JAKOB 2:18 - PATHIAN LEKHABU THIANGTHO (BSI)

¹⁸ Ahi’n, mi pakhat in, “Nang in ginna la nei ah, keima’n nasep ka nei hi,” ti taleh, la ginna chu la nasep panglo in ei etsak in; keima’n ka nasep in ka ginna hun etsak ing ka.

JAKOB 2:18 ပူးပေါင်းရင်းမြစ်များ

ROMTE 14:23

Kuale ki-awimaw kawm kawm ah ne chun, ginna ah a nêk a hilo ziakin, thiamlo chang ahi ngal hi; ginna lo ah thil kibawl taphot chu gitlona ahi.

ROMTE 3:28

Dan dungzui ah thilhi ziak hilo in, ginna ziak zaw’n mi chu thiamchang a hiu ti I pom ui.

ROMTE 4:6

Mi a nasep ziak hilo ah, Pathian in midik ah a ngaite chu, mi hampha ahi dan uh, David in zia gual hin a la gen a:

ROMTE 8:1

Chutichun, tu’hin chu Khrista Jesu ah umte â ding ah chun, thiamlo channa him him a um ta puai.

ROMTE 9:19

Nang un ka kiang in, “Bangatia ei dem zing a hem? A doilam kua’n a nang zo ah a hem?” ei tiding la hiu a.

1 KORINTH 13:2

Chuleh, thugen theina nei in, thugûk zosia hethei in, tâng chawntheina khop ginna kim nei maleng, hepina ka neilo chun, bangma ka hi puai.

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

1 TIMOTHI 1:5

Ei un thuhil ding I kol pen uh hi ahileh, lunggil thiangtho leh sia leh pha hetna thiang leh ginna tak tak ah kipat pawt hepina ahi zaw ngal a.

TITA 2:7

Bangkim ah thilpha lam taphot ah, mi etton dingin kisiam inla; la thugen ah chun la lunglut zia leh la ti’takna a kilat a;

HEBRAITE 11:31

Ginna’n nawchizuaknu Rahab khan enthate kha thamuang tak ah a tunsak ziakin, a ginglote manthaina khan a mangthai khawm ta puai.

HEBRAITE 11:33

ziate chun ginna ziakin gamte a lau ah, dik tak in vai a hawm un, Pathian thutiamte a la chang un, sakeibaknei kam te a suchîp un;

HEBRAITE 11:6

Ginna lo in Pathian chu sukkipak thei ahi puai; kuale Pathian kiang ah hung chun, ama chu a um ngei hi ti leh, ama hawlte chu kipakman pesek ahi, ti a ginchâk diu ahi.

JAKOB 2:14

Ka suapite haw, ginna ka nei hi ti’n, nasep la neilo chun bang a phachuam diam? Ginna chun a hun hukdam thei diam?

JAKOB 3:13

La lak ua pil leh hethiam a um awm? Umdan pha tak ah la thil hi phatteu chu pilna ah kipat nunnemna tawh etsak un.