ISAI 9:5 - PATHIAN LEKHABU THIANGTHO (BSI)

⁵ A do ah hung kuan sepaite kengtaw zosia, a sil leh chên thisan kâi nêt nût zosia chu, meikuangchaw gual ah hâl tum zaw hita’n a.

ISAI 9:5 ပူးပေါင်းရင်းမြစ်များ

THILSIAM THU 32:30

Jakob in zia mun min chu Peniel a sak tai: “Pathian chu kimaitua in ka mu ta hen, ka hinna hoi ahi ngal in,” a ti ziakin.

SAM 46:9

Ama’n kawl kîmvêl tiang in kido’na a hi’thip a; thalpi lawi bong in, cheicha a thiakbong ah; phawte chu mei in a hâl tum hi.

SAM 72:3

Mualte chun mipite â ding ah hausakna hun suau hen la, tângte chunle dikna hun sua tau hen.

PAWTDAWNA THU 23:21

Ama thu chu ngaisak inla, a thu mang in: hilungna kin la, ama’n la bawlkhialnate chu hun ngaidam lo hial ding ahi ngal in: ka min le ama ah chun a um ngal a.

ISAI 13:4

Ngai un, mipi tam tak husa gual in tâng lam ah husa! Ngai un, lenggamte leh namtinte kipun khawmna husa chu! Sepai honte Lalpa‘n kido’na dingin sepai hon a pui khawm hi!

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

ISAI 30:33

Topheth chu tu’ma lam pek ah kha bawl zawsa a hita’n, lengpa â ding ah guanggal zaw ahi tai. A thing chu zau tak leh sâng tak ah siavum zaw ahi ta’n, mei leh a thingkhua kiningting tak ding ah bawl zaw ahi tai. Lalpa‘n meikuang a hu’n hun mutdok intin, kâttui gual in kâng ta’n a.

ISAI 37:36

Ziaphatchun, Lalpa vansawlchâk a hung kipandok ah, Assuriate giamun ah sepai nuai khat sîng giat leh sang nga a hung that ta’n; jingkal khua a hung vak phatin, mithi ngen a hitau a.

ISAI 4:4

Lalpa‘n vaihawmna thagau leh katmangna thagau ah, Zion chanute a buaknau zosia a sawp thian ah, Jerusalem thisan sua’na ziakah a buaknau zosia a silthian phat leh,

ISAI 9:4

Midiante nuaisia ahi lai gual uh khan, a ngawngkol puakgik uh tawh, a liangko ah jawl kibât leh, a gawtte mol chu la khetbot piak ta’ngal a.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

JEREMIAH 47:3

Sakol kengtaw git, kângtalai tai git leh, kângtalai keng kipei gite a het phat un, nu leh pate’nle a chateu ngaisak man talo in, a khutteu chu a zawitha zo tai.

JOEL 2:5

Kido’na kângtalai gual ah tai in, hampa kâng ah mei a kua’n puat puat gual leh, kido’na pang ding ah kisa galdo mihat tak gual in, mualvûm in a chawm kâi ui.

THIAMPUTE LEKHABU 3:11

Chuleh, thiampu’n zia chu mâichâm chung ah hâltum intin; zia chu Lalpa kiang ah mei ah an thillat chu hi’n a.

THIAMPUTE LEKHABU 3:16

Ziate chu thiampu’n mâichâm ah chun mei ah gimtui an thillat hiding in hâltum ta’n a. Athau zosia chu Lalpa chantum ahi.

MIKAH 5:1

Tu’hin vang nang chu bâng ah hual khum la hi tai; ei haw ei hual khum tau hi; Israel vaihawmpa chu a biang mol in a jep ui.

NAHUM 3:2

Jepna vei gitte, kângtalai keng kigawtgite, sakol kichop gite leh, kângtalai tai gitte tawh!

ZEKARIAH 6:13

Lalpa tempul hun sa ding chu ama ahi; leng leh lalte ja’na chang intin, a lalchutpha chung ah kichu’n vaihawm in a. A lalchutpha kiang ah chun thiampu’n umpi zing intin, a paniu in kilung gual tak in sêm khawm ta’n au.

MATTHAI 3:11

Keima’n gitlo haisanna di’n tui in ka hun baptis in, ka nung ah hungdingpa chu keima sâng in a lopi zaw’n, a kengtawdap chawi tâk le ka hi puai. Ama chun, Thagau Thiangtho leh mei in hun baptis in a.

NASEPTE 2:19

Chung lam van ah chun thilmakte leh, nuai lam lei ah teptênate mu sak ing ka tin, thisan tawh, mei tawh, meikhute tawh.

NASEPTE 2:3

Meikuang gual ah kilang lei a hung um ah, a hung kihawmjak ah, amau haw a chang chiat tau a.

2 THESSALONITE 1:8

Pathian helo mi leh I Lalpa Jesu chanchinpha ginglote chung ah phuba a lâk ding chu;

VAIHAWMTE 13:18

Himaleh, Lalpa vansawlchâk chun a kiang in, “Bang ding ah ka min ei dong la hem? Ka min chu mak talua ahi ngâl ah,” ti’n a dawnhu a.

1 SAMUEL 14:19

Saul in thiampute kiang ah thu a gen zing lai ah chun, Philistin sepaite giamun lam ah husa chu a khawk deu deu ah; ziaphat ah chun Saul in thiampu kiang in, a la khawngai mai tiam in, a tia.