ISAI 9:6 - PATHIAN LEKHABU THIANGTHO (BSI)

⁶ Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

ISAI 9:6 ပူးပေါင်းရင်းမြစ်များ

2 SAMUEL 7:13

Ama chun ka In ding ei sak piak intin; tichun, a lenggam lalchutpha chu kumtuang dai dingin sukdet piak ing ka.

2 SAMUEL 7:16

La Insung leh la lenggamte chu ka ma-âng ah hin sukdet hi’ntin, la lalchutpha chu kumtuang dai dingin namdet ta ding ka hi,” ti in.

1 LENGTE 10:9

La chung ah kipak ah Israel lalchutpha hun chutsakpa, Lalpa la Pathian chu pâk in um ta hen! Lalpa chun Israel kumkhua a hepi ziakin, diktatna leh thutanna bawl dingin, nang leng in a hun siam ta ahi,” a tia.

1 LENGTE 2:33

ziaziakchun, a thisan mawu Joab luchung leh kumtuang ah a suanteu luchung ah le’kit hiding ahi. Ahi’n la, David chung leh a suante chung leh a lalchutpha chung in Lalpa ah kipat kumkhua’n muanna um in a,” a ti’n.

1 LENGTE 2:45

himaleh, Lengpa Solomon maljawl in um intin, David lalchutpha chu Lalpa âng in kumtuang ah phudet in um in a,” ti’n a gen a.

NEHEMIAH 9:32

Ziaziakchun, tu’hin ka Pathian uh, Pathian lopi leh Bangkim bawlthei, lau um, thuthung hezing ah, ja’ngaina ah dim chun, kei uh chung leh ka lengteu, ka pu leh pateu leh la mite zosia chung ah, Assuria lengte hun ah kipat tu’ni tiang ah haksatna ka tuakteu hi ngainêp ziang kin la;

SAM 45:3

Aw mihat, chemjam la kawng ah vop inla, la lopina leh la ja’umna’n kithuam in.

SAM 45:6

Aw Pathian, la lalchutpha chu kumtuang, kumtuang in a um hi. La lal tiang chule dangdâk diak, neilona lal tiang ahi hen;

SAM 45:7

dik tatna la ngaina’n, nunsiatna chu la huai. Ziaziakchun, Pathian, la Pathian chun la gualte khêl lam in, nasa tak in limna sathau a hun nu’ ta ahi;

SAM 50:1

Hat Chungnung, Lalpa Pathian chun thu a gen a, leilung hi ni sua’na lam ah kipat, a tumna lam tiang in a ko tai.

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

SAM 72:3

Mualte chun mipite â ding ah hausakna hun suau hen la, tângte chunle dikna hun sua tau hen.

SAM 72:7

Thapi a bei masia, ama damsung in dikna leh, chamna’n a gam lua dim hen.

SAM 85:10

Ngilneina leh thutak kituak intiu in; dikna leh kichamna kichawptua ding a hiu.

SAM 89:5

Aw Lalpa, vante khin la thilmak bawlte chu, pâk uh hen la, mithiangthote kikhopna mun ah chun, la ginumna chu pâk tau hen.

THUPILTE 8:23

Kumtuang ah kipat leh leilung kisiam ma him inle, a lim tak ah kipat in sukdet ka la hi tai.

ISAI 10:21

A thibang sunte, Jakob Inkuante lakah a thibang sunte chu, Hatchungnung Pathian lam in hung kihei kit ta’n au.

ISAI 11:5

Dikna chu a kawnggâk hi’ntin, ginumna chu tâigâkna’n mang in a.

ISAI 16:5

Lal chutpha khat chu ngilneina leh ja’ngaina’n, David puanbûk ah tundin hi’ntin; a chung ah dikna ngaina leh, ginumna ngaina, kin tak ah dikna leh, ginum tak ah vaihawmtu ding chu hung kichu ta’n a.

ISAI 26:12

Aw Lalpa, kei uh â dingin, thamuanna chu hi’det ding la hi’n; nangma’n ka thilbawl zosiau, lei sukpitin piak ta’ngal a.

ISAI 26:3

A lungthim nangma chung bep ah nga’n, nang bep hun taksangte ngei chu, thamuanna dik tak piak hi’n au.

ISAI 28:29

Zia thilte haw hile, sepai honte Lalpa ah kipat hung pawt ahi; a lemguat dan in a mak ah, pilna’n le a chungchuang hi.

ISAI 32:1

Ngai un, lengpa chun dikna’n vaihawm intin; lal chate’n le thudik in vaihawm ta’n au.

ISAI 37:32

Jerusalem ah kipat a thibang sunte hung pawtdok intiu in, Zion tâng ah kipat a suakcha honting tak pawtdok in au; sepai honte Lalpa phatchuam ngaina chun zia chu bawl ding ahi.

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

ISAI 53:2

Ama chu tâng gawchâk ah thâichi no kek, zung thadok ah hung khangdok gual hi’ntin, vak etlâna ding ah mêl lat dan chuam bîk leh, za umna a nei pua’n; doichuam ahi’na ding ah mêl putdan chuam le, a nei puai.

ISAI 53:5

Himaleh, ei haw bawlkhialna ziak ah hiliam ah um leh, I dukdaklona ziak ua vok thidup ah um ahi ngâl a; ama gawtna thok ziak ah ei haw sukdam ah um in, ama kivok thidupna ziak ah, sukdam ah um I hi’ngâl un.

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

ISAI 66:12

Zia gual hin Lalpa‘n a tii: Ngaitia, a chung ah vangphatna chu, lui gual in hun luan jaksak ing ka tin; namtin hausakna chu lui luanglet gual in, hung luang lut ta’n tin; nawi gual in chêp ta’n la tin, nang hun enkol ah a khut ah hun pâi in, a khup chung ah kichopsak in um ta’n la.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

ISAI 8:18

En tiam un, kei leh naupangte Lalpa‘n ei piakte hi, Zion tâng ah cheng sepaite Lalpa ah kipat Israelte lak ah tepte’na leh etsakna ka hiu hilam.

JEREMIAH 31:22

Aw, chanu lungmawl, bang chan jawnvâk nalai ding la hem? Lei chung ah Lalpa‘n thil thak a siam tai: numei in pawsal a humbit zaw ta mai hi.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

HAGGAI 2:9

Zia In lopina nunung zaw chu a masa zaw sâng in nasa zaw’n ah, ti’n sepai honte Lalpa chun a gen hi; chuleh, zia mun ah hin vangphatna hun pia ding ka hi, sepai honte Lalpa chun a tii.

MATTHAI 1:1

Abraham suan, David suan ah Messiah kiti, Jesu hung pian dan chu zia gual hi ahi:

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

LUKA 1:35

Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.

LUKA 2:11

Nang uh â dingin tu’ni hin David khawpi ah Hukdampa a hung piang tai, Lalpa Messiah chu.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 1:16

Ama bukimna kipat in hepi chung ah hepi sawnna I chang chiat ui.

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

NASEPTE 10:36

Pathian in a thu chu Israel mite kiang in a hun tun ah, Jesu Khrista ah thamuanna thu a gen, ama chu mi tin Lalpa ahi, ti hi.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

ROMTE 8:32

Ama Chapa hial bawn hawi lo ah, I leng ua thasâng ah hun pepa chun, thildang zosia le a thawn in ei pelo ding a hem?

ROMTE 9:5

pu leh pate kha le amau â a hiu ah, taksa lam thu ah Khrista le amau lak ah kipat hung pawt ahi’n; ama chu thil zosia chung ah um ahi, kumtuang ah pâk tâk Pathian ahi, Amen.

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

1 KORINTH 15:25

Mêlma zosia a chotden masia, ama’n vaihawm ding ahi ngal a.

2 KORINTH 5:19

Pathian in Khrista ah chun khawvel hi ama tawh kicham in a siam ah, a hi’khelnateu chu amau kãl ah guat lo in, kichamna nasepna ei vopsak tai.

DAN LEKHABU 10:17

Lalpa la Pathian uh hi pathiante zosia chung ah Pathian, lalte zosia chung ah Lal, Pathian Chungnung pen, hat leh lau um tak, kuama doichuam diak nei lo leh golgûkna la ngai lo leh,

KOLOSSA 2:3

Ama ah chun pilna leh hetna go zosia chu a kisêlgu ahi.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

TITA 2:13

kinepna kipak um, I Pathian lopi tak leh Hukdampa Jesu Khrista kilâkna chu ngâk dingin ei hil a.

HEBRAITE 1:8

Ahi’n, Chapa chung thu ah chun zia gual hin a gen a: Aw Pathian, la lalchutpha chu, kumtuang in a um zing hi; dikna lal tiang chu la lenggam lal tiang ahi.

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

THUPUAN 19:16

A puan chung leh a malpi chung in min a kizik a, “LALTE LAL LEH HOTUTE HOTU,” ti in.

VAIHAWMTE 13:18

Himaleh, Lalpa vansawlchâk chun a kiang in, “Bang ding ah ka min ei dong la hem? Ka min chu mak talua ahi ngâl ah,” ti’n a dawnhu a.