JAKOB 1:17 - PATHIAN LEKHABU THIANGTHO (BSI)

¹⁷ Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

JAKOB 1:17 ပူးပေါင်းရင်းမြစ်များ

THILSIAM THU 41:16

Joseph in Pharaoh a dawnhu ah, “Zia chu keima theina ahi puai; Pathian in Pharaoh chu a duthusam gual tak in dawnhu zaw’n a,” ti’n a dawnhu a.

1 KHANGTHU 22:12

Israelte chung ah vaihawm ah a hun pansak phat leh, Lalpa la Pathian dan chu la vopdet theina dingin, hiatthiamna leh lemhiatna chu hun pia ta hen.

1 KHANGTHU 29:19

Chun, ka chapa Solomon hi la thupiakte, la thil hiatsakte leh la dante zawm ah, zia gual ah chu um thei ding leh ka la kiguanggal dungzui ah zia In chu sa dingin, lungthim pha bukim putsak ta’n, ti’n a gen tai.

SAM 102:27

nang vang a ngai ngai ahi’n, la kum inle tawpni a nei puai.

SAM 122:6

Jerusalem thamuanna dingin pauchap piak un: “Nangma hun thangai mite chun vangphatna dong uh hen.

SAM 136:7

vâk lopi takte siampa kiang ah chun, a ngilneina chu kumkhua’n um ding ahi ngal a;

SAM 84:11

Lalpa Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, Lalpa‘n thilpha him him a ît ngai puai.

SAM 85:12

Lalpa‘n thilpha ngen hun pia’n tin, I gam un a gate pung in a.

THUPILTE 2:6

Lalpa‘n zia gual mi chu pilna a pesek in, a kam ah kipat chun pilna leh, hetthiamna a hung pawt sek a;

ISAI 28:26

A Pathian in a bawl ding dan dik a la hil ah, a la zilsak ahi ngâl a.

ISAI 45:7

Vâk ka la siam ah, chuleh, thimna le ka siam ah; maljawlna leh chunggikna le ka siam ahi; keima Lalpa hin zia zosia chu ka la bawl ahi.

ISAI 46:10

A tîl ah kipat in a tawp tiang ding ka tâklang ta’n, a hung tung nailote le tuan ah tâng ah kipat khan, ka la gen lang ta’n; “Ka thil guanggal chu guitung intin, ka lunggêl chu hung tungding ahi,” ka la ti ta’ngal a.

ISAI 60:19

Sûn ah la meivak ding chu, nisa hita pua’n tin, jan ah a hun salvâk dingle, thapi hi diak ta pua’n a; maleh, Lalpa chu la kumtuang meivak ding hita’n tin; chuleh, la Pathian chu, la lopina ding uh hung hita’n a.

MALAKI 3:6

Keima Lalpa hi ka danglam ngai paw’ngal a; ziaziakchun, aw Jakob chate haw, mangthai pua’n lau.

KISIMNA LEKHABU 11:17

Hung suk ing ka tin, zia tak ah chun nangma hun ho ding ka hi; chuleh, nangma ah thagau um chu la khen ing ka tin, amau chung ah le koi ing ka; tichun, amau in mipite puakgik hun puakpi intiu in, nangma ngen in puakgik paw ta pua’n la.

KISIMNA LEKHABU 11:25

Tichun, Lalpa chu sûm lak in a hung suk ah, a kiang in thu a hun gen ta’n; chuleh, a chung ah thagau khen khat chu a ladok ah, upa sawm sagite chung in a koi ta’n; chuleh, a chung ua thagau a um phatin thu a genlawk tau ah; ahi’n la, zia gual chun a gen kit ta puau hi.

KISIMNA LEKHABU 23:19

Pathian chu mihing gual ah lepchia a hipua’n; eihaw thitheite gual ah a ngaidan theng ngai lo ahi. A mualsua lo dingin a kitiam ngai em?

MATTHAI 7:11

Nang uh mi phalo in bawn, la chateu thilpha piakna châng la het ua leh, la Pau van ah um chun a donte chu thilpha pia zaw ma malo ding a hem?

LUKA 11:13

Nanghaw migilo in bawn la chateu thilpha piakna châng la het ua leh, la pau van ah um chun adonte chu Thagau Thiangtho pena lawm lawm in ah e! a tia.

JOHAN 1:9

Vâk dik tak, mitin salvâk ding chu khawvel ah hung ahi.

JOHAN 3:27

Johan chun a la dawnhu a, van ah kipat piak a hilo ngal ua leh, kuama’n bangma a nei thei puau hi.

JOHAN 3:3

Jesu’n a dawnhu a, “Titakzet in ka hil la hi, mi chunglam ah kipat a pianthak lo chun, Pathian gam muthei pua’n a,” a tia.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

NASEPTE 11:18

Zia thute chu a hun het phat un a thip tau a. Pathian in Jentelte le hinna a neitheina ding ua a lung hei uh a phal piak tai, ti in Pathian a pakcha tau hi.

NASEPTE 5:31

Ama chun Israelte kiang ah lungheina leh gitlo ngaidamna a piak theina dingin, Pathian in Lalpa leh Hukdampa hiding in a khut changlam in a chawisâng tai.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

1 KORINTH 4:7

Nang kua’n a hun chuam bawl diak ah a hem? La chan ahi ngal leh, bangatia la chan lo gual ah la kisak theipi a hem?

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

EPHESA 1:18

Chutia, la lungthim mitteu chu hi’vâk a hung hi ah, la hettheina ding un, ama kona kinepnate, mi thiangthote golua ding a lopi dante,

EPHESA 2:8

Lungsiatna ziak ah ginna ah chun hukhin la hingal un; zia chu nangmau ah kipat pawt hilo in, Pathian thilthawnpiak ahi zawi.

DAN LEKHABU 4:19

Chuleh, van lam en ah la dakdok ua, Lalpa la Pathian un van nuai nam tin lak ah a hawm gual sa nisa, thapi, aksite leh van ah thil um zosiate chu la mu phât ua leh, Pathian gual ah ho ding ah pui mang in um kiu in.

PHILIPPI 1:29

A jangaina ziak ah Khrista la gin bep uh hilo in, ama ziak ah la thok uh le phal ahi.

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

HEBRAITE 13:8

Jesu Khrista chu jani leh tu’ni leh kumtuang in a ngai ngai ahi zing hi.

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.

JAKOB 3:15

Zia tawhbang pilna chu chung lam ah kipat hung suk a hipua’n, khawvel leh lei thil, diabol ah kipat ahi zawi.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

1 JOHAN 1:5

Thu vaithâk a kiang ah kipat ka het uh ka hun hilsawn uh chu zia hi ahi: Pathian chu vâk ahi’n, ama ah chun thim him him a um puai, ti hi.

1 JOHAN 4:10

Zia hin hepina chu a um hi, ei un Pathian I hepiu hilo in, ama’n ei hepi ah, I gitloteu thupha choina dingin a Chapa a hun sawl hi.

THUPUAN 21:23

Khawpi salvâk ding ah chun nisa a ngâi pua’n, thapi le a ngai puai; Pathian lopina chun a salvâk ah, Belamno chu a vâk uh ahi tai.

THUPUAN 22:5

Jan um ta pua’n tin; thaumei vâk leh nisa vâk le ngai ta pua’n tin; Lalpa Pathian in amau chu salvâk ta’n tin; kumtuang in vaihawm ta’n au.

1 SAMUEL 15:29

Zia bep chule hilo in, Israelte lopina Pathian chu, a thu kile’kit pua’n tin, a lungle hei diak pua’n ah; ama chu a lungthim theng vet vut mihing gual ahi paw’ngâl in,” ti’n a gen tai.