JAKOB 3:9 - PATHIAN LEKHABU THIANGTHO (BSI)

⁹ Zia chun Lalpa leh Pa chu I chawihoi un, zia ma ma chun Pathian mêlpu ah siamte chu hânsia I law sek uh ahi.

JAKOB 3:9 ပူးပေါင်းရင်းမြစ်များ

THILSIAM THU 5:1

Zia hi Adam suante khangthu chuanna lekhabu chu ahi: Pathian in mihing a siam ni khan Pathian tawh kipua in a la siam ah.

THILSIAM THU 9:6

Kuale mihing thisan suatu chu, mihing ma ma in ama thisanle hun sua in a; Pathian kibatpi ah mihing siam ahi ngal a.

2 SAMUEL 16:5

Lengpa David chu Bahurim a tun phatin, Saul Inkuante lak ah mi pakhat, a min Shimei kiti, Gera chapa a um in. Ama chun a hun zawt kawm in hânsia a law khum malam pek a.

2 SAMUEL 19:21

Zeruiah chapa Abishai in a dawnhu ah, “Shimei hin Lalpa sathaunu’ a la hosiat tâk ziakin, thalup mai ding hilo a hem?” a hun tia.

1 KHANGTHU 29:10

Ziaphatchun, David chun mipi kikhawm zosia ma-âng ah chun Lalpa a chawihoi ta’n; David in zia gual hin a gen a: “Aw Lalpa, ka suantu bul uh Israel Pathian, nangma chu kumtuang tiang in ka chawihoi hi.

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

SAM 10:7

A kam uh chu hânsia lawna, mithepna leh engbawlna’n a dim ta’n; a lei un mi siatna ding leh, a khawlona ding ngen uh a um hi.

SAM 108:1

Ka thinlung hi a det hi, aw ka Pathian, ka thinlung hi a det hi; La sâng ka tin, gi hoi lem ing ka. Ka hinna, hung thodok in!

SAM 145:1

Ka Pathian leh lengpa, nangma hun chawisâng in, la min kumtuang in pâk ing ka.

SAM 145:21

Ka kam in Lalpa pâkna thu gen intin, hinna nei zosia’n a min thiangtho chu kumtuang, kumtuang in pâk in au.

SAM 16:9

Ziaziakchun, ka lungthim a kipak ah, ka hinna le a lim in; ka taksa le bit tak in a chawldam hi.

SAM 30:12

tichun, ka hinna hi thip hiat hiat lo ah, nangma a hun pâktheina dingin. Aw Lalpa ka Pathian, la chung ah kumtuang in kipak zing ta’ng ka.

SAM 34:1

Bangtik lai inle Lalpa chu chawihoi zing ing ka tin; ama pâkna chu ka kam in pawt zing in a.

SAM 35:28

Tichun, nitum in ka lei hin la dikna thu gen in, la pâkna La sa ta’n a.

SAM 51:14

Aw Pathian, nang, ei hukhingpa, ka Pathian, thisan sua’na lak ah kipat, ei hukhing inla; chutichun, ka lei hin lei hukdawna thu, ngai tak in la’n sa’n a.

SAM 57:8

Ka thagau tho in. Aw dîngduang leh tingtangte, hal un! Kei chu jingpi tak in tho ing ka.

SAM 59:12

A kam ua a gitlo ziak leh a lei ua thu pawtte ziakin, a chapona thâng un awk tau hen. A hânsia lawnau leh a zuau thu gendokteu ziakin,

SAM 62:4

Mi pakhat dinmun sâng tak ah kipat, sotthâk ding bep a ngaituau a. Zuau thu gen a thatnop lam tak uh ahi; a kam un doisakna a piau a, himaleh, a lunggil tak un, hânsia a law sek ui. (Selah)

SAM 63:4

Tichun, ka dam sung sia’n hun pâk ing ka tin; ka khut jak in la min hun ko ing ka.

SAM 71:24

Sun nitum in ka lei hinle, lei panpi’na thu gen in ah; ka siatna ding hawlte sukmualpho leh, sukzachat in a um tau hi.

THUGENTU 7:22

nang inle mi hânsia la law sek dan kha la lunggil in a hezing ngal a.

ISAI 29:13

Lalpa‘n zia gual hin a gen a: “Zia mite hin kamthiam in ei nai un, mûk thiam in ei ja’bawl un, a lungthim uh vang a gamla ma ma hi; keima ei biaknau chule, mihing thupiak dangnâl thu ah zil thiamna mai mai ahi;

MATTHAI 26:74

Ziazaw chun, hânsia law leh kitiam hial in, “Zia mi chu ka hekha him him puai,” a ti kit a. Ziaphatchun âk a hung khuang ngal tai.

MATTHAI 5:44

Kei vang in ka hil la hiu, La mêlmateu hepiu inla, a sugentheite chu pauchap piak un;

NASEPTE 2:26

tichun, ka lungthim a kipak a, ka lei le a lim hi; ka taksale kinem tak in chawl in a.

ROMTE 3:14

a kam uh chu hânsia lawna leh kamsia ngen in a dim a;

1 KORINTH 11:7

Pawsal chu Pathian kibatpi leh lopina ahiziak in, lukhuk khuk ki’hen; numei vang chu pawsal lopina ahi.

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

JAKOB 3:10

Kam pakhat ah kipat choihoina leh hânsia a pawt khawm sek hi. Ka suapite haw, chuti ding chu hilo ahi.

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

VAIHAWMTE 9:27

Lou ah kuandok in, grep ga alo ua, a chil ua, nunnop a bawl tau a. Chuleh, a pathian ho’nau ah chia in, a neu ah, a dawn ua, Abimelekh chu a gensia tau a.