ISAI 9:9 - PATHIAN LEKHABU THIANGTHO (BSI)

⁹ Ephraim gam leh Samaria gam ah chêng zosia’n zia chu a hiau a, maleh, a lunggil uh simmawna leh nuaisiana dim in, zia gual hin a gen tau a:

ISAI 9:9 ပူးပေါင်းရင်းမြစ်များ

1 LENGTE 22:25

Mikaiah chun a dawnhu a, “Pindan sungnung khat ah kisêl ding ah la lut phat leh hun he ta’n la,” a tia.

THUPILTE 16:18

Kiletsakna chu manthaina masang in a chia a; lungthim kihoithawna chu kipukna masang in a chia hi.

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 28:1

Ephraim ah zukhamte kiletsakpi ah, pakcha lal lukhuk mêlpha ma ma, pakcha gual ah vuaitha mai ding, zungolvei ah dim phâijawl, gam phatna zosia chung ah vaihawm ah, kiletsak ma mate chung chu a gik hi!

ISAI 28:3

Ephraim zukhamte kiletsakpi, pakcha lal lukhuk chu a keng in chuan dên ding ahi.

ISAI 46:12

Nanghaw mi lu’lul, hukdawna ding tawh kigamlatte haw, ka thugen hi a la ngai un:

ISAI 48:4

Nang chu mi lu’lul, la ngâwng chu thîk gual ah khau, la chalki chule sum-eng gual ah tak, ahi ti ka he ngal a,

ISAI 7:2

Suria tawh Ephraimte a pang khawm ui ti David In sung mite’n a het phat un, Ahaz lungchang leh a mipite lungchang chu, hui in gamlak thing a mûtlîng gual in a kilîng tau a.

ISAI 9:8

Lalpa‘n Jakob kãl in thu a gen a, zia chu Israelte chung in a chu tai.

JEREMIAH 32:24

En in, khawpi lakna ding ah panmunte saw; Kaldaite khut ah um ding ah la gen gual in a hun do pan tau hi. Chemjamte, kialnate leh natpi’n khawpi sung chu a manaw ta’n, tu’hin la la gensa kha a chung un muthei dingin a hung guitung ta hilam.

EZEKIEL 30:19

Zia gual chun Aigupta chung ah thutanna bawl ing ka. Ziaphat chuleh, Keima hi Lalpa ka hi ti he ta’n au.

EZEKIEL 33:33

Zia gual chu a hung hi’phat leh, a hisa le a hita’n, ziaphat ah chun, a lak un jawlnei pakhat a um hi ti he ta’n au, ti in.

EZEKIEL 7:27

Lengpa lusûn ta’n tin, lal chapa lungngaina puan in kithuam ta’n tin; gam sung ah mi zosia khut kithing zo ta’n au. Amau umdan dungzui in a chung un bawl ing ka tin; a vaihawm dungzui un a chung un vaihawm ing ka. Tichun, Lalpa ka hi ti hun he ta’n au.

EZEKIEL 7:9

Ka mit in hun hawi pua’n tin, hun daidawp pua’ng ka. La umdan dungzui un hun gawt ding ka hi’n, la ki’dak umnau la chung un a umzing ngal a. Ziaphat chuleh, a hun bawl genthei chu, keima Lalpa ka hi ti hun he ta’n lau.

HOSEA 8:14

Israel in ama Siampa a hemil in, lal Inpite a sau a; Judah in khawpi kul neite a hi’pung a, ahi’n la, a khawpite chung ah mei sawl ing ka tin, a khawpi siamdette chu kâng tum in a.

MALAKI 1:4

Edom mite chun, “Sukchakvai in um ta maleu hin, kile’kit hitiu in, mun sesate chu siampha kit hitiu,” ti ziang maleule, sepai honte Lalpa chun, “Siampha kit ngei in au; himaleh, susia kit tho tho ing ka tin; amau chu gam phalo a hiu, ti ahi masia, kumkhua’n a chung un Lalpa chu lungna zing ahi ngal a,” a la ti’n au.

MALAKI 3:13

Keima demna thu khau tak tak in la gen tau hi, Lalpa‘n a tii. Ahi’n, nang un, “Bang gual bep in ka hun dem tau em?” la tiu a.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.