JAKOB 3:2 - PATHIAN LEKHABU THIANGTHO (BSI)

² Thil tampi I sukhial kha sek ngal un. Kua’n le thugen lam ah a hi’khial lo chun mi bukim leh a taksa thuzaw mi ahi.

JAKOB 3:2 ပူးပေါင်းရင်းမြစ်များ

1 LENGTE 8:46

Kuama gitlona bawl lo a um paw’ngâl ah; nangma kãl ah a gitlo ua, a chung ua la lungnat ah, mêlma pakhat khut ah la piakdaw ah, gamla hi’n nai lehle, a mêlmateu in a gam ua sal ah pui mang a hiu a,

2 KHANGTHU 6:36

Chuleh, la chung ah thil a bawlkhial phat ua leh, (kuama thil bawlkhial lo umlo ahi ziakin) a chung ua la lungnat ah, a gâlteu khut ah la piakdaw ah, a gamla hi’n, a nai tuam hiziang leh sal ah pui mang ah a hung um khâk ua leh le,

JOB LEKHABU 15:13

zia ziak ah chu la lungthim in Pathian kãl ah, la kam ah zia gual thu chu gen la hi em?

SAM 34:13

La lei gitlona lak in vengpha’n la, la mûk chule thepna thu gen lo dingin huktup in.

SAM 39:1

“Ka lei ah thil ka hikhiallona dingin, ka umdante hi vop pha’ng ka tin; mi nunsiate’n ei umpi lai siau, ka kam hi kam kânna’n huktup ing ka,” ka ti’n.

THUPILTE 10:19

Thu tam tak kigenna hin genkhial a um lo thei pua hen; ahi’n, mipil chu pau a kisûm thei sek hi.

THUPILTE 13:3

A kam chingtup theite chun a hinnau a humbit un, thu mawk gente chun siatna tuak in au.

THUPILTE 20:9

“Ka lungthim ka hi’thiang ta’n, ka gitlona kipat in ka thiang tai,” ti’thei ding kua a hem?

THUPILTE 21:23

Lei leh kam chintup chu buaina lak ah kipat kivêntupna ahi.

THUGENTU 7:20

Thilpha bep bawl, bangma bawl khial nei lo, zia khawvel ah hin a um him him puai.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

THIAMPUTE LEKHABU 13:39

thiampu’n endik intin, a taksa chung ah phual chu a dup vâm thim ahi chun, a vun ah hung phualdok mai mai ahi’n, a thiang ahi.

MATTHAI 12:34

Nanghaw migilo gûl suante haw, bangti’n thu pha genthei ding la hiu em? Lungthim ah dimlêt chu kam in a gen sek ngal a.

MATTHAI 12:37

Nangma thu’n thiam chang in la tin, nangma thu ma ma in thiamlo chang ding la hi, a tia.

ROMTE 3:10

“Kuama midik a um puau in, pakhat chale a um puau hi.

ROMTE 7:21

Ahi’n, zia Dan hi ka hun he tai, thilpha bawl ka nop lai in phatlona a hung um sek hi.

1 KORINTH 9:27

himaleh, midangte kiang ah ka tângkopi nung ah paithâk ah ka um lona ding in, ka taksa hi sawizoi in ka thunun sek ahi.

GALATIA 3:22

Himaleh, Jesu Khrista gin ziakin thiltiamte chu a gingte kiang ah piak a hitheina ding in, Pathian Lekha Thu chun gitlona nuai ah bangkim a khâk khum ta ahi.

GALATIA 5:17

Taksa chun Thagau chu a do sek a. Thagau inle taksa dona lam a nuam sek hi; thil la hi guatteu chu la hi’thei lona ding un ziate chu a kikãl sek uh ahi.

KOLOSSA 1:28

Mitin Khrista Jesu ah bukim tak ah ka piak theina ding un mitin chu hil in, pilna zosia ah hil in, ama chanchin chu ka gen sek uh ahi.

KOLOSSA 4:12

Epaphras, la lak ua mi, Khrista Jesu suak hin chibai a hun bûk hi; Pathian dawi gual taphot ah, piting leh muan um tak ah la dindet theina ding un, pauchapnate’n a pang sek hi.

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.

JAKOB 1:26

Kuale sakhua ngaisak ah kingai ngal ah, a leiteu veng lo ah, a lungthim ua kithêm zaw te chu, amau sakhua chu bangmalo mai ahi.

JAKOB 1:4

Bangma tasam lo ah la bukim ua, la bittheina ding un thok-hatna chun sêm bukim ta hen.

JAKOB 2:10

Kua’n le dan chu zui kim maleh, mun khat ah a hi’khial chun a leng in maw in a.

1 PETER 3:10

“Hinna dawi leh ni phate mu nuam chun, thil phalo lak in a lei vêngpha hen la, a mûk le thepna thu gen lo dingin vêngpha ta hen.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.