JAKOB 1:22 - PATHIAN LEKHABU THIANGTHO (BSI)

²² Thu chu ngaitha mai ah nangmau kithêm lo in, thu chu sêmdok zaw tau in.

JAKOB 1:22 ပူးပေါင်းရင်းမြစ်များ

ISAI 44:20

Vut in a kivâk un, a ngaituanau mantheilo chun a pui mang ta’n, amau la kihukdam thei lo in, “Ka khut changlam ah ei thêm chavai ding kisiam hilo ka hem?” tina châng a he him him puau hi.

JEREMIAH 11:6

Chun, Lalpa‘n ei dawnhu a: Zia thute zosia hi Judai gam ah khawpi zosia leh Jerusalem khawlai dung zosia’n va puangjak inla: Zia thuthung thute hi ngai unla, zui un.

OBADIAH 1:3

Nang, kawl suangpi kâl ah chêng ah, mun sâng tak ah chêng ah, la lungthim sung in, “Kua a hem lei tual ah ei kaitha thei ding?” la ti’n; la lungthim chapona chun a hun thêm ta ahi.

MATTHAI 12:50

Kuale, ka Pa van ah um doi gual hi’ tapo chu, ziate ngei chu ka suapipa, ka suapinu leh ka nu a hiu,” a tia.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

LUKA 11:28

Himaleh, ama chun, “Ahi, himaleh, Pathian thu he ah zuite chu mi hampha zaw a hiu,” a tia.

JOHAN 13:17

Zia thilte hi la het ua, la hun bawl ua leh hampha ma ma in lau.

ROMTE 2:13

Dan hete mai chu Pathian ma ah thiamchang ahi puau in, dan gual ah bawlte chu thiamchang in um zaw’n au.

1 KORINTH 15:33

Thepzaw in um kiu in: “Gual phalo in nunchan pha a susia sek hi”.

1 KORINTH 3:18

Nang leh nang kithêm kin. Pil kisa la hi chun, la pil theina dingin mingol hung chang phot in.

1 KORINTH 6:9

Aleh, midiklote chun Pathian gam lua pua’n au, ti la hepuau ah a hem? Thep zaw in um kiu in! Mi thanghuaite, milim ho-te, ângkawmte, mihukte,

GALATIA 6:3

Mi bangma hilo ah milian khat ah kingai chu, ama leh ama kithêm ahi.

GALATIA 6:7

Thep in um kiu in; Pathian chu thep ding gual ahi puai; min a tu tapo, zia ma chu ât kit ding a hiu.

PHILIPPI 4:8

A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.

KOLOSSA 3:17

la hi tapo uh thugen a hem, thil hi’ a hem, ama ziakin Pa Pathian kiang in kipak thu gen kawm in, Lalpa Jesu min in hiu in.

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

JAKOB 1:26

Kuale sakhua ngaisak ah kingai ngal ah, a leiteu veng lo ah, a lungthim ua kithêm zaw te chu, amau sakhua chu bangmalo mai ahi.

JAKOB 4:11

Suapite haw, kigensiatua kiu in. Kua’n le a suapi a gensiat a hem, a vaihawm khum a hem chun, dan chu a gensia’n, a vaihawm khum ahi; dan chu la gensiat chun dan zuitu la hita pua’n, vaihawmtu la hizaw ahi.

JAKOB 4:17

Tichun, kuale thilpha bawl ding he ngal ah, bawl diak lo chu, gitlona bawl ahi.

2 PETER 2:13

Thil hi’khial ziak ah thil phalo tuak in, a siatnau ah chun mangthai in au. Sûn ah kivakva’n a nopchên ua. La kiang un kivâkna ankuang a bawl un, amau kithepna ankuang ahiziak in a thanghuai in, a buak ui.

1 JOHAN 1:8

Gitlona ka nei puai ti taleu hin, eima leh eima kithêm I hi’n, thutak chu eimau ah a um puai.

1 JOHAN 2:3

A thupiakte I zop ua chun ama chu I hiau hi ti zia chun I hethei ui.

1 JOHAN 3:7

Naute haw, kuama’n hun thêm zo kiu hen. Thil dik bawl taphot chu ama a dik gual in, midik a hiu.

3 JOHAN 1:11

Doitak, a phalo chu enton kiu inla, a pha chu enton zaw tau in. Thilpha bawl taphot chu Pathian ah kipat mi ahi’n; thil phalo bawl taphot chun vang Pathian a mu puau hi.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

THUPUAN 22:7

Ngai in, hung ziang ding ka hi tai; zia lekhabu thu genlawk gual ah umte chu a hamphau hi,” a tia.