JAKOB 1:12 - PATHIAN LEKHABU THIANGTHO (BSI)

¹² Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

JAKOB 1:12 ပူးပေါင်းရင်းမြစ်များ

THILSIAM THU 22:1

Zia nung ah chun, Pathian in Abraham chu a patep ta’n, a kiang in, “Abraham,” a ti’n. Ama’nle, “Zia hin ka um hi,” ti’n a dawnhu a.

NEHEMIAH 1:5

Zia gual hin ka pauchap ah: “Aw Lalpa, van Pathian, Nang Pathian lopi leh ja’um, la thupiakte zuiah a hun ngainate chung ah la thuthung hezing leh ja’ngaina neipa;

JOB LEKHABU 2:10

Himaleh, ama’n a kiang in, “Numei ngolte gual ah pau puat puat ziang la hi hi lam. Pathian ah kipat thilpha ngen mu ah, a phalo him him mulo ziang ding ah la ngai a hem?” ti’n a dawnhu ah. Zia zosia ah chunle Job in a kam sung ziang inle thu a gen khial puai.

JOB LEKHABU 5:17

Pathian in a thununte chu a hampha nau e! Ziaziakchun, Hat Chungnung Pathian in, a thununna chu ngaitawm ki’hen.

SAM 11:5

Lalpa‘n midik leh mi nunsia a patep ah, thagum sua nuam mi chu a hinna’n a hua ahi.

SAM 119:67

Hi’genthei ah ka um ma khan ka la vâkmang sek ah, tu’hin vang la thu ka zawm tai.

SAM 119:71

La thu guatte chu ka ziltheina dingin, hi’genthei ah ka um hi kei â dingin a phai.

SAM 119:75

Aw Lalpa, la thutannate a dik hi ti leh, la ginumna’n lei hi’genthei sek ahi, ti ka hechian tai.

SAM 5:11

Nang hun bêl zosia kipak uh hen la; kipak ziakin La sa zing tau hen. La vênbitna a chung un jak inla, la min ngaina zosiate chu, nangma ah lim tak in um tau hen.

SAM 94:12

Aw Lalpa, la thunun ah, la dan dungzui ah la zilsakte chu, mi hampha a hiu in,

PAWTDAWNA THU 20:6

Himaleh, keima ei hepi ah, ka thupiak zawmte suan chu, a sâng a sângte chung ah lungsiatna chuai lo hilang zing ka hi.

THUPILTE 17:3

Dangka thik chu bêl ah awmtui ah sukthian ahi’n, sana chu meipi ah hâl thiantho a hisek in; lungthim ngaituana chu vang Lalpa‘n a patep sek hi.

ISAI 64:4

Masang lai ah kipat khan, kuama’n amau jai ngak ah thilbawl piakpa, nangma tilo ngal, kuama’n Pathian dang him him, a he’kha puau in, a bil unle a huvau a hepuau in, a mit unle a mu kha puau hi.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

MATTHAI 10:22

Keima min ziakin mi zosia huat hi’n lau; himaleh, a tawp tiang ah thuak mualsuak tapo chu hukdam in um in au.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

LUKA 6:22

Mihing Chapa ziak ah a hun huat ua, a hun pâm pai ua, a hun hosiat ua, a hun sukminsiat phat ua leh mi hampha la hiu,

ROMTE 5:4

Thok-hatna chun umchan phatna ei pia’n; chuleh, umchan phatna chun kinepna ei piai.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

1 KORINTH 2:9

“Mit ah mu khâk lo, bil ah le het khâk lo, mihing lunggil ah lut ngailo, Pathian in ama hepi taphotte â ding ah, a guat tapo chu,” ti zik gual khan.

1 KORINTH 8:3

Min Pathian a hepi chun ama ngei chu het in a um zaw ahi.

1 KORINTH 9:25

Gualsiak kidemna ah pang mi chu bangkim in a kithunun sek un; amau chun lallukhuk sethei mu dingin a bawl un, eihaw’n vang a setheilo mu dingin I pang uh ahi.

DAN LEKHABU 13:3

zia gual jawlnei a hem leh mangneitu a hem thugente chu la zui lo ding uh ahi; Lalpa la Pathian uh chun la lungthim zosiau leh la ngaituanau zosia ah Lalpa la Pathian uh hepi tak tak la hiu em ti, a hun patepna ahi ngâl a.

DAN LEKHABU 7:9

Ziaziakchun, Lalpa la Pathian uh hi Pathian tak tak, Pathian ginum, ama hepi ah, a thu zawmte chung ah suan a sâng ah sim tiang ah le a thuthung leh a hepina tâklang zing ahi ti hiau inla;

DAN LEKHABU 8:2

A thupiakte zawm ding la hiu em zawm lo ding ti leh, la lungthim uh hetna ding ah patepna la tuak uh leh, la kingaitawm theina ding ua, gamthip ah kum sawmli hial a hun pui dan zosia kha hezing tau in.

2 TIMOTHI 2:15

Pathian âng ah pom tâk, nasemtu zachatna ding neilo, thutak thu chu dik tak ah hilchian thei mi hiding in la theitawp sua in.

2 TIMOTHI 4:8

Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.

HEBRAITE 10:32

Ziaziakchun, sukvak ah la um nung ua, sukgentheina nasa tak ziak ah la thoknateu kha hedok kit unla,

HEBRAITE 11:17

Ginna’n Abraham chu patep ah a um lai khan, Isak chu a lân a. Thutiam changpa chun a chapa changkhat chu a lân tai.

HEBRAITE 12:5

Chate hilna gual ah tîlhânna thu kigente kha la hemil tau hi: “Ka chapa, Lalpa thununna chu ngainêp kin la, a zilgai inle kithada diak kin.

HEBRAITE 6:15

Abraham chun gunchu tak ah a thok nung in zia thutiam chu a la chang tai.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

JAKOB 5:11

Ahi, a thuak-hatte chu hampha I ti sek ui. Job thok-hat dan kha la hiau ah, Lalpa thil guanggal dan kha le la muu hi; Lalpa chu hepina leh jangaina dim ahi dan le la he tau hi.

1 PETER 3:14

Ahi’n la, dikna ziak ah la thok ua leh a hampha la hiu. Amau chu kicha kiu inla, lauthawng diak kiu in,

1 PETER 4:13

Khrista thokna ah thokpite la hi dungzui un kipak zaw un; chutichun, a lopina a hung kilâk phât leh nang uh le lim tak in kipak thei in lau.

1 PETER 4:14

Khrista min ziak ah vau la hiu leh mi hampha la hiu; lopina leh Pathian Thagau chu la chung un a um tai.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

1 PETER 5:4

Tichun, Belampu Lianpen a hung kilat phat leh, lopina lallukhuk chultheilo chu mu’n lau.

1 JOHAN 4:19

Ama’n ei hepi masak ziakin I hepiu ahi.

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.