JAKOB 1:19 - PATHIAN LEKHABU THIANGTHO (BSI)

¹⁹ Ka doitakte haw, zia hi hiau in: Kam chungnun chu’lo leh lungna vak lo in, mitin in a ngaithâk kilawp un.

JAKOB 1:19 ပူးပေါင်းရင်းမြစ်များ

NEHEMIAH 8:18

A ni masa pen ah kipat a tawp tiang ah, nisi’n in Pathian Dan Lekhabu chu a sim tau a. Kût chu ni sagi sung a bawl un; a ni giat tin ni chun dan dungzui in kikhopna thiangtho a bawl tau hi.

NEHEMIAH 9:17

la thu nial in, a lak ua la thilbawl mak tak takte khale a la ngaisak puau hi; ahi’n, kihi’ lu’lul in, Aigupta gam ah a suak channau lam ma’n kile’kit a tup tau a. Himaleh, nang chu Pathian ngaidam pei, mi hepi thei, lainatna dim, jaidaw leh chitna hau la hiziak in, amau haw chu la thâthawt puai.

NEHEMIAH 9:3

Chuleh, a umnau mun chiat ah dingdok in, Lalpa a Pathian uh dan lekhabu chu dakkal thum sung simdaw’na a nei un, a gitlonau thupha choina leh Lalpa a Pathian uh hona’n dakkal thum sung ma a mang tau a.

JOB LEKHABU 32:16

Bangma dawnhu lo ah a din sungsiau chu, thipbek ah ka ngak zing mai ding a hem?

THUPILTE 10:19

Thu tam tak kigenna hin genkhial a um lo thei pua hen; ahi’n, mipil chu pau a kisûm thei sek hi.

THUPILTE 13:3

A kam chingtup theite chun a hinnau a humbit un, thu mawk gente chun siatna tuak in au.

THUPILTE 14:17

Mi lungchom chun ngolhuai tak in thil a bawl phut phut sek in; mi dawhathûk chu kuama’n a mu nuam puau hi.

THUPILTE 14:29

Hetna thûk tak nei mi chu a lung a niang in; mi lungchom chun a ngolna a taklang hi.

THUPILTE 15:18

Lungchomna chun kinakna a siam in, jaidawna chun kichamna a siam hi.

THUPILTE 15:2

Mipil lei chun hetna thu dik tak in a gendok sek in; mingolte kam in vang ngolna thu a sêkdok sek hi.

THUPILTE 16:32

Mi lungdia thei chu thagum hat sâng in a phazaw hen; a lungnatna kisûm zo mi chu, khawpi la zo mi sâng in a pha zawi.

THUPILTE 17:14

Kinialna hi tui kithâdok tawh bang ahi’n; kinakna a hung pawt masang in kinialna chu haisan in.

THUPILTE 17:27

A thugen ah kisûm thei mi chu hetna nei mi ahi’n; jainem tak ah thugen theite chu, hiatthiamna nei ah ngai a hisek hi.

THUPILTE 18:13

Thu hetchian masang ah dawnhu pai sek chu, ngolna leh mualphona a hisek hi.

THUPILTE 18:21

Mihingte kam ah chun hinna leh thi’na a um a; zia ngaina tapote chun a ga chu ne ngei in au.

THUPILTE 19:11

Lunggêl thei mi chu a lungna vak pua hen, mi phatlona kihiatmawsak chu a lopinau ahi.

THUPILTE 19:19

Mi lungchom chun gawtna mu’n tin; hukdok male chin hukdaw kit ngen ngai in a.

THUPILTE 21:23

Lei leh kam chintup chu buaina lak ah kipat kivêntupna ahi.

THUPILTE 25:28

Ama lungthim thunun zo lo mi chu, khawpi kulbâng nei lo tawh bang ahi.

THUPILTE 29:20

Lunggêl se se’lo ah thu mawk gen ziang mi la mu ngai em? Zia gual mi sâng ah chun mingol ah kinepna a um zawi.

KISIMNA LEKHABU 22:27

Sabiltung in Lalpa vansawlchâk a mu phât in, Balaam nuai in a bok ta’n; Balaam lungna ma ma in, a tiangkhut in a sabiltung chu a jep tai.

MATTHAI 5:22

Himaleh, ke’n vang, kuale a unau chung ah lungna tapo chu vaihawmna â dingin lauthawn um tak in um intin; chuleh, kua’n le a unau kiang ah, “Raka, Panna bei” ti tapo chu vaihawmte vaihawm piak lauthawn um tak in um intin; chuleh, a unau kiang ah, “More, Mingol” ti tapo chule vaihawm piak lauthaw’n um tak in um in a, ti ka hil la hiu.

MARKA 12:37

David ngei khan ama chu, “Lalpa a ti’n; bangatileh, a chapa hi ziang thei ahi diam?” a tia. Mipi vantangte chun kipak tak in a thugen chu a ngaithau a.

MARKA 2:2

Tichun, kotkhak bul ah le umna ding umlo khop hial in, mi tam tak a hung khawm tau ah; a kiang un thu a hil tai.

LUKA 15:1

A thugen ngaitha dingin sedawlte leh migilote a hung khawm ua.

LUKA 19:48

himaleh, mipite chun a thugen chu a ngai chim theilo ziak un, a bawl ding dan a hethei puau hi.

NASEPTE 1:15

Zia hun lai ah chun Peter chu gingtute lak ah chun a hung dingdok a, (zia tak ah kikhawmte chu mi za leh sawmni vel a hiu,) ama chun,

NASEPTE 10:33

Ziaphatchun, a ko ding ah mi ka hun sawl pai ziang ahi; la hung hi a phai. Lalpa‘n thu a piak tapo he ding in, ka leng un Pathian mit mu in zia hin ka um ui,” a tia.

NASEPTE 13:48

Jentelte chun zia chu a het phat un, kipak ma ma in Lalpa a pâk tau ah; kumtuang hinna chang ding ah guat ah um zosia chun a ging tau hi.

NASEPTE 17:11

Zia ah Juda mite chu Thessalonika mite sâng in a lungthim uh a kihong zaw’n, thu chu thanuam tak in a lop un, a thugenteu chu a dik leh diklo hetna dingin, nisi’n Pathian lekha thu’n a sui sek un.

NASEPTE 2:42

Amau haw chu sawlchâkte thuhilnate leh kithua khawmna, vaithum phelna leh pauchapnate’n a kipelut zing tau a.

EPHESA 4:26

Lungnau inla, ahi’n, gilo kiu in; la lungnatnau chu nisa’n tumpi ki’hen.

EPHESA 4:31

Thangtawmna, lungnatna leh siatsona, hânsiatna tawh kigensiatna zosia chu haisan tau in, lungthim sia zosia tawh.

KOLOSSA 3:15

Chuleh, Khrista lungmuanna chun la lunggil un vaihawm ta hen; zia gual ah chun um dingin taksa pumkhat ah ko la hi him uh ahi; kipakna châng he tau in.

KOLOSSA 3:8

Tu’hin vang, nanghaw’n le zia zosia chu: Lungnatnate, siatsonate, huatnate, gensiatnate, la kam ua zamawte hi tawh koimang un.

1 THESSALONITE 2:13

Ziaziak hin, chawl lo in Pathian kiang in kipak thu ka gen sek ui: Pathian thu keimau ah kipat la het uh, la pom uh khan, mihing thu gual ah hilo in, Pathian thu ahi gual tak ah la pom ziak un; zia chu nanghaw a gingte sung ah sêm sek chu ahi.

JAKOB 1:16

Ka doitakte haw, thep zaw in um kiu in.

JAKOB 1:2

Ka suapite haw, patepna bang gual la tuak unle, kipakna lam bep in ngai un,

JAKOB 1:26

Kuale sakhua ngaisak ah kingai ngal ah, a leiteu veng lo ah, a lungthim ua kithêm zaw te chu, amau sakhua chu bangmalo mai ahi.

JAKOB 2:1

Ka suapite haw, mi doichuam nei tak ah um zing kawm in, I Lalpau Jesu Krista lopi tak chu la gingcha tak tak thei nau em?

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

JAKOB 3:10

Kam pakhat ah kipat choihoina leh hânsia a pawt khawm sek hi. Ka suapite haw, chuti ding chu hilo ahi.

JAKOB 4:11

Suapite haw, kigensiatua kiu in. Kua’n le a suapi a gensiat a hem, a vaihawm khum a hem chun, dan chu a gensia’n, a vaihawm khum ahi; dan chu la gensiat chun dan zuitu la hita pua’n, vaihawmtu la hizaw ahi.

JAKOB 5:12

Zia zosia chung ah chun, ka suapite haw, van a hem, lei a hem leh thil dang him him sal in kihaksial kiu in. “Ahi,” la tiu chu ahi hi mai hen la, “Hilo,” la tiu chu hilo hi mai hen; thiamlo la chanlona ding un.

JAKOB 5:19

Ka suapite haw, la lak ua mi kuale thutak ah kipat pêt mang ta chu, kua a hem in pui kik taleh,

1 JOHAN 2:21

Thutak la het lo ziak ua ka hun zik a hipua’n, la het ziak uh leh thutak ah chun juau a um puai ti la het ziak un ka hun zik ahi zawi.