JAKOB 3:1 - PATHIAN LEKHABU THIANGTHO (BSI)

¹ Ka suapite haw, la lak ua mi tam takte hi hotu hi’ kithalawp kiu in, hotute chun vaihawmna khau zaw diak tuak ding I hiu ti la he ngal un.

JAKOB 3:1 ပူးပေါင်းရင်းမြစ်များ

THIAMPUTE LEKHABU 10:3

Ziaphatchun, Mosi’n Aron kiang in: “Lalpa‘n a la gen kha zia hi ahi: ‘Keima ei nai tapote kiang ah, thiangtho in kilang ing ka tin; tichun, mi zosiate âng ah chun, choisa’n in um ding ka hi,’ a la ti kha,” a tia. Aron in gen ding he lo in a thip tai.

MALAKI 2:12

Sepai honte Lalpa kiang ah zia gual ah thil lân ah, hetpi leh lemguatpi ah pang taphot chule Lalpa‘n Jakob puanbûk ah kipat in paidok mai hen.

MATTHAI 10:24

Nungzui chu a hotu sâng in a lianzaw thei puai; suak le a pu sâng in a chungnung zaw thei diak puai.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

MATTHAI 23:14

Nanghaw, lekhazikte leh Pharisai miphalêmte haw, la chung uh a gik hi! Meithâite la ne gam un, mi thepna’n sawt tak tak la pauchap sek ui; ziaziakchun, demna nasa zaw diak la chung un tung in a.

MATTHAI 9:11

Pharisaite’n zia chu a mu phât un, a nungzuite kiang in, “Bangatia, la hotupau in se’dawlte leh migilote tawh ankuang ûm khawm ziang a hiu em?” ti’n a dong ua.

LUKA 16:2

Tichun, ama chu a pu’n a hun ko ah, a kiang in, la chungchâng thu ka het hi bang thu a hem? La sumkol dan hun zik tup in la ei pia’n; tu’kipat sumkol ah pang talo ding la hi, a ti’n.

LUKA 6:37

Mi gensia kiu in, tichun, gensiat in um pua’n lau; mi thiamlo chansak kiu in; tichun, thiamlo chang pua’n lau; ngaidam un, tichun ngaidam in um in lau.

JOHAN 3:10

Jesu’n a dawnhu a, Israelte hotu pakhat la hingal ah, bangatia ziate hi hethei lo la hem?

NASEPTE 13:1

Antiok khua kochuamte lak ah chun jawlnei leh mihilte le a pang un; ziate chu: Barnaba, Simeon, Niger le a ti sek uh kha tawh, Kurini ah um Lukia tawh, gam awptu Herod tawh seilian khawm Manaen tawh, Saul a hiu a.

1 KORINTH 12:28

Pathian in kochuam ah chun zia gual hin a guat a: Pakhatna chun apostolte, a panina chun thugente, a pathumna chun mihilte a koi ah; ziazaw chun thilmak bawlte, ziazaw chun hi’dam theina thilpiakte, panpi theina thilpiakte, vaihawm theina thilpiakte, pau chuam chuam ah thugen theina thilpiakte a um kit hi.

2 KORINTH 5:10

Mi zosia’n taksa I thilhite, a sia a pha, I hi gual gual un I mu chiat theina ding un, Khrista vaihawmna chutpha man kilâk chiat ding I hiu.

EPHESA 4:11

Tichun, khenkhatte chu sawlchâk hiding in, khenkhatte chu jawlnei hiding in, khenkhatte chu Pathian thugen dingin, khenkhatte chu kochuam vâk ding leh khenkhatte chu zilsak ah pang dingin thilpiak a pechiat a;

1 TIMOTHI 1:7

A thugen uh leh thil ahi ngei ah a genteu le bang ahi helo in, Dan thu zilsaktute hi a nuam sek ui.

1 TIMOTHI 2:7

Zia ding ah chun thugen ding leh sawlchâk ding, (thutak ka gen ahi, juau ka gen puai,) ginna leh thutak ah Jentelte thu hil ding ah guat ka hi.

2 TIMOTHI 1:11

Zia chanchinpha â ding ah chun, tângsam leh sawlchâk leh thuhilpa hiding ah guat ka hi’n,

HEBRAITE 13:17

La hotuteu thu mang unla, a nuai un kitulut un; amau in la thagau uh hun vêng bit ah, la chanchin uh hil ding ahi ngal un. Zia chu kipak tak leh thatho tak in sêm zawu hen, achutiloleh, nanghaw â dingin khawk zaw ding ahi.

JAKOB 1:16

Ka doitakte haw, thep zaw in um kiu in.

JAKOB 1:19

Ka doitakte haw, zia hi hiau in: Kam chungnun chu’lo leh lungna vak lo in, mitin in a ngaithâk kilawp un.

JAKOB 3:10

Kam pakhat ah kipat choihoina leh hânsia a pawt khawm sek hi. Ka suapite haw, chuti ding chu hilo ahi.

1 PETER 5:3

la chanteu chung ah kilalsak lo in, pawlte etton ding ah kisiam zaw’n, kaihuai un.