JAKOB 2:5 - PATHIAN LEKHABU THIANGTHO (BSI)

⁵ Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

JAKOB 2:5 ပူးပေါင်းရင်းမြစ်များ

1 LENGTE 22:28

Mikaiah in, “Nang thamuang tak ah la hung kile’kit chun, Lalpa‘n ka kiang ah thu gen lo himai ding ahi,” a tia. Chuleh, “Nanghaw mipite haw, la leng un ngaithau in!” a ti tai.

JOB LEKHABU 34:10

Ziaziakchun, nanghaw, ngaituana neitheite haw, ei ngaithau in; Pathian chun phalo tak in bawl pua’n tin, Hat Chungnung Pathian chun, diklo tak in bawl talojen in a.

JOB LEKHABU 34:19

milian leh lal a himan ua doisak chuam lo leh, michaga sâng ah mihausa ngaisak chuam diaklote chu, thiamlo chansak ding la hi em? A leng ua ama khutsuak ahi sik sek ngâl un.

JOB LEKHABU 38:14

Tungman a châlden na’n a sukdanglam ah, puan a rong ah kihuan, a rong in a sukdanglam gual chu ahi.

PAWTDAWNA THU 20:6

Himaleh, keima ei hepi ah, ka thupiak zawmte suan chu, a sâng a sângte chung ah lungsiatna chuai lo hilang zing ka hi.

THUPILTE 13:7

Khenkhat bangma neilo ah kihausatsak a um un; neinung ma ma ngal ah kichagatsak a um kit ui.

THUPILTE 7:24

Tu’hin, ka chate haw, ka thugen hi ngai phau inla, ka kam ah thupawtte hi awi tau in.

THUPILTE 8:32

Tu’hin chu ka chate haw, ka thugen hi a la ngai un: ka hilna lampi hawte chu mi vangpha a hiu.

ISAI 14:32

Nam palai ah hungte chu kua’n bangti’n a dawnhu ta diam? “Lalpa‘n Zion a tungding ah, a mipite lak ah tasamte chun, ama ah chun bitna mu ta’n au”.

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ZEPHANIAH 3:12

Nanghaw lakah mi kingaitawm leh, mi niamte chu nutsia ah um ding a hiziak un. Amau chun Lalpa min bêl intiu in,

ZEKARIAH 11:11

Zia ni ma ma ah chun phel kit a hita’n; belam zuakte, ei la entha zingte chun zia thu chu Lalpa kamsuak ahi ti a hiau a.

ZEKARIAH 11:7

Chutichun, belam thalup ding ah umte zuakpa thasâng in, belamchingtu in pang ing ka. Tiangpum pani ka la’n: khat chu, Doisakna ka sak ah, a dang khat chu, Kipumkhatna ka sak ah; zia gual ah chun gan-gual chu ka ching ta ahi.

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

MATTHAI 5:3

Thagau ah tasam ahi lam kihete chu mi hampha a hiu, van-gam chu amau â ahi ngal a.

MARKA 7:14

Ziazaw chun mipite chu a ko khawm kit ah, a kiang un, “La leng un ka thugen hi ngai phau inla, hethiam tau in;

LUKA 12:21

Mi ama â ding bep ah go khol khawm ah, Pathian lam ah hausa lo chu, zia gual chu hiding a hiu,” a tia.

LUKA 12:32

Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.

LUKA 16:22

Mi gentheipa chu a hung thi ta’n, vansawlchâkte’n a pui ua, Abraham ângsung in a koi tau a. Mi hausapa chule a hung thi ta’n, a vui tau hi.

LUKA 16:25

Himaleh, Abraham chun, “Ka chapa, nang in la dam lai khan thilpha la chang in, zia gual ma chun Lazar in thil phalo a chan kha hezing ta’n; tu’hin vang ama zia hin lungmuang tak in a um in, nangma thuakgim tak in la um ahi tai.

LUKA 22:29

ka pa’n ei piak gual ah hin, ke’n le nang uh leng gam ka hun pia la hiu;

LUKA 6:20

A nungzuite lam ah hung kihei in a hun en ah, zia gual hin a gen a: “Nanghaw gentheite haw, mi hampha la hiu; Pathian gam chu nangmau â ahi ngal in.

JOHAN 7:48

Vaihawmte leh Pharisaite lak ah ama taksang a um him him ua a hem?

NASEPTE 7:2

Ziaphatchun, Stephen in a dawnhu a: Suapite leh pate haw, ei la ngaithau in. I suantu bul uh Abraham kha Haran ah a um ma’n, Mesopotamia ah a um lai khan, lopina Pathian chu a kiang in a hung kilâk in,

ROMTE 8:17

chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.

1 KORINTH 2:9

“Mit ah mu khâk lo, bil ah le het khâk lo, mihing lunggil ah lut ngailo, Pathian in ama hepi taphotte â ding ah, a guat tapo chu,” ti zik gual khan.

2 KORINTH 4:15

Bangkim la phatna ding uh ahi. Hepina mi tam zaw ziak ah hi’pun ah um in, Pathian lopina ding ah kipak thu nasa tak ah la gen theina ding un.

2 KORINTH 6:10

lungngai gual in, himaleh kipak zingin; genthei gual in, himaleh mi tam tak hihausa ngal in; bangma neilo gual in, himaleh bangkim nei bukim ngal in ka um zawu hi.

2 KORINTH 8:9

Lalpa Jesu hepina chu, a gentheina ziak ah la hung hausak theina ding un, hausa maleh nanghaw ziak ah a genthei law kha la he’nau.

EPHESA 1:18

Chutia, la lungthim mitteu chu hi’vâk a hung hi ah, la hettheina ding un, ama kona kinepnate, mi thiangthote golua ding a lopi dante,

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

1 THESSALONITE 2:12

a lenggam leh lopina hun kolutpa Pathian â ding ah kilawm la hi’theina ding un, hun tilkhau leh thamuan in ka hun ni la hiu.

2 THESSALONITE 1:5

Ziate chu Pathian gam â ding ah guat tâk la hi’theina ding ua, Pathian vaihawm dikna tepte’na kichian tak ahi, ziate ziak ah chu thuak la hiu.

1 TIMOTHI 6:18

Amau chun thilpha a hiu ah, nasep pha lam ah a hausat ua, a huangphal ua, a kiphal ding uh ahi.

2 TIMOTHI 4:18

Lalpa chun thil phalo ei dote zosia lak ah ei hukdok intin, a van-gam chu bit tak in ei tun in a. Ama kiang ah chun lopina kumtuang in um ta hen. Amen.

2 TIMOTHI 4:8

Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.

HEBRAITE 11:26

Khrista a musitnau chu Aigupta ah gote sâng in hausakna thupi zaw’n a ngai ah, kipakman mu ding chu a thîl ziakin.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

JAKOB 1:16

Ka doitakte haw, thep zaw in um kiu in.

JAKOB 1:19

Ka doitakte haw, zia hi hiau in: Kam chungnun chu’lo leh lungna vak lo in, mitin in a ngaithâk kilawp un.

JAKOB 1:9

Gingtu, dinmun niam tak ah um chu choisa’n ahi tâk ziakin kipak hen la,

1 PETER 1:4

Gochan setheilo, buak kâilo, chuai theilo, van ah nang uh â ding ah khêk ah um chu mu ding leh;

2 PETER 1:11

Tichun, Jesu Khrista I Lalpa leh Hukdampau kumtuang gam ah lûtna chu musak in au.

THUPUAN 2:9

La thil hi dante, la genthei dante leh la vaichâk dante (ahi’n la, la hausa nai) ka hun hia’i; Juda mi hilo ah ka hi hung kitite, Setan kikhopna In hizaw te hun gensiatna chule ka hia’i.

THUPUAN 21:7

A zo te chun zia zosia chu lua intiu in, kei a Pathian uh hi’ng ting, amau chu ka cha hi’n au.

THUPUAN 3:18

la hung hausak theina dingin, sana mei ah hâl thian leh, la ngawnchang hina a kilat lona ding, puan vâm tawh ka kiang ah hung chaw ding leh, la mutheina ding ah la mit nu’ ding damdawile hung kichawk dingin, ka hun thumop la hi.

VAIHAWMTE 9:7

Zia thu chu Jotham a hil phat un, ama le a chia ah, Gerizim Tângvûm ah dingin, aw ngai tak in a kiko ah, a kiang un, “Nanghaw Shekhem khua hotute haw, Pathian in a hun ngaithâk theina dingin zia thu hi a la ngai tiam un:

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.

1 SAMUEL 2:8

Chaga chu leivui lak ah kipat in a kaitho in, mi tasam chu leivui lakah kipat dom sâng in, leng chate lak in a kichutsak in, lopina chutpha a luasak hi. Lei kingakna khuamte chu Lalpa â a hia, khawvel chu a chung un a nga ahi.