JAKOB 1:11 - PATHIAN LEKHABU THIANGTHO (BSI)

¹¹ Nisa a hung suak ah, a satna’n loulai a hun kâng vuai ah; a pâkte chu a pultha’n, a hoinate chu a bei sek hi. Mihausa chule zia gual tho chun, hinkhua buaina lak ah a um zing lai un vuaitha ding a hiu.

JAKOB 1:11 ပူးပေါင်းရင်းမြစ်များ

2 SAMUEL 22:46

Gamdang mite a lungthuai zo tau in, A kulpiu ah kipat kithing sa’n a hung pawtdok tau hi.

SAM 102:11

Ka damsung nite hi nitâk nilîm gual a hita’n; hampa gual in ka vuaitha gawp tai.

SAM 102:4

Ka thinlung hi hampa gual ah, tawden leh vuai in a um ta’n; an ziang le nepei lo in ka um tai.

SAM 103:15

Mihing vang hampa gual bep a hiu in, gamlak pâkcha gual in a hung lûn un,

SAM 37:2

hampa gual in hung tuai pai intiu in, hampa hing gual in hung vuaitha pai ding ahi ngal un.

SAM 39:6

Mi tin hi lîm gual bep a hiu. A buai thawn mai mai ui! Kua’n hun lua ding a hem ti helo in, go a khol khawm sek ui.

SAM 90:6

jingkal ah no dip dep in a hung dawndok in; nitâk lam ah tuai in a vuai ngal sek hi.

THUGENTU 5:15

A nu sung ua kipat ngawnchang ah a hung pawt daw gualmau in, a ngawnchang ma’n kile’kit intiu in; a sepgimnau, a khut ua a puak mang thei ding uh hileh kilawm maleh, bangmacha somdok thei diak pua’n au.

ISAI 28:1

Ephraim ah zukhamte kiletsakpi ah, pakcha lal lukhuk mêlpha ma ma, pakcha gual ah vuaitha mai ding, zungolvei ah dim phâijawl, gam phatna zosia chung ah vaihawm ah, kiletsak ma mate chung chu a gik hi!

ISAI 28:4

An tui tak takte ne ah, kivakthaute luchung ah um, mêlphatna lopi pakcha gual ah mual tha ziang chu, nipi tunma theipi ga min masa gual hung hi’ntin; a maikha taphot in a nêk zaw ziang gual hiding ahi.

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

MATTHAI 13:6

Himaleh, nisa a hung sat phatin a lei a keu ah, a zung a sau lo ziak in a vuai tai.

MATTHAI 20:12

A nunungte hin dakkal khat bep a sêm un, kei uh nisapi thuak ah gim tak ah a la pangte tawh law kibang in lei pia ziang ah, a tiu a.

MATTHAI 6:30

Hampa tu’ni hing ngal, jing ah thukkhûk ah se’lut ziang ding mai bawn, Pathian in chuti lawm ah a jem chun, aw nang uh ginna tawmte haw, nang uh chu sil leh chên pia zaw ma ma lo ding a hem!

MARKA 4:6

Nisa a hung sâng ah, a hun kâk leh, zung a thâk lo ziakin a vuai pai tai.

1 KORINTH 7:31

khawvel ah kiveina neite’nle a neilo gual in um tau hen. Zia khawvel umzia hi a mangthai zing ahi.

1 PETER 1:4

Gochan setheilo, buak kâilo, chuai theilo, van ah nang uh â ding ah khêk ah um chu mu ding leh;

1 PETER 5:4

Tichun, Belampu Lianpen a hung kilat phat leh, lopina lallukhuk chultheilo chu mu’n lau.