ISAI 9:4 - PATHIAN LEKHABU THIANGTHO (BSI)

⁴ Midiante nuaisia ahi lai gual uh khan, a ngawngkol puakgik uh tawh, a liangko ah jawl kibât leh, a gawtte mol chu la khetbot piak ta’ngal a.

ISAI 9:4 ပူးပေါင်းရင်းမြစ်များ

THILSIAM THU 27:40

La hinna ding chu la chemjam hi’ntin; la suapi na sep piak in la tin; chun, zia gual hi hi’ntin: la thok zaw lo phat leh, a ngawngkol chu la ngawng ah kipat in, khen bong ta’n la,” a ti tai.

SAM 125:3

Nunsiatna lal tiang chu, midikte gam chung ah chu ngai pua’n tin; midiktatte’n a khut uh, thil phalo bawl dingin lâm pua’n au.

SAM 81:6

“La liangko ah puakgikte chu ka dawnjang in; la khutte chule sêng ah kipat in ka ladok tai.

ISAI 10:16

Ziaziakchun, sepai honte Lalpa, Chungnung penpa chun a sepai hangsan takte lak in, thachauna natna hun tun intin, a lopina’n meikuang gual in hun kângna ding ahi.

ISAI 10:5

E he, Assuria chu ka lungnatna moltum, a khut ah khetbûk chu, ka hachang thakna ahi.

ISAI 14:25

Ka gam sung ah chun Assuriate chu hi’chimit ing ka tin; ka mualte chung ah chun palchek ding ka hi; ziaphat chuleh, a ngawngkol uh lâk thâk hita’n tin, a liangko ua kipat a puakgik uh lâk thâk hita’n a.

ISAI 16:4

Moab gam ah kipat nawdaw ah umte chu, la lak un chêng uh hen la; amau susetu ah kipat a kisêlnau hung hi’n. Hi’gentheitute a bei ah, siatna a hung bei ah, gam ah kipat susetute a bei phat uh leh,

ISAI 47:6

Ka mite chung ah lungna ka hi’n, ka gochante chu ka hi’buak zo tai; la khut in amau chu ka hun pia ta’n, ja’ngaina la la nei pua’n; têksete chu ngawngkol gik tak la puaksak tai.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 51:13

Nangma hun Siampa Lalpa chu la hemil ta’n, ama’n vante kaimal in, lei pumpi kingaknate a lem hi. Hi’mangthai ziang ding ah um hita, a hun nuaisiate lungnatna chu lau in, sun nitum in la um ui. Mi nuaisiate lungnatna chu, khoilam tung zo a tam?

ISAI 52:2

Aw sal ah tâng Jerusalem, la chung ah leivui bek chu thing tha’n la, hung thodok in. Aw Zion chanu sal ah tâng, la ngawng ah kol chu lîptha ta’n!

ISAI 54:14

Dikna ziakin phudet hi’n la tin; sukgentheina chu tawh kigamla ta’n la; lau him him talo ding la hi’ngal a. Tizat umna’nle hun gamlat ta’n a, la kiangnai ah le hung talo ding ahi ngal in.

ISAI 9:5

A do ah hung kuan sepaite kengtaw zosia, a sil leh chên thisan kâi nêt nût zosia chu, meikuangchaw gual ah hâl tum zaw hita’n a.

JEREMIAH 30:8

Sepai honte Lalpa chun zia gual hin a gen a: Zia ni phat chuleh, a ngawng ah ngawngkol chu khetbot piak ing ka tin, a thîkkol bûte chule hitan piak ta’ng ka; tichun, mêlhet lo mite chun suak leh sal in man ta pua’n au.

JEREMIAH 48:17

A kîm a vêl ah chêngte leh, a min he zosiate haw, ama sûn tau in; ama sûnna’n, “Lal tiang hat leh, tiangkhut lopi tak chu, bangtidan ah bong mai ahi tam?” ti tau in.

THIAMPUTE LEKHABU 26:13

Keima hi Lalpa la Pathian uh, a suak ua um kit talo ding ah Aigupta gam ah kipat hun puidokpa chu ka hi: la ngawngkolteu hi’bong ah, jang tak ah hun chiasak pa chu ka hi.

NAHUM 1:13

Tu’hin, nangma ah kipat in a ngawngkol uh hi’bong ing ka tin, nang a hun kânna khauhualte chu, sat tan sik sek ing ka,” a tia.