JAKOB 5:17 - PATHIAN LEKHABU THIANGTHO (BSI)

¹⁷ Elijah kha eimau gual tho ah mihing ahi’n, ama chun guazuk lona dingin phatchuamngai tak in a pauchap a; tichun, kum thum leh thaguk sung lei chung ah gua a zu ta puai.

JAKOB 5:17 ပူးပေါင်းရင်းမြစ်များ

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

1 LENGTE 18:1

Ni tam tak nung in, khawkhâlna a kum thumna chun, Elijah kiang in Lalpa‘n thu a hun gen a, “Chia inla, Ahab vakimusak in; lei chung ah gua hun sawl ding ka hi,” ti in.

LUKA 4:25

Himaleh, thu dik tak chu zia hi ahi: Elijah hun lai ah khan, kum thum leh tha guk sung van a hung pin ah, a gam pumpi kial a tun lai khan, Israelte lak ah meithâi tam tak a la um tho ui;

NASEPTE 10:26

Himaleh, Peter chun ama chu a kaitho a, “Tho in, keile mihing mai mai ka hi,” a tia.

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.

ROMTE 11:2

Pathian in a hetlawkte a hiziak un, a mite chu a pâmpai puai. Elijah khan Israel chung thu ah Pathian kiang ah thu a tutna thu, Pathian Lekhabu’n a gen kha helo la hiu em?

THUPUAN 11:6

Ziate chun a thugen sungsiau guazu lo dingin van hi’pin theina a nei un, tuite le thisan suaksak theina a nei un; chuleh a nop hun hun un khawvel ah hipi lênsak ah sukchimit theina a nei ui.