JAKOB 4:8 - PATHIAN LEKHABU THIANGTHO (BSI)

⁸ Pathian chu nai un; tichun, ama’nle hun nai in a. Nang uh mi gilote haw, la khut uh sil thiang unla, nang uh mi phalêmte haw, la lunggil uh hithiang un.

JAKOB 4:8 ပူးပေါင်းရင်းမြစ်များ

THILSIAM THU 18:23

Abraham in a vak nai ah, a kiang in, “Midikte chu migilote tawh sumangthai khawm ziang ding la hem?

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

JOB LEKHABU 16:17

Ka khut in thagum a sua pua’n, ka pauchapnale a thiangtho zing hi.

JOB LEKHABU 17:9

Midik chun a lampi ngai ma a tuchak in, khut thiangtho neite chu vang hat deu deu in au.

JOB LEKHABU 9:30

Sabon ah kisil in, changaltui in ka khutte sawp ziang lengle,

SAM 119:113

Lungthim mumal neilote chu ka hua hen, la dan vang ka ngaina ahi.

SAM 145:18

Lalpa‘n thutak ah ama kote chu a nai sek in, thutak ah ama ko tapote chu.

SAM 18:20

Lalpa‘n ka dikna dungzui in kipakman ei pia’n; ka khutte a thiantho dungzui in ei din kit hi.

SAM 24:4

Khut thiangtho leh lungthim thiangtho nei ah, a lungthim ah bangmalo mai mai ngaitua ngailo ah, lungthim dawha phalo nei ah kitiam ngailo mite chu.

SAM 26:6

Mawna bei in ka khut sawp ing ka tin; tichun aw Lalpa, la mâichâm kîmvêl ing ka tin,

SAM 51:10

Aw Pathian, keima ah hin, thinlung thiangtho siam inla; ka sung hin thagau thak leh dik koi ta’n.

SAM 73:13

A thawn mai in ka thinlung ka hithiang ah, ka khutte gensiat bei in ka silthiang sek hi.

SAM 73:28

Kei â dingin vang, Pathian nai ah um hi a pha ahi; Lalpa Pathian chu kihumbitna’n ka mang hi, la thilbawl zosia chu ka gensawn theina dingin.

ISAI 13:15

Mai phâk ah um taphot chu sutthil hi’n tiu in, mat ah um taphot chu chemjam ah thalup hi’ngal in au.

ISAI 29:13

Lalpa‘n zia gual hin a gen a: “Zia mite hin kamthiam in ei nai un, mûk thiam in ei ja’bawl un, a lungthim uh vang a gamla ma ma hi; keima ei biaknau chule, mihing thupiak dangnâl thu ah zil thiamna mai mai ahi;

ISAI 58:2

Ahi’n, amau chun nisi’n in ei hawl ngei un, ka lampi le a he nuam nau hi; dik tak ah bawl sek namte gual leh, a Pathian thuthung kihei mangsanlote gual in, dik tak in vaihawm in ei tiu a; Pathian nei le a nop lam uh ahi nai.

JEREMIAH 4:11

Ziaphat chuleh, zia mipite leh, Jerusalem kiang in zia thu hi gen piak hita’n a: Gamkeu lam ah tângsâng ah kipat in, ka mipite genthei tak ah umte mût vot ding leh, mut thiang ding hilo in, keima ah kipat in hui lum tak hung hâng ding ahi.

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

KÂ LATE 3:57

La min ka hun ko phat leh, nang in lei nai sek a, “Lau kin,” lei ti ta’n.

EZEKIEL 18:31

Ka chung ah la thil bawlkhial zosiau haisan unla, lunggil thak leh thagau thak kilâk lût chiat tau in! Aw Israel Inkuante haw, bang ding ah thi laizang ding la hiu em?

ZEKARIAH 1:3

Ziaziakchun, a kiang un: Sepai honte Lalpa chun zia gual hin a gen hi: Sepai honte Lalpa‘n ka kiang lam ah hung kihei kit un, keile nang uh lam in hung kihei kit ing ka, sepai honte Lalpa‘n a tii.

MALAKI 3:7

La pu leh pateu hun lai ah kipat khan ka dan thuguatte la kihei mangsan un, la zawm ta puau hi. Ka lam ah hung kihei kit mai un, keile nang uh lam in hung kihei kit ing ka, sepai honte Lalpa chun a ti ahi. Ahi’n, nang un, “Bangti’n hung kihei kit ding ka hiu em?” la tiu a.

MATTHAI 12:33

Thing pha chu a ga le a pha’n, thing phalo chu a ga le a pha puai: thing chu a ga ah hetthei ahi.

MATTHAI 15:2

Bangatia, la nungzuite hin upate thugosia chu botsia a hiu em? An a nêk ding phat ua leh a khut uh sil lo in a neu hi, a hung tiu a.

MATTHAI 27:24

Pilat in bangma hi’thei a nei ta puai, hung buai zaw deu deu ding ahi ti a het phat in, tui a la, mipite ma ah chun a khut a sawp a, “Zia midik thisan hin ka thiang hi; nang un la law lawu kilaw tau in,” a tia.

NASEPTE 15:9

Ziaziakchun, eimau leh amau kikâl ah kidanglamna bangma a umsak ta puai, amau haw lungthim le ginna’n a sukthian piak ta ngal a.

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

1 TIMOTHI 2:8

Chutichun, muntin in pawsalte chun, khut thiangtho jak in, lungna lo leh kinial lo in pauchap leu ka dawi in;

HEBRAITE 10:22

lungthim dik tak pu’n, ginna kihetchianna bukim chu nei in, I lunggil sia leh pha hetna chu suthiang in, I taksau le tui thiang ah sil in, ama chu nai hitiu.

HEBRAITE 7:19

(Dan chun bangma a hi’bukim thei puai;) himaleh, kinepna phazaw chu puak lut a hung hi tai; zia chun Pathian I nai uh ahi.

JAKOB 1:8

ama chu lungthim thua nei, a thil hi zosia ah det lo ahi ngal a.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

1 PETER 3:21

Zia kibatpi baptisma chun, taksa buakna sukthianna bep hilo in, Pathian lam ah sia leh pha hetna sukthianna hizaw in, Jesu Khrista thawkitna ziakin tu’hin a hun hukhing tai.

1 JOHAN 3:3

Kuale, zia kinepna nei taphot chu ama a thiantho gual in a kisuthiangtho sek ui.

1 SAMUEL 14:35

Chuleh, Saul in Lalpa â dingin mâichâm pakhat a siam ah, zia chu Lalpa â ding ah a mâichâm bawl masakna penle ahi.