JAKOB 1:14 - PATHIAN LEKHABU THIANGTHO (BSI)

¹⁴ Mi chu ama nopna ah puiman leh hîp ah a um phat leh, zia chun thep in a um sek ahi.

JAKOB 1:14 ပူးပေါင်းရင်းမြစ်များ

THILSIAM THU 3:6

Tichun, numei chun thingga chu a mu phât in nêk ding ah kilawm leh mit hîp ma ma ahi ti leh, mi hi’pil thei ding ah thingga etlâ um tak ahi ti a het in a ga chu a lo ah, a ne ta’n; a umpi a pawsal chule a pia’n, ama’nle a ne tai.

THILSIAM THU 6:5

Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

THILSIAM THU 8:21

Lalpa’n a gim namtui chu a het phat in a lungthim in, “Mihingte ziakin lei chung hi hânsia law kit ta pua’ng ka; mihing lungthim ngaituanate chu a naupan lai ua kipat gilo ngen ahi ngal un; tu’hun ah ka gawtna gual hin mihing zosia hi gawt kit ta pua’ng ka.

2 SAMUEL 11:4

Tichun, David in ama chu vapui dingin mi a sawl ah, ama chu a hung phatin, a la luppi tai. (Zia nu chu a thasin buakna a la kisil thiang zo pan ahi’n.) Chuleh, a In lam in a chia kit tai.

JOB LEKHABU 31:27

ka ngaituana hi a gukcha’ a la hipmang in, ka khut in ka kam a la huk hita leng chu;

JOB LEKHABU 31:9

Ka lunggil hi numei in a hipmang ah, ka Invengte kotkhak bul ah, mi châng ah a la pang kha, ka hi chun vâng,

THUPILTE 4:23

Bang dang cheng sâng in la lungthim chu vêngpha’n, zia chu hinna tuinâk kipatna ahi ngal a.

ISAI 44:20

Vut in a kivâk un, a ngaituanau mantheilo chun a pui mang ta’n, amau la kihukdam thei lo in, “Ka khut changlam ah ei thêm chavai ding kisiam hilo ka hem?” tina châng a he him him puau hi.

HOSEA 13:9

Aw Israel, hun susia ding ka hi; kua’n hun panpi thei ding a hem?

MATTHAI 15:18

Kam ah kipat hung pawtte ahileh vang, lunggil sung lam ah kipat hung pawt ahiziakin, zia ngei chun mihing a hi’buak sek hi.

MATTHAI 15:20

Ziate haw hin mihing a hi’buak a, khut sil lo ah an nêk in mi a hi’buak puai, a tia.

MATTHAI 4:1

Ziazaw chun, Jesu chu diabol thep ah um dingin gamthip ah Thagau pui lût in a um ta’n.

MATTHAI 5:28

Kei vang in, kuale numei tatsiatpi ding et ah en tapo chun, a lungthim in a ângkawm zo ahi tai ti ka hil la hiu.

ROMTE 7:11

Gitlo chun zia thupiak chu lemchâng ah mang in ei hun thêm ah, zia chu mang in ei that tai.

ROMTE 7:13

Ahileh, thilpha chu kei â dingin thina hung hita mai a hem? Hilo e! Gitlona chu kei â dingin thina a hung hizaw ta ahi. Tichun, gilo chu gitlona ahi ti a kilatna dingin, thilpha chu mang in ei that ta ahi; thupiak ziakin gitlo chu gitlona thupi tak a hung hi theina dingin.

EPHESA 4:22

La nidang lai hindan uh, la mihing lui uh zuauthei leh hûkna ah pui mang ah umsa chu lîptha ding leh,

HEBRAITE 3:13

La lak ua kuale gitlo thepthâk ah lung tâk la um lona ding un, “Tu’ni,” kiti hun chu a um sung in, nisi’n in kitîlhat zing tau in.

JAKOB 1:13

Kuama’n patepna a tuak lai in, “Pathian in ei thep ka hi,” ti ki’hen; Pathian chu gitlona thep gual a hipua’n, ama’nle kuama a thêm ngai pawngal a.

JAKOB 1:15

Zia nopna chun no a hun pâi in, gitlona a hing sek a; gitlona chu a hung pitin phat leh, thina a tun sek hi.