JAKOB 2:23 - PATHIAN LEKHABU THIANGTHO (BSI)

²³ “Abraham in Pathian a ging ah, zia chu ama â dingin dikna ah ngai ahi,” ti Pathian Lekhathu chu sukbukim ahi tai; tichun, ama chu Pathian gualpa sak in a um tai.

JAKOB 2:23 ပူးပေါင်းရင်းမြစ်များ

THILSIAM THU 15:6

Ama’n Lalpa chu a taksang ah, zia a taksanna ziak ah chun ama chu midik ah pom a hung hi tai.

1 LENGTE 4:5

Nathan chapa Azariah chu hotute chung ah vaihawm ahi’n; Nathan chapa Zabud chu thiampu leh lengpa gualpha ahi;

2 KHANGTHU 20:7

Aw ka Pathian uh, nang in zia gam ah a la chêngsate chu la mipi Israelte ma-âng ah nawdaw piak in, la gualpa Abraham suan leh pakte’n kumkhua a lua ding ua la piak hilo a hem?

JOB LEKHABU 16:21

min a Inveng a panpi sek gual in Pathian kiang in mihing hi, panpi hizaw leu maw!

PAWTDAWNA THU 33:11

Chutichun, mi pakhat in a lawipa a kihopi gual mai in Lalpa’n Mosi chu kimaitua in a kihopi a. Zia zaw chuleh, giabûk lam ah chun a hung kit sek a; himaleh, ama kithuapi Nun chapa tangval Joshua chu biakbûk ah kipat chun a hung pawtdok ngai puai.

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,

MARKA 12:10

Zia gual ah Lekha Thiangtho ah kizik hi a la sim kha lo la hiu em? “Insate’n a doi lo uh suang kha, zia suang ma kha, a kil ah suang phachuam pen a hung hi’n;

MARKA 15:27

A kiang in gucha pani, a changlam ah pakhat, a veilam ah pakhat a khenden un.

LUKA 4:21

Chuleh, a kiang un, “Zia Pathian Thu hi tu’ni hin la het un a guitung tai,” ti’n a hun gen pan tai.

NASEPTE 1:16

“Unaute haw, Jesu mante mapui ah pang, Juda chung thu, Thagau Thiangtho in David kam ah a la gen, Pathian lekha thu kha a guitung ding him ahi.

ROMTE 11:2

Pathian in a hetlawkte a hiziak un, a mite chu a pâmpai puai. Elijah khan Israel chung thu ah Pathian kiang ah thu a tutna thu, Pathian Lekhabu’n a gen kha helo la hiu em?

ROMTE 9:17

Pathian lekha thu chun Pharaoh kiang ah chun, “Nangma ah ka thilhitheina a hung kilat ah, lei chung zosia ka min a hung kitâklat theina dingin, zia thiltup ziak tak ah chun ka hun tundin la hi,” a la ti kit a.

GALATIA 3:22

Himaleh, Jesu Khrista gin ziakin thiltiamte chu a gingte kiang ah piak a hitheina ding in, Pathian Lekha Thu chun gitlona nuai ah bangkim a khâk khum ta ahi.

GALATIA 3:6

Abraham in Pathian a ging ah, zia a ginna chu a dikna guat ahi ngal a.

2 TIMOTHI 3:16

Pathian Lekha thu zosia hi Pathian hat khum ah kizik ahi’n, thuhilna, zilgaina, bawl phatna ding leh dikna lam kizilna dingin a phachuam hi;

JAKOB 2:24

Ginna ziak ngawn hilo in, a nasep ziak zaw’n mi thiam a chang sek hi ti la he tau hi.

1 PETER 2:6

Ziaziakchun, Pathian Lekhathu ah chun, “Ngai un, Zion ah a kil ah suang poimaw pen, têldaw leh man tam ka lem tai; ama gingtute chu mualpho pua’n au,” ti a um hi.