JAKOB 4:6 - PATHIAN LEKHABU THIANGTHO (BSI)

⁶ Himaleh, hepina tam zaw diak a pesek hi; ziaziakchun, “Pathian in mi kilestsakte a do in, mi kingaitawmte chu doisakna a pesek hi,” ti ahi.

JAKOB 4:6 ပူးပေါင်းရင်းမြစ်များ

2 KHANGTHU 32:26

Ziaphatchun, Hezekiah in a chapona lungthim chu hun kheniam in, Lalpa lungnatna chu Hezekiah dam sung ah Jerusalem khua chêngte leh ama chung ah chu lo dingin a hung kingainiam tai.

2 KHANGTHU 33:12

Lungngaina huaisia tak a tuak phatin, a pu leh pate Pathian, Lalpa kiang ah kingainiam tak in a doisakna a don tai.

2 KHANGTHU 33:19

A pauchapna, Pathian in a thildot a dawnhu dan, a gitlona zosia leh a ginum lo dante, a thoimual siamna munte, dawikhuam a bawlte leh a milim siamte leh a kingainiam ma’ a thilbawl zosia chu, thiamgau in a thil tepte’na lekhabu chun a la zik lut suak ta ahi.

2 KHANGTHU 33:23

A pa Manasseh a la kingainiam gual ah umlo in, Amon chu Lalpa âng in a kingainiam nuam pua’n; zia Amon hin vang thil a bawlsual lian zaw deu deu hi.

2 KHANGTHU 34:27

zia mun thu leh a sung ah chêngte chung thu kigen haw la het ah, Pathian âng ah kisik leh kingainiam tak ah la umna ziakin, ka ma-âng ah la puante botthêk ah, la hung kâ tâk ziakin, ke’nle la ni’na chu ka la ngaitha tai, Lalpa‘n a tii.

JOB LEKHABU 22:29

Mite tawden ah a um phat ua leh, a kiletsak ziak ahi la tiu ah; mi kingainiamte ama’n a hukdok sek ngâl a.

SAM 138:6

Lalpa chu sâng tak in um maleh, mu tawm ah umte chu a ngaitua sek hi; michapote vang gamla tak ah kipat in a muchian hi.

SAM 9:12

Thisan phuba la sekpa chun amau a khawksak ngal a; hi’genthei ah umte kiko aw a hemil ngai puai.

PAWTDAWNA THU 18:11

Tu’hin, Lalpa chu pathian dang zosia sâng in a lianzawi ti ka he tai; a chung ua nunsia tak ah thu a nei khum zing lai un, a mipite chu Aigupta mite khut ah kipat in a hukdok ta’ngal in,” a tia.

THUPILTE 15:33

Lalpa launa chu pilna lampi kihilna ahi’n; kingaitawmna chu choisa’n ah umtheina ahi.

THUPILTE 18:12

Manthaina ma’n lungthim chapona a hung um masa sek in, choisânna ma-âng in kingaitawmna a um masa sek hi.

THUPILTE 22:4

Thunuaigolna leh Lalpa launa man chu, hausakna leh choihoina leh hinna ahi.

THUPILTE 29:23

Mi a kiletsakna chun kainiam intin; maleh, kingaitawmna lungthim nei mi chun choisânna mu’n a.

THUPILTE 3:34

Mi nuaisiate chu a nuaisia sek in, mi kingaitawmte chu a doisak sek hi.

ISAI 2:17

Mihing kingaisânna chu hi’niam hi’ntin, mi tin kisaktheina chu hi’tawm in um in a; ziaphat chuleh, Lalpa bep chu, choisân in um ta’n a.

ISAI 54:7

Hun chomcha sung â ding bep in ka hun nusia in; maleh, lainatna lian tak in hun pui khawm kit ding ka hi.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

MATTHAI 13:12

Kuale, a nei tam chu piak belap hi’ntin, tam tak nei in a; himaleh, a neilo chu a neisunle lâkpiak hi’n a.

MATTHAI 23:12

Kuale ama leh ama kichawisâng chu, mutawm in um intin; chuleh, kingaitawm chu choisa’n in um in a.

LUKA 1:52

Mi lopite chu a chutnau ah kipat a sawn tha’n, mi tawm takte chu a domsâng tai.

LUKA 14:11

Ama kingaisangte chu suktawm in um intiu in; ama kingaitawmte chu vang choisa’n in um in au,” a tia.

LUKA 18:14

Ka hil la hiu, a masa pa sâng in zia pa chu thiamchang ah um in a In lam in a chia suk tai. Ama kichawisâng tapo sukniam hi’n tiu in, kingainiamte chu choisa’n in um in au,” a tia.

JAKOB 4:10

Lalpa âng ah kikoi niam un; tichun ama’n hun chawisâng in a.

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

1 SAMUEL 2:3

Kisathei tak in pau ta kiu inla, la kam ua kipat êngpauna him him pawt ta ki’hen; Lalpa chu hetna Pathian ahi ngâlah, ama chun I thilbawl dan zosiau a te’tuak sek hi.