JEREMIAH 1:15 - PATHIAN LEKHABU THIANGTHO (BSI)

¹⁵ Mallam ah nam zosia ko khawm ding ka hi Lalpa‘n a ti’n; tichun, hung khawm intiu in, Jerusalem kul kotkhak leh a pang ah kulbâng kîmvêl leh Judai gam ah khawpi zosia ah chun a lal chutphau hun lem in au.

JEREMIAH 1:15 ပူးပေါင်းရင်းမြစ်များ

ISAI 22:7

La phâijang pha pente chu kângtalai in dim intin, khawpi kotkhakte ah chun, sakol sepaite chu chângpang ta’n au.

JEREMIAH 10:22

Husa chu ngai tiam u! Judai gam ah khawpite hi’sia, si-alte chênna ding ah siam dingin, mallam gam ah kipat in husa lau um tak a hung hi, ei hun zuan hi, ngai un.

JEREMIAH 10:25

La lungnatna chu nangma he’phalo, gam dang mite chung ah sungtha’n la, la min lam ngai lo mite chung in sungtha’n; amau chun Jakob ne zo in, a nêk ua a val zaw nung unle, a chênnau a hisia dim dem nalai sêt ui.

JEREMIAH 13:20

La mit uh teto unla, mallam ah kipat hung kuante chu en tiam un. La belam hon hoi tak, nang kiang ah hun kipia kha, khoilam tung zo a hitau em?

JEREMIAH 25:28

Chun, la khut ah hâi ah um chu a dawn lo ua leh zia gual hin gen in: Sepai honte Lalpa‘n zia gual hin a gen hi: La dawn tei tei ding ahi! ti in.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 33:10

Zia gual hin Lalpa‘n a gen hi: “Zia mun tak chu aw, mihing leh ganhing um lona ding in a pâmmai na e!” la ti’na mun, Judai gam ah khawpite leh Jerusalem khawlai dung, a sung ah chêng ding mihing leh gancha umlo’na mun ma ma ah chun,

JEREMIAH 34:1

Babulon Lengpa Nebukadrezar leh a sepai zosia chun, khawvel ah lenggam zosia leh, a lenggam sung ah mipi zosiate chun Jerusalem khua leh a khawpel zosia a do lai tak un, Lalpa‘n zia gual hin Jeremiah kiang in thu a hun gen a:

JEREMIAH 34:22

Amau chu thu pia’ng ka tin, zia khawpi do ding hin hun le’pui kit ing ka, Lalpa‘n a tii; tichun, zia khawpi chu hun do zo in, mei in hâl tum ta’n au. Judai gam ah khawpi zosia chu a chêng umlo ah a hawm ah koi ding ka hi, a tia.

JEREMIAH 39:3

Jerusalem a lâk zaw phat un, Babulon lengpa milian leh lal zosia chu a hung un, Kotpi lailung ah chun a hung kichuu ah, ziate lak ah chun: Nergal-sharezer, Samgar-nebo, Rabsaris ah pang Sarsekim, Rab-mag ah pang Nergal-sharezer tawh, Babulon lengpa milian leh lal zosia tawh a hiu a.

JEREMIAH 4:16

Nam tinte kiang inle, “A hung tung tau,” ti’n hil unla, Jerusalem kiang in, “Hisia dingte chu gamla tak ah kipat in a hung un, Judai gam ah khawpi do’na thu’n a kiho ui.

JEREMIAH 4:6

Mallam ah kipat siatna hun tunsak ding ka hiziak in, Zion zotna lam hil unla, bitna ding hawl in tai unla, muang kiu in.

JEREMIAH 43:10

a kiang un zia gual hin gen in: Sepai honte Lalpa, Israelte Pathian in zia gual hin a gen hi, ti’n la: Ka suakpa, Babulon Lengpa Nebukadrezar chu hun sawl ing ka tin, zia ka suangphute chung ah hin a lalchutpha daw dingin hun pui ing ka; chuleh, a lal puan In chu zia chung ah hin hun jaksak ding ka hi.

JEREMIAH 44:6

Ziaziakchun, ka lungnatna leh hachangthakna chu, Judai gam ah khawpite leh Jerusalem kotzingte ah chun butthâk in a hung um tai; tu’ni tiang ah nutsia leh a hawm in a hung um khawlaw tau a hi.

JEREMIAH 46:24

Aigupta chanu chu mualpho ding ahi; mallam ah kipat hung kuante khut ah, piakdaw ah um ding ahi.

JEREMIAH 5:15

Aw Israel, gamla tak ah namte chu, nangma do dingin hun pui ding ka hi, Lalpa‘n a tii. Nam sekdo tak, kumlui tak leh, a pau uh la het ngailoteu leh, a gen uh la hiatthei lo teu a hiu.

JEREMIAH 6:22

Lalpa‘n zia gual hin a gen a: En un, mallam gam ah kipat in mipi a hung ui; lei mong gamlatna pen ah nam thupi tak, hung kichok phûl ding a hiu.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

KÂ LATE 5:11

Zion ah numeite, Judah khawpi nungak thiangthote pawng sual in a um ui.

EZEKIEL 32:30

Mallam ah lalte chule Sidonte tawh, a hatnau ziak ah mi zosia tizatte chu zakcha tak in, nuaimi gam in a lut khawm tau a; zektanlote tawh chemjam ah thi zosia chu, mualpho tak in mithi khua chun a kiton suk tau hi.

JOEL 2:20

Mallam ah la gâlteu chu, gamla tak in koimang ing ka tin, gamkeu leh gamsia lak ah naw kit ing ka; a matawng pawl sualam tuisuagiat sung ah, a nungdâlte tumlam tuisuagiat sung ah; a gimsia leh ui hung pawt in a. Kichian tak in ama’n thil lopi takte a bawl tai!

ZEKARIAH 6:6

Sakol vom in a kai kângtalai chun mallam a zuan ah, sakol kâng chun tumlam a zuan in, sakolpuang chun simlam a zuan hi,” a ti’n.