JAKOB 5:16 - PATHIAN LEKHABU THIANGTHO (BSI)

¹⁶ Chutichun, sukdam ah la umtheina ding un, la gitlonateu thupha kichawi tuau in la, kipauchaptua piak un. Midik pauchapna chun thil ahi’thei ah, a phachuam hi.

JAKOB 5:16 ပူးပေါင်းရင်းမြစ်များ

THILSIAM THU 19:29

Chun, Pathian in phâicham khawpite a hi’mangthai lai ah khan, Pathian in Abraham chu a hezing in; tichun, Lot chênna khawpite a hi’mangthai lai ah chun Lot chu sukmanthaina lak ah pat in a hukdok tai.

THILSIAM THU 20:17

Chun, Pathian kiang in Abraham a pauchap ah: chuleh, Pathian in Abimelekh tawh, a ji tawh a suak nungakte chu a sudam kit ah, chate le a hun nei thei kit tau a.

THILSIAM THU 20:7

Tu’hin, mi ji kha pia kit ta’n; a pawsal kha jawlnei ahi ngal in, hun pauchap piak intin, dam mai in la. La piak kit lo leh chu thi ngei ding la hi ti he’n, nang tawh, la nei zosia natiang in,” a ti tai.

THILSIAM THU 32:28

Ama chun, “La min Jakob hita pua’n tin, Israel hizaw ta’n ah, Pathian tawh mihing la buan gêl ta’n, la thazo ta’ngal in,” a ti’n.

2 SAMUEL 19:19

lengpa kiang ah chun, “Ka lalpa, lengpa hin Jerusalem la pawtsan ni’ la suakpa’n ka la bawlkhial dante kha hezing ah, ei mawsak lo dingin ka lalpa hi ka hun ni la hi; zia chu lengpa hin tepte zing ta ki’hen.

1 LENGTE 13:6

Lengpa chun Pathian mi kiang ah chun, “Tu’hin, Lalpa la Pathian doisakna don inla, ka khut hi a pangai hisak kit dingin ei pauchap piak in,” ti’n a don a. Tichun, Pathian mi chun Lalpa kiang in a pauchap ah; tichun, lengpa khut chu a damkit ta’n, a ma’ gual kha a hung hi’kit tai.

2 KHANGTHU 30:20

Lalpa chun Hezekiah pauchapna chu a ngaithâk ziakin mipite chu a hi’dam tai.

JOB LEKHABU 42:8

Ziaziakchun, tu’hin, bawngchal pasagi tawh belamchal pasagi, ka suak Job kiang ah hun kai unla, hâlmang thillat vakibawl un; chuleh, ka suak Job in hun pauchap piak intin, zia chu a la pom piak ing ka tin, la mawl dungzui un hun thuk pua’ng ka; ka suak Job gual in ka chung thu dik tak in la gen paw’ngâl ua,” ti in.

SAM 34:15

Lalpa mit chun midikte a en sek in, a kiko thawm uh he ding in a bil le a daw sek hi.

PAWTDAWNA THU 17:11

Mosi’n a bân a jak lai sia chu Israelte’n a zo ua; a ban a kiak niam phat leh Amalekte’n a zo ngen sek ua.

PAWTDAWNA THU 9:33

Tichun, Mosi’n Pharaoh a nusia in, khawpi pawlam in a pawtdok ah, a khutte chu Lalpa lam in a jakdok a; ziaphatchun, van-gi leh gialpi chu a chawl ta’n: gua chule lei chung ah chun a zu ta puai.

THUPILTE 15:29

Lalpa chu migilote ah kipat gamla tak in a um in; midikte pauchapna chu vang a ngaitha zing hi.

THUPILTE 15:8

Mi nunsia kithoina chu Lalpa ki’dak lam tak ahi’n; mi lamzang pauchapna vang, a kipakna lam tak ahi.

THUPILTE 28:9

Dan le ngaisak talo mi chu, a pauchapna le ki’dak um ahi.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

JEREMIAH 42:2

jawlnei Jeremiah a hun nai un, a kiang in, “Lungsiat ah ka dotnau ei ngaithâk piak dingin, la phatna sua inla, Lalpa la Pathian kiang ah, a um nalai sunte â ding hin ei dot piak in. La mit ngei ah la mu gual in, mi tam tak lak ah tawmcha bep nutsia ah um ka hitau hi.

KISIMNA LEKHABU 11:2

Ahi’n, mipite chu Mosi kiang in a patau un; chuleh, Mosi Lalpa kiang ah a pauchap phatin meikuang chu a mit tai.

MATTHAI 21:22

Bangkim ginna nei ah la dot taphot uh chu, lawting ding la hiu, ti’n a dawnhu a.

MATTHAI 3:6

a gitlonateu kipuang in, Jordan lui ah chun baptisma a chang chiat tau hi.

MARKA 1:5

Tichun, Judea tânggam ah kipat leh Jerusalem khawpi mite chu a hung khawm ua; a gitlonateu puang in, Jordan lui ah chun baptisma a hung chang tau hi.

LUKA 9:6

Tichun, a kipandok ua, chanchinpha chu gen malam pek in khuate chu a fang un, mun tin in damlote a hi’dam malam pek tau hi.

JOHAN 9:31

Pathian in migilo thu a ngai pua’n; ahi’n la, kua’nle Pathian a ho ah, a doigual a bawl chun a ngaithâk piak sek hi.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 19:18

Chuleh, a ging tam takte chu a kiphuang ua, a thilhi zosiau chu a tâklang tau a.

NASEPTE 8:24

Simon in, “La thil gen uh bangma ka chung ah a tun lona dingin, nang un Lalpa kiang in ei pauchap piak un,” a tia.

ROMTE 3:10

“Kuama midik a um puau in, pakhat chale a um puau hi.

ROMTE 5:19

Mi pakhat thu awi lona ziak ah khan mi tam tak migilo a hung hi tau a; zia gual ma chun, mi pakhat thu awina ziakin mi tam tak chu midik hung hi’n au.

KOLOSSA 1:9

Ziaziakchun, ka het niu ah kipat kei unle nang uh â ding ah pauchap leh dot piak ka hai nai puau hi; thagau lam pilna leh hetna zosia, a doilam hetna hi’dim ah la hung umtheina ding un.

1 THESSALONITE 5:17

Chawl lo in pauchap un.

1 THESSALONITE 5:23

Chamna Pathian ngei chun la pum un hi’thiangtho ta hen; chuleh, la thagau uh leh, la lungthim uh leh, la taksau chu I Lalpa Jesu Khrista hung tiang ah thiangtho leh demna bei in um ta hen.

1 THESSALONITE 5:25

Suapite haw, ei pauchap piak zing un.

HEBRAITE 11:4

Ginna’n Abel in Kaina sâng ah kithoina phazaw Pathian kiang in a lân a. Pathian in a thilpiak a pom ziakin, a thilbawl ziak chun midik ah pom a hi; thi ta maleh, a ginna ziakin thu a gen zing nalai hi.

HEBRAITE 11:7

Ginna’n Noah chu mu nailo thil thu ah Pathian hillawknate a pom ziakin, a Inkuante hukhinna dingin kuang a tu’n; zia chun khawvel thiamlo a chan in, ginna ziak ah dikna goluapa a hung hi tai.

HEBRAITE 12:13

kengbaite kiloisak lo ah, hi’dam ahi’na ding un, la kengteu â dingin lamzang kisiam un.

HEBRAITE 13:18

Kei â dingin ei pauchap piak un; sia leh pha hetna thiang tak ka nei ui ti ka hechian un, bangkim in dik tak ah um ka guau hi.

JOSHUA 10:12

Lalpa‘n Israelte khut ah Amorte a piak ni chun Joshua’n Israelte mit mu in Lalpa kiang ah zia gual hin a gen a: “Nisa, Gibeon khaw chung zawn ah ding zing inla; Thapi, nang le Aijalon guam chung zawn in um zing in,” a ti’n.

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

1 JOHAN 3:22

chuleh, a thupiakte zawm ah a kipakna lam I bawl sek ziak un, I dot taphot I mu sek uh ahi.

1 SAMUEL 1:12

Zia gual ah Lalpa kiangah a pauchap lai takah a muk phun chu Eli in a la en zing a.

1 SAMUEL 12:17

Tu’ni hi gehu bu-ât hun hilo a hem? La chung ua vaihawm ding leng la kidot ziang uh hi Lalpa mit mu ah thil huaisia tak ahi ti la het ua, la mutheina ding un, Lalpa chu ko ing ka tin, van-gi leh gawpi hun zuksak ding ahi,” a tia.

1 SAMUEL 12:18

Tichun, Samuel in Lalpa a ko ta’n; chuleh, Lalpa‘n zia ni chun van-gi leh gawpi a hun zuksak ah; tichun, mipite chun Lalpa leh Samuel chu a lau ma ma tau hi.