ISAI 9:21 - PATHIAN LEKHABU THIANGTHO (BSI)

²¹ Manasseh in Ephraim a ne’n, Ephraim in Manasseh a ne’n; a paniu in Judah a do ui. Zia gual ah a bawl zaw nung chunle, a lungnatna a dai diak puai; a khut chu a lâm zing ngal a.

ISAI 9:21 ပူးပေါင်းရင်းမြစ်များ

2 LENGTE 15:30

Elah chapa Hoshea chun Remaliah chapa Pekah a thalup theina ding chu a gûk in a la ngaitua ah, a kidelpi ah, a hun that ta’n, tichun, vaihawm in a pang tai.

ISAI 10:4

suangkul ngak ding ah sawl lut leh, a thite lak ah um ding bep in a um tau ah; Chutisapi’nle, a lung a dam diak puai, a khut a lâm nalai lai hi.

ISAI 11:13

Ephraimte îtsîkna chu hung bei ta’n tin, Judate huatna sât thâk in um ta’n a; Ephraim in Judah thangsia ta pua’n tin, Judah inle Ephraim haw ta pua’n a.

ISAI 5:25

Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

ISAI 8:21

Lunggim tak leh gilkial in gam chu chuan suak intiu in; a gil uh a kial phat leh a lung uh na’n tin, a lengpau leh a pathianteu samsia’n au. A mitteu van lam nga’n tin uh;

ISAI 9:12

sualam ah Suriate leh tumlam ah Philistinte chun, a kam uh kasa’ la pang in, Israelte chu a la val zo in au. Zia gual ah a bawl zaw nung chunle, a lungnatna a dai diak puai; a khut chu a lâm nalai ngal a.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

JEREMIAH 13:14

chuleh, amau chu kisuktua sak ing ka tin, nu leh pa chu a chateu tawh, ti’n Lalpa‘n a gen hi. Amau ka suksiat phat leh lainatna nei pua’ng ka tin, khat chale hawi lo ding ka hi, ti’n vagen in,” ei ti tai.

JEREMIAH 4:8

“Lalpa lungnatna huaisia tak chu, ei haw ah kipat heimang ahi puai, ti’n kap ah sûn in, saidip puan sil tau in”.

ZEKARIAH 11:14

Ziaphatchun, ka tiang pakhat, Kipumkhatna kiti chule ka thiakbong ah, Judah leh Israel ki-unauna dan chu ka tham tai.

MATTHAI 24:10

Ziaphat chuleh, mi tam tak pûk intiu in, kimatsak tua in; hung kimuda tua in au.

GALATIA 5:15

Himaleh, la kikiat ua, la kinêktua phat ua leh, la kisukgam lona ding un chingthei tau in.

VAIHAWMTE 7:2

Lalpa‘n Gideon kiang in, “A khut ua Midiante ka piak dingin la kiang ah sepai umte chu a tam ta luau hi. Israelte chun, ‘Ka khut ua kihukdok ka hiu,’ kiti kha’n au.

1 SAMUEL 14:20

Tichun, Saul tawh a kiang ah sepai um zosia chu chia kawm in kido’na pang dingin a kuan tau ah; a lak ua buaina huaisia tak a tun tâk ziak in, amau leh amau a chemjam un a kisattua sau sau ziang tau hi.