ISAI 9:19 - PATHIAN LEKHABU THIANGTHO (BSI)

¹⁹ Sepai honte Lalpa lungnatna ziakin, gam pumpi a kâng ta’n; mipite chu a meisel ah a pan tâk ziak un, khat cha’nle midang khat a hukdok thei ta puau hi.

ISAI 9:19 ပူးပေါင်းရင်းမြစ်များ

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

ISAI 10:6

Pathian ngaisak lo namte do dingin, amau chu ka sawl in; ka lungnatna mipite chung ah, gâl lâk ah la ding leh vachom ah vasuam gam ah, khawlai buanthuak gual ah, vachuan chil dingin thu ka pia tai.

ISAI 13:13

Ziaziakchun, sepai honte Lalpa lungnatna hun, a lung kitongkhon ni a hung tun phat leh, vante kithinsak ing ka tin, lei chule a umna mun ah kipat, thindaw in hung um ta’n a.

ISAI 13:18

A thalpiu chun tangvalte that intin, gil ah gate chung in lainatna nei pua’n tiu in, naupang daidawpna le nei diak pua’n au.

ISAI 13:9

En in, Lalpa‘n a lungnatna huaisia tak leh, a thangtawm hiamngamna a suklatna ding ni chu, hung tung ding ahi tai. Zia ni chun ama’n lei chung ah mihingte hi hi’mangthai in, lei chu a hawm ah nutsia in hun umsak in a.

ISAI 24:6

Ziaziakchun, hânsia chun lei a val zo ta’n, a sung ah chêngte’n a mawna ziak un a thuak tau hi; tichun, lei chung ah chêngte a kiam un, mi tawmcha bep nutsia a hitau hi.

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 3:5

Mipite chu nuaisia in um intin uh, mitin kua a hem khat nuaisia ah um in, mitin a Invêngteu nuaisia in um in au; chapangte le miluite chung ah, kiletsak tak ah hung um in, mi thulimlote nasan le, mi ja’umte chung in hung kiletsak in au.

ISAI 33:14

Zion ah migilote chu a lau tau a, pathian neilote chu a kithingse tau a: “Zia gual ah mi kâng mang thei meikuang lak ah hin, I lak ua kua a hem pang zo ding? Kumkhua meikuang lak ah chêng thei ding, I lak un kua I um awm?” a tiu a.

ISAI 4:4

Lalpa‘n vaihawmna thagau leh katmangna thagau ah, Zion chanute a buaknau zosia a sawp thian ah, Jerusalem thisan sua’na ziakah a buaknau zosia a silthian phat leh,

ISAI 42:25

Ziaziakchun, a chung un a lungnatna meiâm leh, a gâldo’na lungnatna huaisia a hun butthâk khum tai; a kîmvêl ah mei hun sêmkuang maleh, a hethiam diak pua’n; ama a hun kâng kha hial ta na’n, a ngaikhawk diak puai.

ISAI 5:24

Sepai honte Lalpa thuhilna a pom lo ziak uh leh, Israel Mithiangtho a musit tâk ziak un, meikuang in bupawl a kat tum a, mei in hamsawl a kat tum gual in, a zung uh muatden intin, a pâk lun lai uh leivui gual in leng mang in a.

ISAI 5:30

Zia ni chuleh, tuisuagiat gi hum hum gual in, amau haw do-na’n hamgi hum hum ta’n au. Gam chu kua’nle a vak et chun, thimna leh lungkhamna bep in dim zo ta’n a; tichun, vâk nalua chule sûmpi’n lia thim zo ta’n a.

ISAI 60:2

Lei hi thim in khû in, mipite chu thimna sâ tak chun hun tuam intin; himaleh, Lalpa vâk in hun sal in, a lopina chu la chung un hung kilang ding ahi.

ISAI 8:22

chuleh, lei lam nga’n tiu in; himaleh, lungjinna leh thimna bep mu ding a hiu, lunggimna’n thi’n tiu in; chuleh, thimna sâ tak ah naw lut in um ta’n au.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

EZEKIEL 20:47

Negeb gammâng kiang in, Lalpa thugen hi ngai un: Lalpa Pathian in zia gual hin a gen hi: La lak un mei hun sêm ing ka tin, zia mei chun la lak ua thinghing hi’n, a keu hileh kâng tum in ah; zia meikuang chu mit pua’n tin, simlam ah kipat mallam tiang ah mite maichang zosia kâng ta’n a.

EZEKIEL 9:5

Ka het in mi dangte kiang ah chun, “Ama nung in khawpi sung paltheng unla, mite chu that malam pek un; kimulosak kiu inla, daidawp diak kiu in.

JOEL 2:2

thim leh vannîm ni, sûm ji’n ni leh thim sâ ni ahi! tâng chungte chu thim in meikhu gual in, sepai tam tak leh hat a hung ui; zia gual chu masang ah kipat in, a la um kha naipua’n, bangmatik in um kit talo ding ahi.

JOEL 2:3

A malam uh mei in a kâng tum pek ah, a nung lam uh meikuang in a kâng hi. A malam ua gam chu Eden huan gual ahi’n, a nunglam uh chu gamthip thawmhau gual ahi. Bangma suakcha pua’n a.

THIAMPUTE LEKHABU 26:26

La bu In teu ka suksiat phat leh, numei sawmkhat in thuk pakhat ah vaithum kang khawm thei ta’n tin uh, te’ chit chiat in la vaithum ding uh hun pia ta’n tin uh, zia chu ne zo in la tin uh, vâ in, tai diak pua’n lau.

AMOS 5:18

Lalpa ni ngainate haw, la chung uh a gik na e! Bang ding ah Lalpa ni ngaina la hiu em? Zia ni chu vâk hilo in, thim ahi.

OBADIAH 1:18

Jakob Inkuan chu mei hi’n tin, Joseph Inkuan chu meikuang hi’n tin, Esau Inkuan chu pawl tawhbang hi’n a; ama chu kâng intin, kâng tum intin, Esau Inkuan ah a suakcha um pua’n a; Lalpa’n a ti’ngal a.

MIKAH 7:2

Lei chung ah hin mi ginum a um ta pua’n, mi diktat him him le a um ta puai; thisan sua ding châng in a um zo tau in, mitin in mi dang khat chiat lên in a ngîm tau hi.

MIKAH 7:6

chapa’n a pa chung ah phunna ding a hawl in, chanu chu a nu do dingin a kipan in, mo chu a talpinu do dingin; la mêlmate chu nang Inkuante ma ma a hung hitau hi.

ZEKARIAH 11:6

Lei chung ah chêngte chu lainat ta pua’ng ka, Lalpa‘n a tii. Mitin a Invêngteu leh a lengpau khut in pûksak ing ka tin, a gam uh susia’n tiu in, a khut ua kipat in pakhat chale hukdok lo ding ka hi atii,” ti in.

ZEKARIAH 11:9

Ziaphatchun, “Nanghaw ching in pang ta pua’ng ka, a thi thi chu thi hen la, a man leh le a man himai hen la, a hing nalai umsun te chule kinetua mai uh hen,” ka ti ta’n.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MATTHAI 27:45

Sûn kim ah kipat sunnung dak thum chan in gam pumpi a thim suak tai.

NASEPTE 2:20

Nisa chu thim hung suak intin, thapi chu thisan suak in a; Lalpa ni thupi leh lopi tak a hung tun masang ah chun.

2 PETER 2:4

Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.