JAKOB 2:8 - PATHIAN LEKHABU THIANGTHO (BSI)

⁸ Pathian Lekhathu’n, “Nangma la kihepi gual in la Invêngte hepi in,” ti lenggam dan chu la zop ua leh a bawlpha hi’n lau.

JAKOB 2:8 ပူးပေါင်းရင်းမြစ်များ

1 LENGTE 8:18

Himaleh, Lalpa‘n ka pa David kiang in a la gen ah, ‘Ka min umna ding ah In sak ding la lunggel hi la bawl hoi hi;

2 LENGTE 7:9

Tichun, a hung kiho ua, “I thilbawl uh hi a dik puai. Tu’ni hi chanchinpha tun ni ahi; thipbek ah jingkal khawvak I ngak ua chun, a maw chang ding I hiu; ziaziakchun, chia hitiu in, lengpa In ah mite vahil hitiu,” a kitiu a.

THIAMPUTE LEKHABU 19:18

Phuba him him la lâk lo ding uh ahi, la mipite lak ah le thangsiatna gûk la vop him him lo ding uh ahi: Nangma la kihepi gual in la Invêngte la hepi ding a hizawi: Keima hi Lalpa chu ka hi.

THIAMPUTE LEKHABU 19:34

Nanghaw le Aigupta gam ah malzin ah um la hi tâk ziak un, la chênkhawmpiu gam dang mite chu, la lak ua piang gual tuk ah a um ua, nangmau la kihepi gual ua la hepi ding uh ahi: Keima hi Lalpa la Pathian uh ka hi.

JONAH 4:4

Tichun, Lalpa‘n, “La lungnat hi la hi’dik na em?” a tia.

JONAH 4:9

Himaleh, Pathian in Jonah kiang ah chun, “Nângbuk chung thu ah la lungnat hi la hi dik na em?” ti’n a dong ah. Ama chunle, “Ka hi dik hi. Thi’ ngam khop ah lungna ka hi,” a ti tai.

MATTHAI 22:39

Chuleh, a kibatpi zia hi ahi, nangma la kihepi gual in la vêngte la hepi ding ahi, ti hi.

MATTHAI 25:21

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna’n lut ta’n, a tia.

MATTHAI 25:23

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna chun lut ta’n, a tia.

MATTHAI 7:12

Nangmau chung ah min hileu ti la dawi gual tak un, nang unle mi chung in bawl un; zia chu Dan leh jawlneite thuhil ahi ngal a.

ROMTE 13:10

Hepina hin a Invêng siatna ding bangma a bawl puai; ziaziakchun, hepina hi Dan hi’bukimna ahi.

GALATIA 5:14

“Nangma la kihepi gual in la vengte la hepi ding ahi,” ti thu kam khat hin, dan thu zosia chu a khaikhawm ahi.

GALATIA 6:2

La puakgikteu chu kidawn tua chiat un; tichun, Khrista dan chu la zui uh hi’n a.

PHILIPPI 4:14

Ahi’n, ka haksatnate ah lei thokpiu hi la bawlpha ma mau hi.

1 THESSALONITE 4:9

Ahi’n, suapite, hepina thu ah chun zik piak la ngai puau, kihepitua chiat dingin nangmau ngei Pathian in a hun hil tangal a.

JAKOB 1:25

Himaleh, kuale dan buting, zalenna dan chu pha tak ah en ah, thuak-hat tak ah, a ngaithâk zaw leh hemil kit ziang lo ah sêmdok zaw te chu, zia mite chu a thil hiu ah maljawl in um ding a hiu.

JAKOB 2:12

Ziaziakchun, la thugen leh thilbawl un, zalenna dan ah vaihawm piak dingte gual in hisek un.

JAKOB 2:19

Pathian chu pakhat ahi ti la gingcha, la bawl phai. Thithate’n le a gingchau ah, a kithing sek uh ahi.

JAKOB 4:11

Suapite haw, kigensiatua kiu in. Kua’n le a suapi a gensiat a hem, a vaihawm khum a hem chun, dan chu a gensia’n, a vaihawm khum ahi; dan chu la gensiat chun dan zuitu la hita pua’n, vaihawmtu la hizaw ahi.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi: