JAKOB 5:11 - PATHIAN LEKHABU THIANGTHO (BSI)

¹¹ Ahi, a thuak-hatte chu hampha I ti sek ui. Job thok-hat dan kha la hiau ah, Lalpa thil guanggal dan kha le la muu hi; Lalpa chu hepina leh jangaina dim ahi dan le la he tau hi.

JAKOB 5:11 ပူးပေါင်းရင်းမြစ်များ

1 KHANGTHU 21:13

Ziaphatchun, David in Gad kiang ah chun, “Ka ngaitua thei ta puai; Lalpa chu jaidawna nasa tak nei ahiziak in mihing khut ah kipiak sâng in, ama khut ah kipe lut mai ing ka,” ti’n a dawnhu tai.

2 KHANGTHU 30:9

Lalpa lam ah la hung kihei kit ua ahi chun, la suapiteu leh la chateu chun sal ah mante lainatna hung chang intiu in, zia gam ah hin hun pui tung kit ding ahi. Lalpa la Pathian uh hi lainatna dim leh, ja’ngai tak ahi ngal ah; ama lam la ngat kit ua leh ama’nle nang uh lam hun nga kit ding ahi ngalah,” ti’n a thot tau hi.

NEHEMIAH 9:17

la thu nial in, a lak ua la thilbawl mak tak takte khale a la ngaisak puau hi; ahi’n, kihi’ lu’lul in, Aigupta gam ah a suak channau lam ma’n kile’kit a tup tau a. Himaleh, nang chu Pathian ngaidam pei, mi hepi thei, lainatna dim, jaidaw leh chitna hau la hiziak in, amau haw chu la thâthawt puai.

NEHEMIAH 9:31

Chuti maleh, la ja’ngaina a nasat ziakin amau chu sumangthai ziang lo in, la nusia diak puai; nang mi hepina dim leh ja’ngaina hau Pathian la hiziak in.

JOB LEKHABU 1:1

Uz gam ah chun mi pakhat a um ah, a min chu Job ahi. Zia mipa chu demna bei leh mi diktat, Pathian lau leh thil phalo him him bawl ngai lo mi ahi’n.

JOB LEKHABU 1:2

Chapa pasagi leh chanu pathum a nei a.

JOB LEKHABU 2:10

Himaleh, ama’n a kiang in, “Numei ngolte gual ah pau puat puat ziang la hi hi lam. Pathian ah kipat thilpha ngen mu ah, a phalo him him mulo ziang ding ah la ngai a hem?” ti’n a dawnhu ah. Zia zosia ah chunle Job in a kam sung ziang inle thu a gen khial puai.

JOB LEKHABU 23:10

Himaleh, ama’n ka lampi zui chu a henai; ei patep zaw phat leh sana gual in, hung pawtdok kit ding ka hi.

SAM 103:13

Pa’n a chate a lainat gual in, Lalpa‘n ama laute a lainat hi.

SAM 103:8

Lalpa chu khawtua thiamna leh lungsiat thiamna dim, lung niang tak leh ngilneina dim ahi.

SAM 116:5

Lalpa chu mi hepi thei tak leh dik tak ahi; I Pathian uh hi mi lainat thei tak ahi.

SAM 119:132

La min thangaite la hepi sek gual ah khan, ka lam hun nga’n la, ei lungsiat in.

SAM 145:8

Lalpa chu mi lungsiat thiam, lainatna dim leh lungnem, ngilneina buting nei ahi.

SAM 37:37

Dem kailote tepte inla, midiktat chu kansui in: kicham nuamte chun suan leh pâk, tasam lo ding ahi ngal un.

SAM 51:1

Aw Pathian, la ngilneina dungzui in, ka chung ah ja’ngai inla, la lainatna dungzui in ka hi’khelna thaimang ta’n.

SAM 78:38

Ahi’n, ama chu lainatna dim ahi ziakin, a khawlonau chu ngaidam in amau chu a gawt chimit diak puai. A lungnatna a kisûm ah, a hachang thakna zosia chu a choktho nuam puai.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

SAM 94:12

Aw Lalpa, la thunun ah, la dan dungzui ah la zilsakte chu, mi hampha a hiu in,

PAWTDAWNA THU 34:6

Chun, Lalpa’n a hun makhel ah: “Lalpa chu! Lalpa chu! Pathian, lainatna dim, mi khawtua thei tak, lung nêm tak chu; Ngilneina leh ginumna dim chu:

THUGENTU 7:8

Thil khat kipatna hi a tawpna sâng in a pha zaw’n; lungthim chapo sâng in lungthim sekdo a pha zawi.

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

KÂ LATE 3:22

Lalpa ngilnei hepina chun tawp ni a nei pua’n, a ja’ngaina chunle tawp hun a nei diak puai;

DANIAL 9:9

Lalpa I Pathian uh vang ja’ngaina dim leh ngaidam zo zing ahi; ama chung in a la hel tamaleu hin,

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

KISIMNA LEKHABU 14:18

‘Kei Lalpa la Pathian uh hi, lungna vak ziang lo, lungniang leh hepina dim, thiamlona leh bawlkhialna zosia ngaidam ah, a hiziak ah thiamlonate hemil ziang ngai lo, pate thiamlona le chate chung ah, khang thumna leh khang li’na tiang ah, a tu a chateu tiang ah phuba la ziang ka hi,’ la ti ta ngâl a.

MATTHAI 10:22

Keima min ziakin mi zosia huat hi’n lau; himaleh, a tawp tiang ah thuak mualsuak tapo chu hukdam in um in au.

LUKA 1:50

Ama ki’chate chung ah chun, a jangaina chu a khang, a khang inle um zing ta’n a.

LUKA 11:10

A don tapo in a mu sek un; a hawl tapo in a mu sek ui; kotkhak kiu tapo chu hon piak hiding a hiu.

LUKA 6:36

La pau a jangai gual in nang uh le jangai un.

ROMTE 2:4

Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

EPHESA 2:4

Ahi’n la, Pathian chun, hepina a hau dungzui ah ei la hepi ziakin;

HEBRAITE 10:39

Himaleh, ei haw vang mangthai ding ah kinungtawl pawl I hipuau a; hukhinna chang ding ah gingte I hizawu hi.

HEBRAITE 3:14

A tîl ah kipat I ginnau kingakna kha a tawp tiang ah I tûkdet ua chun, Khrista kikoppite chu I hitau hi.

HEBRAITE 3:6

Himaleh, Khrista chu vang ama Insung in Chapa hi’ in a ginum hi; ama I muan ngamnau leh ama ah I kinepnau ah kipakna chu I tukdet zing ua leh ama Insung mite chu I hiu.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

JAKOB 1:2

Ka suapite haw, patepna bang gual la tuak unle, kipakna lam bep in ngai un,

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

1 PETER 3:14

Ahi’n la, dikna ziak ah la thok ua leh a hampha la hiu. Amau chu kicha kiu inla, lauthawng diak kiu in,

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.