlteu a phatlo ziak leh keima lei kiheisan tâk ziak un, hisiat dim dem la hiu ah, kin tak ah sukmanthai la hung hi masang un Lalpa‘n la chung un siatna, buaina leh la thilbawl guatnau taphot ah beidonnate la chung un hun tunsak ding ahi.

DAN LEKHABU 31:16

Lalpa‘n Mosi kiang in: “La pu leh pate kiang ah chawldam pai ta ding la hi. Zia mipite hin, zia gam pathiante lak ah chun ei hun ângkawmsan pai in, ei kiheisan intiu in; a kiang ua ka thutepna thuthung chu bawtsia’n au.

JOSHUA 24:20

Lalpa nungngat ah nam dang pathiante na la sepsan uh leh vang, la chung un pha tak ah a bawl zaw nung inle hun nusia intin, la chung un thil phalo hun tunsak in, hun hi’mangthai tho tho ding ahi,” ti’n a gen a.

THUPUAN 9:20

Zia gawtna thi lo sunte chun a khut nasepteu, thithate, sana milimte, dangka milimte, sum-eng milimte, thing milimte, khua mu theilo, hethei lo leh chia theilote chu ho lo dingin a lung uh a hei diak puau a.