JAKOB 3:17 - PATHIAN LEKHABU THIANGTHO (BSI)

¹⁷ Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

JAKOB 3:17 ပူးပေါင်းရင်းမြစ်များ

1 LENGTE 3:12

la gen gual in ka bawl tai. Ahi, hetkhen theina lunggil leh pilna ka hun pia la hi; la masang in nang gual kuama a la um pua’n, la nung in le kuama nangma gual hung um diak ta pua’n a.

1 LENGTE 3:28

Israel zosia chun lengpa thutan dan chu a la hiau ah, lengpa chu a ja zaw diak tau hi; thu dik tak ah tantheina ding ah Pathian pilna chu ama ah a um hi ti a mu tau hi.

1 LENGTE 3:9

Ziaziakchun, la suak hi la mipite chung ah a dik leh diklo ka khendan theina dingin, vaihawm thiamna ei pia’n. Achutiloleh, zia la mipi nasa tak hi kua’n vaihawm piak thei ding a hem?” a tia.

1 KHANGTHU 22:12

Israelte chung ah vaihawm ah a hun pansak phat leh, Lalpa la Pathian dan chu la vopdet theina dingin, hiatthiamna leh lemhiatna chu hun pia ta hen.

1 KHANGTHU 22:9

Ngai in, chapa hun nei ding la hi; ama chun kicham dial dial in vaihawm intin, kiltin ah kipat a mêlmate tawh kichamsak ding ka hi; a min chule Solomon hi’ntin, ama dam sung in Israelte lak ah gâlmuanna leh thamuanna hun pia ding ka hi.

JOB LEKHABU 28:12

A leh, pilna chu khoi’tak ah kimu ta ding a hem? Hetthiamna chu khoi tak mun ah, um ding a hem leh?

JOB LEKHABU 28:23

Pathian in a lampi chu a hia’n, a umna mun chule a he’i.

JOB LEKHABU 28:28

Ziaphatchun, mihingte kiang in: “Lalpa launa chu vang pilna ahi takzet in, thil phalo nutsia hi, hetthiamna bul chu ahi takzet hi,” a tii.

PAWTDAWNA THU 36:2

Bezalel tawh Oholiab tawh mi khutthiamte, Lalpa’n a lunggil ua pilna a piak ah, zia na chu sêm ding ah lunggil tak ah phûlna nei taphot chu Mosi’n a ko a:

THUPILTE 2:6

Lalpa‘n zia gual mi chu pilna a pesek in, a kam ah kipat chun pilna leh, hetthiamna a hung pawt sek a;

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

ISAI 32:6

Mingol chun ngolhuai tak ah thugen in, thil phalo ngen a ngaitua a. Lalpa doi lo lam ngen bawl leh gen in, gilkialte an a pe ngai puau a, dangchâkte dawn dingle a pe ngai diak puau hi.

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

DANIAL 1:17

Zia tangval palite chu Pathian in hetthiamna leh pilna lam zosia ah lekha thiamna leh pilna a pia ta’n; Danial in kilâkna leh mang lam ah hiatthiamna a nei chuam a.

MALAKI 2:9

Ka lampite zui lo ah, la zilsaknau ah doichuam la nei dungzui tak un, mitin lak ah tawden leh musit in hun umsak ding ka hi.

MALAKI 3:3

ama chu dangka thîk hâlthiangpa leh suthiangthopa gual in kitung intin, dikna thillatte Lalpa âng ah a hun choi kit masangsia’n, Levi suante chu sana leh dangka sukthiantho ahi gual in, hun suthiangtho ta’n a.

MATTHAI 23:28

Zia gual tho ah chun, nanghaw le pawlam ah chun midangte chung ah fel tak bang maleu chinle, la sunggil lam uh gûkkhelna leh bawsiatna’ dim la hiu hi.

MATTHAI 5:8

Lunggil ah thiangthote chu mi hampha a hiu; Pathian mu ding ahi ngal un.

MATTHAI 5:9

Chamna siamte chu mi hampha a hiu; Pathian cha ah sak in um ding ahi ngal un.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

LUKA 6:36

La pau a jangai gual in nang uh le jangai un.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 1:47

Jesu’n a kiang lam zuan ah Nathanael hung chu a la mu in, a chung thu a la gen a, “En tiam un, Israel mi tak, zuauthepna neilo mi saw!” a tia.

NASEPTE 11:24

ama chu mi pha tak, ginna leh Thagau Thiangtho ah dim mi ahi’n. Mi tam tak chu Lalpa lam ah belap in a hung um tau a.

NASEPTE 9:36

Joppa khua chun nungzui pakhat, a min, Tabitha kiti a um a: Zia chu Grik pau ah Dorka ahi’n. Ama thilpha bawl leh thilpiak pha ah dim mi ahi.

ROMTE 12:18

A thei lai sia nangmau chung ah kinga ahi chun, mi zosia tawh kicham in um un.

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

ROMTE 15:14

Ka suapite haw, nangmau in phatna leh hetnate la hau dan uh leh, nangmau leh nangmaule kikaihuai thei la hitau ti ka hechian hi.

1 KORINTH 12:8

Mi pakhat kiang in Thagau in pilna thu a pia’n, zia Thagau ma chun midang kiang in hetna thu a pia’n;

2 KORINTH 10:1

Kei Paul, la mit muu ah thunuaigol tak ah um ah, la lak ua ka umlo phat leh khau sek hin, Khrista jaidamna leh nunnemna’n ka don la hiu.

2 KORINTH 6:6

thianthona, hetna, dawtheina, chitna, Thagau Thiangtho leh hepina tak tak ah te;

2 KORINTH 7:11

En tiam un, Pathian doigual ah hi’lungngai ah la umnau chun bang gual ah titakna, kisukthianna, lungnatna, launa, lunglenna, phatchuam ngaina leh gawtnate nangmau ah siam ahi tam! Bangkim in zia thu ah chun la maw puau hi ti la hi’lang tau hi.

2 KORINTH 9:10

A the’pa kiang ah a chi pepa leh nêk ding ah vaithum pepa chun la the’ ding uh thâichi chu pia’n, hi’pun piak intin, la dikna gau le hi’pun piak in a.

EPHESA 5:9

Thagau ga chu phatna zosia leh dikna leh thutak ahi ngal a.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

PHILIPPI 4:8

A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

1 THESSALONITE 2:7

ziate chu Khrista sawlchâkte ka hi jal un phût ka hiu hi. Nu nau chawi lai in ama chate a duat gual in, la lak un nunnem tak in ka um zawu hi.

1 TIMOTHI 5:21

Pathian leh Khrista Jesu leh, vansawlchâk têlte mit mu in ka hun hil la hi: zia thute hi doisak chuam neilo in zui inla, khen chuam nei in bangma bawl kin.

2 TIMOTHI 2:24

Lalpa suak in kinak a chîn ding a hipua’n, mi zosia chung ah nunnem, thuhil thiam leh lungdia thei ahi zawk ding ahi’n,

TITA 1:15

Mithiangtho â dingin bangkim a thiangtho ah; himaleh, mibuakte leh ginglote â dingin vang bangma a thiang a um puai; a lungthim uh leh a sia leh pha hetnau nangawnle a buak tai.

TITA 3:2

kuama gensia lo ding leh, kinak haisan ding leh, nunnem ding leh mi zosia kiang ah thunuaigolna tâklang dingin hil kit in.

HEBRAITE 12:11

Thununna thok lai him him in kipak um in a kilang ngai pua’n, gimum in a kilang sek hi; himaleh, thok zaw nung leh vang, sawinem ah umte â dingin dikna ga thamuan um tak a sua sek hi.

HEBRAITE 12:14

Mi zosia tawh kichamna leh thianthona chu del un, zia longal ah chun kuama’n Lalpa mu pua’n a.

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

JAKOB 2:4

la lak ua doichuam nei ah, ngaituana phalo pu ah vaihawm hi talo ding la hiu em?

JAKOB 3:15

Zia tawhbang pilna chu chung lam ah kipat hung suk a hipua’n, khawvel leh lei thil, diabol ah kipat ahi zawi.

JAKOB 4:8

Pathian chu nai un; tichun, ama’nle hun nai in a. Nang uh mi gilote haw, la khut uh sil thiang unla, nang uh mi phalêmte haw, la lunggil uh hithiang un.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

1 PETER 2:1

Chutichun, êngsiatna zosia, gûkkhelna zosia, lepchiana zosia, ênna zosia leh gensiatna zosia haisan un.

1 PETER 2:18

Suakte haw, ja dan thiam kawm in la puteu thu thu’n um un, mipha leh nunnemte nuai bep hilo in, mi nunsiate nuai ah le.

1 JOHAN 3:18

Naute haw, a thu leh kam sung bep in kihepi puai tiu in, thu tak leh thilhi in hizaw hen.

1 JOHAN 3:3

Kuale, zia kinepna nei taphot chu ama a thiantho gual in a kisuthiangtho sek ui.