JAKOB 2:21 - PATHIAN LEKHABU THIANGTHO (BSI)

²¹ I suantu bul uh, Abraham in a chapa Isak mâichâm ah a lat lai khan, a thil hi ziak ah thiamchang hilo a hem?

JAKOB 2:21 ပူးပေါင်းရင်းမြစ်များ

SAM 143:2

La suak chung thu vaihawm nai kin la, la mit mu ah hin mihing thiamchang ding, a um paw’ngal un.

ISAI 51:2

La pau Abraham chu en unla, a hun hingnu Sarah chule en un; ka la ko lai ah khan ama chu a chang ah um ahi’n, himaleh, ka maljawl ah, tam tak in ka siam tai.

MATTHAI 12:37

Nangma thu’n thiam chang in la tin, nangma thu ma ma in thiamlo chang ding la hi, a tia.

MATTHAI 3:9

Abraham chu ei suanpa ahi ti ziang kiu in, Pathian in zia suangte hi le Abraham suante a chansak thei hi ti ka hil la hiu.

LUKA 1:73

I puu Abraham kiang ah a tiamsa kha, eimau, mêlmate lak ah kipat ei tatdawsate hin,

LUKA 16:24

A vak ko a, “He pa Abraham, ei lungsiat inla, Lazar kha hun sawl in; ka lei sukdaina dingin a khutzung mûk kha tui in hun diatop hen, zia meikuang hin ei hi’na ma ma ziang hi” a ti’n.

LUKA 16:30

Ama chun, “He pa Abraham, hilo e, mi thisate lak ah kipat mi ngei hang chia leu, a gitlonau haisan in au,” a tia.

JOHAN 8:39

Amau chun a kiang in, “Ka Pau chu Abraham ahi,” a tiu a. Jesu’n a kiang un, “Abraham chate hileuchin, Abraham thilbawlte bawl ding la hiu in;

JOHAN 8:53

a la thi ta, ka pau Abraham sâng ah lopi zaw la hem? Jawlneite le a thi zo tau hi. Nang hi kua la hem?” a tiu a.

NASEPTE 7:2

Ziaphatchun, Stephen in a dawnhu a: Suapite leh pate haw, ei la ngaithau in. I suantu bul uh Abraham kha Haran ah a um ma’n, Mesopotamia ah a um lai khan, lopina Pathian chu a kiang in a hung kilâk in,

ROMTE 3:20

Ziaziakchun, “Dan thil hi ah kuama ama mit mu in thiamchang ding a um pua’n,” dan ziakin gitlo kihiatna um a hibep ngal a.

ROMTE 4:1

Chutichu ahileh, taksa lam ah I puu Abraham chung thu ah chun bang a hem I gen ding uh?

ROMTE 4:12

Chutichun, zektanlote â ding ah zektan pa bep hilo in, I puu Abraham zektanlo ah a um lai ah, ginna a nei gual ah neite pa le ahi.

ROMTE 4:16

Hepina ziak ahitheina dingin ginna chu a hung um ah, a thutiam chu a suante zosia chung ah, a tawp chan ah a um zing theina dingin, Dan nuai ah umte bep hilo in, Abraham ginna kikoppite â dinginle ahi, ama chu I leng ua pa ahi ngal a.

HEBRAITE 11:17

Ginna’n Abraham chu patep ah a um lai khan, Isak chu a lân a. Thutiam changpa chun a chapa changkhat chu a lân tai.

JAKOB 2:18

Ahi’n, mi pakhat in, “Nang in ginna la nei ah, keima’n nasep ka nei hi,” ti taleh, la ginna chu la nasep panglo in ei etsak in; keima’n ka nasep in ka ginna hun etsak ing ka.

JAKOB 2:24

Ginna ziak ngawn hilo in, a nasep ziak zaw’n mi thiam a chang sek hi ti la he tau hi.

JOSHUA 24:3

La pau Abraham chu zia Luipi gâl lam ah kipat chun ka la puidok ah, Kanaan gam zosia chuan suak dingin ka pui ah, suan leh pâk tam tak ka pia’n. Ama â dingin Isak ka la piai;