JAKOB 4:10 - PATHIAN LEKHABU THIANGTHO (BSI)

¹⁰ Lalpa âng ah kikoi niam un; tichun ama’n hun chawisâng in a.

JAKOB 4:10 ပူးပေါင်းရင်းမြစ်များ

2 KHANGTHU 7:14

ka min pu ka mipite a hung kingaitawm ua, a hung pauchap ua, ka mêl a hun hawl ua, a nun siatnau lampi a hun kiheisan phat ua leh, van ah kipat hun ngaitha’ng ka tin, a gitlonateu ngaidam in, a gam uh hi’dam kit ding ka hi.

JOB LEKHABU 22:29

Mite tawden ah a um phat ua leh, a kiletsak ziak ahi la tiu ah; mi kingainiamte ama’n a hukdok sek ngâl a.

JOB LEKHABU 5:11

mi dinmun niamte a domsâng in, lusûnte chu bitna mun ah a langkâi sek hi.

SAM 113:7

Ama’n gentheite leivui lak ah kipat in a hun kaitho in; tasamte chu vaivut lom lak ah kipat in a dom kâng a;

SAM 147:6

Lalpa‘n nuaisia ah umte a domsâng in; mi nunsiate vang lei tual in a septha sek hi.

SAM 27:6

Tu’hin, ka mêlma ei ûm kîmvêlte chung lam pekah, ka luchang dawp kang in a um tai; ahi’n, a puanbûk ah chun limna La ngai tak ah sa pum in, kithoinate chu lân ing ka; Lalpa pâk ah La sa’n, thilgi hoite tum ing ka.

SAM 28:9

Aw, la mite hukhing inla, la gochan chu maljawl ta’n; amau haw ching inla, kumkhua’n kaitua ta’n.

SAM 30:1

Aw Lalpa, nang in lei choisa’n ziak leh, ei do-te ka chung ah la kipaksak lo ziak hin, hun chawisâng ing ka.

PAWTDAWNA THU 10:3

Tichun, Mosi tawh Aron chu Pharaoh kiang in a chia tau ah, a kiang in, “Zia gual hin Hebraite Pathian in a gen hi: Ka ma-âng ah hin kingaitawm nuam lo ah bang chan um nalai ding la hem? Ei ho theina ding un ka mite hun thâdok ta’n;

THUPILTE 29:23

Mi a kiletsakna chun kainiam intin; maleh, kingaitawmna lungthim nei mi chun choisânna mu’n a.

EZEKIEL 21:26

ziaziakchun, Lalpa Pathian in: La dialkop hawk inla, la lallukhuk liptha’n; a hisa gual in bangma um ta pua’n a. Kingainiamte chu chawisâng unla, miliante chu tawden in um tau hen.

MATTHAI 23:12

Kuale ama leh ama kichawisâng chu, mutawm in um intin; chuleh, kingaitawm chu choisa’n in um in a.

LUKA 1:52

Mi lopite chu a chutnau ah kipat a sawn tha’n, mi tawm takte chu a domsâng tai.

LUKA 14:11

Ama kingaisangte chu suktawm in um intiu in; ama kingaitawmte chu vang choisa’n in um in au,” a tia.

LUKA 18:14

Ka hil la hiu, a masa pa sâng in zia pa chu thiamchang ah um in a In lam in a chia suk tai. Ama kichawisâng tapo sukniam hi’n tiu in, kingainiamte chu choisa’n in um in au,” a tia.

1 PETER 5:6

Ziaziakchun, a hun tak ah a hun chawihoi theina dingin, Pathian khut hât tak nuai in kikoi niam un.

1 SAMUEL 2:7

Lalpa‘n a chatgasak in, a hausatsak hi; a niamsak ah, a chawisâng sek hi.

1 SAMUEL 2:9

A mi ginumte keng chu vêng tup intin, himaleh, mi nunsiate vang, thim lak ah paithâk in hung um in au; thagum hatna ziak mai in kuama’n, zaw’na a chang diak pawngâl ua.