JAKOB 5:5 - PATHIAN LEKHABU THIANGTHO (BSI)

⁵ Lei chung ah buting leh nopsa tak in la khawsau in; gan la tha niu ah chun la lungthim uh la hilim ui.

JAKOB 5:5 ပူးပေါင်းရင်းမြစ်များ

SAM 17:14

aw Lalpa, la khut in mihingte lak ah kipat ei hukhing in, amau dam sung chanvo chu, zia khawvel ah bep hin a um ngal a. Amau â ding ah la kholpiakte zosia’n, a gilpiu hidim inla, a chateu in a mamaw sâng ua tam zaw nei uh hen la; a chasenteu â ding tiang in, bang a hem khat bêk thi’san uh hen.

SAM 73:7

Thauna ziakin a mit uh a pawng ah, thilphalo gêlna’n a lungthim uh a dimlêt hi.

THUPILTE 17:1

In sung ah kina buai zing kawm ah luaithe’na an nêk sâng in, kilung tuak tak ah ankhing nêk khawm chule a pha zawi.

THUPILTE 7:14

“Kichamna thillat ah piak ding ka nei tai, tu’ni hin ka kipautiamna ka mualsua tai;

THUGENTU 11:9

Aw khanglai, la khangdawng lai nikhua hin lim inla, la lên lai ni hin la lungthim chu hilim in. La lungthim doidan leh la mit mu nopdan ah chun chia in; ahi’n, zia haw zosia ah hin, Pathian in vaihawmna hun pui lût ding ahi ti hezing in.

ISAI 22:13

himaleh, zia thasâng ah chun, kipakna, luaithe’na leh nunnopna, bawngchal tha’na, belam tha’na, zu leh sa nêkna’n la mang ui. “Ne leh dawn hitiu, jing leh thi ta ding I hi’ngâl un,” la tiu a.

ISAI 3:16

Lalpa‘n zia gual hin a gen hi: Zion chanute kisathei tak ah ngawng thekawi leh, mittêt sâng tak ah, kikhaw awt awt ah chia ah, a kãl uh a suan git lok lok ziak un;

ISAI 47:8

Ziaziakchun, tu’hin ziate hi he ta’n, nang mi kinoptel leh bit kisa tak ah khawsa, la lungthim in: “Keima sâng ah lian kuama a um pua’n; meithâi gual in kichu pua’ng ka tin, ka chate le sûn pua’ng ka,” la ti’n.

ISAI 56:12

Amau chun, “Hung un, uain dawn hitiu; zukha dawn vâ sêt hitiu. Jing leh tu’ni gual hi’ntin; gen gual lo ah ni lopi hiding ahi,” a tiu hi.

JEREMIAH 12:3

Himaleh, aw Lalpa, nang in lei hia’i. Ka lungthim in a hun nai zing hi ti la mu chian a, lei patep ta ahi. Amau chu belam thalup ding gual in kaidok inla, a kithana ding ni ngâk in koichuam ta’n.

JEREMIAH 25:34

Nanghaw belampute haw, kap unla, kiu chuai chuai un; nanghaw gancha hon chung ah vaihawmte haw, leivui lak in kitâl puang un, nanghaw thalupna ding ni leh, thejak ah la umna ding uh nite chu, a hung tung tai; bêl doichuamte gual in um ta’n lau.

EZEKIEL 16:49

La suapinu Sodom gitlona chu zia hi ahi: ama leh a chanute a kisathei un, nêk a pap un, a kinoptel un, genthei leh tasamte vang a ngaisak puau hi.

EZEKIEL 39:17

Nang, mihing in vang Lalpa Pathian in zia gual hin a gen hi: Vacha chitin leh gamsa chitinte kiang in, “Hung khawm unla, nanghaw â ding ah luaithena ka bawl ûm dingin kil tin ah kipat hung un, Israel tânggam ah luaithe’na thupi tak ka bawl piak hi, zia tak ah chun a sa ne’n, a thisan hung dawn tau in.

AMOS 6:1

Zion ah kinoptel ah, Samaria tâng ah bit kisate, nam zosia lakah a pakhatna kingaite lak ah miliante, Israel Inkuan in a bêlteu haw, la chung uh a gik hi!

LUKA 16:19

Mi hausa kua a hem khat a um ah, puan sandup leh puan malngat in a kithuam sek a, nisi’n nuamsa tak ah ne leh dawn in a um sek hi.

LUKA 16:25

Himaleh, Abraham chun, “Ka chapa, nang in la dam lai khan thilpha la chang in, zia gual ma chun Lazar in thil phalo a chan kha hezing ta’n; tu’hin vang ama zia hin lungmuang tak in a um in, nangma thuakgim tak in la um ahi tai.

ROMTE 13:13

Sûn ah khawsa gual ah pha tak in um hitiu; zudawn buai leh zukham ah umlo in, hûk leh kidoicha umlo in, kina’ leh kithangsia umlo in;

1 TIMOTHI 5:6

Ahi’n la, meithâi ama nopsakna ding bep ah hing chu, a dam lai ngei ah le a thisa ahi.

2 TIMOTHI 3:4

juauhatte, thunung ngaitualote, kimisakte, Pathian hepi sâng ah ama kinoptelna ngaina zaw te;

2 PETER 2:13

Thil hi’khial ziak ah thil phalo tuak in, a siatnau ah chun mangthai in au. Sûn ah kivakva’n a nopchên ua. La kiang un kivâkna ankuang a bawl un, amau kithepna ankuang ahiziak in a thanghuai in, a buak ui.

JUDA 1:12

Ziate hi la hepina ankuangteu sumelsia chu a hiu hi; launa châng helo in a hung kivâkvâ sek ui. Amau chu sûm tui paw lo, hui in a taw lumlet leh thing a ga hun ah ga lo, nivei thisa, a zung ah kikaldokte gual a hiu in,

THUPUAN 18:7

Ama leh ama a kichawisan leh, a kinoptel dungzui in sukgimna leh, lungngaina’n vuk unla, a lungthim in, ‘Lengnu’n ka kichu, meithâi ka hi pua hen, lungngaina nei pua’ng ka,’ a ti ziakin.

1 SAMUEL 25:36

Abigail chu Nabal kiang a hung tung kit ah; ama chun lengpa gual ah a In ah luaithe’na thupi tak a siam lai tak ahi’n. Nabal chu zu a dawn kham ziakin, lungthim nuam tak in a la um ah; tichun, jingkal lam ah khawvak masang sia bangma a hil puai.

1 SAMUEL 25:6

Zia gual hin chibai vabawl unla: nang leh la Inkuante leh la nei zosia chung in thamuanna um ta hen.