JAKOB 1:21 - PATHIAN LEKHABU THIANGTHO (BSI)

²¹ Ziaziakchun, a buak leh umdan phalote chu koimang unla, thu kiphu det, la thagau uh hukdam thei chu thunuaigol tak in pom un.

JAKOB 1:21 ပူးပေါင်းရင်းမြစ်များ

SAM 25:9

Thunuaigolte chu lam dik in a pui hen, thunuaigolte chu a lampi a hil sek hi.

ISAI 2:20

Ziaphat chuleh, a ho ding ua a bawl uh, a sana leh dangka milimteu chu, bûi leh bâkte chênna ding bep in, pai mang ta’n au;

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 30:22

Ziaphat chuleh, dangka tuiluan ah milim kisiamte leh, sana tuiluan ah milim kisiamte chu hun khên tel ta’n lau. Puansia ki’dak um tak gual in pai mang in, “Pawt mang tau in,” hun ti ta’n la.

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

EZEKIEL 18:31

Ka chung ah la thil bawlkhial zosiau haisan unla, lunggil thak leh thagau thak kilâk lût chiat tau in! Aw Israel Inkuante haw, bang ding ah thi laizang ding la hiu em?

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

MATTHAI 5:5

Mi zaidamte chu mi hampha a hiu; Lei go hi lua ding ahi ngal un.

JOHAN 6:63

Hinna pia chu thagau ahi’n, taksa chu bangma ahi puai. La kiang ua ka thugente hi thagau ahi’n, hinnale ahi.

JOHAN 6:68

Simon Peter in a hun dawnhu ah, “Lalpa, kua kiang ah chia ding ka hiu em? Nang in kumtuang hinna thute chu la nei hi.

NASEPTE 10:33

Ziaphatchun, a ko ding ah mi ka hun sawl pai ziang ahi; la hung hi a phai. Lalpa‘n thu a piak tapo he ding in, ka leng un Pathian mit mu in zia hin ka um ui,” a tia.

NASEPTE 13:26

Suapite haw, Abraham suan um khawmte leh, la lak ua Pathian ki’cha takte haw, zia hukdamna thu chu ei haw kiang ah hun kisawl ahi tai.

ROMTE 1:16

Khrista chanchinpha chu ka jachâkpi puai; kuale a ging tapo â ding ah hukhinna dingin Pathian thilhitheina ahi’n; zia chu a lim in Judate â dingin ahi’n, zia ban ah chun Grikte â ding a hung hi kit hi.

ROMTE 11:17

Chun, a bâk khenkhatte chu sâtthâk ah um in, nang gam Oliv chu amau zung ah kizom ah la um ah, Oliv thing phatna chu kikoppi la hi chun,

ROMTE 6:17

Himaleh, Pathian kiang in kipak thu um ta hen, nang uh gitlo suak ah a la um lai chu, la kiang ua thugin hung kigen chu la la zop tâk ziak un,

1 KORINTH 15:2

ka thugen kha la taksan bep uh hilo ah, la tukchak uh chun, zia chun hukhin in la um uh ahi.

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

EPHESA 1:13

Ama ah chun nang uh le, thutak thu, la hukhinnau chanchinpha chu la het ua, la gin nung un, ama Thagau Thiangtho tiamsa ah chun tepte’ la hitau hi.

EPHESA 4:22

La nidang lai hindan uh, la mihing lui uh zuauthei leh hûkna ah pui mang ah umsa chu lîptha ding leh,

EPHESA 4:25

Chutichun, zuau gen haisan in, I Invêngteu kiang chiat in thudik gen hitiu, a kizom khawm chiat I hingal un.

EPHESA 5:4

Jamaw thute, thu manlo leh tawt thugente haw hi a kilawm ta puai; ziate haw sâng ah chun kipakna thu gen zaw tau in.

1 THESSALONITE 1:5

Ka chanchinpha gen uh kha thu bep in la kiang un a hung tung pua’n, thilhitheina leh Thagau Thiangtho leh hetchianna tak tawh a hung tung zaw ngal a; nang uh â ding ah bang tawhbang mi ka hiu em ti la hiau hi.

1 THESSALONITE 2:13

Ziaziak hin, chawl lo in Pathian kiang in kipak thu ka gen sek ui: Pathian thu keimau ah kipat la het uh, la pom uh khan, mihing thu gual ah hilo in, Pathian thu ahi gual tak ah la pom ziak un; zia chu nanghaw a gingte sung ah sêm sek chu ahi.

TITA 2:11

Pathian doisakna chun, mi zosia â dingin hukdamna a hun kilatsak tangal a;

HEBRAITE 12:1

Chutichun, hiatpitu sûmpi nasa tak ah ûm kîmvêl I hiu ti kihia’n, ei sunokphak leh I chung ua bek gitlonate paitha’i tiu in, I mau ah kitaisiakna lampi ah hin thuak-hat tak in tai hitiu.

HEBRAITE 2:3

zia gual lawm ah hukdamna lopi hi ngaisak lo in um leu hin, bangti’n suakcha thei ding I hiu em? Zia chu a tîl in Lalpa kam ah gen ahi tangal ah, a hete chun ei namdet piak uh ahi.

HEBRAITE 4:2

Chanchinpha a kiang ua gen ahi gual ma khan eihaw kiang ah le gen ahi ngal a; himaleh, a hiatteu chu a ginnau tawh a zop lo ziak un, a kiang ua thu kigente chu a phatchuampi puau hi.

JAKOB 4:8

Pathian chu nai un; tichun, ama’nle hun nai in a. Nang uh mi gilote haw, la khut uh sil thiang unla, nang uh mi phalêmte haw, la lunggil uh hithiang un.

JAKOB 5:20

migilo a vâkmanna ah kipat pui kit taphot chun, migilo chu thina kipat a thagau hukhing intin, gitlo tam tak le liakhu in ah, ti he tau in.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

1 PETER 1:9

La gin jal ua thagau hukdamna chu chang ding la hi tangal un.

1 PETER 2:1

Chutichun, êngsiatna zosia, gûkkhelna zosia, lepchiana zosia, ênna zosia leh gensiatna zosia haisan un.

1 PETER 2:11

Doitakte haw, mikhual leh malzin la hiziak un, thagau dosek taksa nopnate chu haisan dingin ka hun ni la hiu.