ISAI 9:18 - PATHIAN LEKHABU THIANGTHO (BSI)

¹⁸ Mei in hampa leh ling a kât tum ah, gammâng nawngte a kât thian a, a meikhu van lam ah a kitun to gual in, nunsiatna chun mei gual in a kâng sek ngal a.

ISAI 9:18 ပူးပေါင်းရင်းမြစ်များ

1 LENGTE 16:21

Ziaphatchun, Israel mipite chu pawl ni in a kikhen tau a; mipi kimkhat in Ginath chapa Tibni chu lal ah bawl dingin a zui un; a kimkhat in Omri a zui ui.

SAM 37:20

Mi nunsiate vang mangthai intiu in, Lalpa do-te chu gantatna mun ah, hampa seldawng gual mai hi’n au; meikhu gual in mangthai kawm ta’n au.

SAM 68:2

Meikhu mût mang ah a um gual in, amau chu mût mang in, khuailu mei in a haitui gual in, mi nunsiate chu Pathian ma’n mangthai tau hen.

SAM 83:14

Mei in gammâng a hâlthut gual leh, meikuang in tâng a tuam suak gual in,

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

ISAI 1:7

La gam uh nutsia’n a um ta’n, la khawpiteu mei in a kâng tum tai; la mit muu in la lou gateu chu, gam dang mite’n a ne zo tau hi; gam dang mite’n a nuaisia tâk ziak un, a hawm ah nutsia in a um zo tai.

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 27:4

A chung in lungnatna ka nei puai. Hampa lingnei leh khauguite ngen, a hung piandawu chun, a leng un vât tha’ng ka tin, hâl tum mai ding ka hi.

ISAI 3:5

Mipite chu nuaisia in um intin uh, mitin kua a hem khat nuaisia ah um in, mitin a Invêngteu nuaisia in um in au; chapangte le miluite chung ah, kiletsak tak ah hung um in, mi thulimlote nasan le, mi ja’umte chung in hung kiletsak in au.

ISAI 30:30

Ziaphat chuleh, Lalpa chun lungna tak in mi kângtum thei meikuang tawh, têk leh van-gi tawh gial kithua in hung intin; a aw lopi tak chu het in um in tin; mu dingin a khutbân hun vai suk ding ahi.

ISAI 30:33

Topheth chu tu’ma lam pek ah kha bawl zawsa a hita’n, lengpa â ding ah guanggal zaw ahi tai. A thing chu zau tak leh sâng tak ah siavum zaw ahi ta’n, mei leh a thingkhua kiningting tak ding ah bawl zaw ahi tai. Lalpa‘n meikuang a hu’n hun mutdok intin, kâttui gual in kâng ta’n a.

ISAI 33:12

Chuleh, mipite chu vang, kât ah kihâl gual in hung um ta’n tin uh, hampa lingnei kisât tha, mei ah kihâl tum gual in hung um ta’n lau,” a ti’n.

ISAI 33:14

Zion ah migilote chu a lau tau a, pathian neilote chu a kithingse tau a: “Zia gual ah mi kâng mang thei meikuang lak ah hin, I lak ua kua a hem pang zo ding? Kumkhua meikuang lak ah chêng thei ding, I lak un kua I um awm?” a tiu a.

ISAI 5:24

Sepai honte Lalpa thuhilna a pom lo ziak uh leh, Israel Mithiangtho a musit tâk ziak un, meikuang in bupawl a kat tum a, mei in hamsawl a kat tum gual in, a zung uh muatden intin, a pâk lun lai uh leivui gual in leng mang in a.

ISAI 50:11

Himaleh, la leng un mi hâlna ding a, mei sêmkuang la hiu. La mei sêmkuang leh la meiâm un, nang uh hun hâl in, hun bî ta hen! Zia hi ka khut ah kipat la tuak ding uh chu hi’n a; gawtna thuak in um den ta’n lau.

JEREMIAH 9:3

Zuau gen dingin a lei uh chu, thalpi gual in a kisazosa’n a um in, gam sung ah hin zuautheina leh, thu taklo’na lam in a khanglian ui. Thil phalo a ban ban in a bawl un, keima ei he’pha ta puau hi, Lalpa‘n a tii.

HOSEA 13:3

Ziaziakchun, amau chu jingkal phâisûm a hem, jan dâichîm bei kit pai ziang sek gual a hem leh, phual ah busi hui in a mut mang gual leh, tukvan ah meikhu leng mang gual chu hi’n au.

JOEL 2:20

Mallam ah la gâlteu chu, gamla tak in koimang ing ka tin, gamkeu leh gamsia lak ah naw kit ing ka; a matawng pawl sualam tuisuagiat sung ah, a nungdâlte tumlam tuisuagiat sung ah; a gimsia leh ui hung pawt in a. Kichian tak in ama’n thil lopi takte a bawl tai!

JOEL 2:3

A malam uh mei in a kâng tum pek ah, a nung lam uh meikuang in a kâng hi. A malam ua gam chu Eden huan gual ahi’n, a nunglam uh chu gamthip thawmhau gual ahi. Bangma suakcha pua’n a.

AMOS 7:4

Zia hi Lalpa Pathian in ei etsak chu ahi: Lalpa Pathian in mei a ko ah, zia mei chun tuisuagiat leh gam chu a kâng tum tai.

OBADIAH 1:18

Jakob Inkuan chu mei hi’n tin, Joseph Inkuan chu meikuang hi’n tin, Esau Inkuan chu pawl tawhbang hi’n a; ama chu kâng intin, kâng tum intin, Esau Inkuan ah a suakcha um pua’n a; Lalpa’n a ti’ngal a.

NAHUM 1:10

Linggui kiphanchak gual ah phanchak in a um tau in, zungolveite gual in a kham zo tau; bupawl keugawp mei in a kâttum gual in a um zo tau hi.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.

HEBRAITE 6:8

Ahi’n la, hampa lingnei leh phuaite kêdawna chu nol in a um sek ah, hânsia law ngak in a um ah, a tawp leh mei ah hâltum ahi mai sek hi.

THUPUAN 14:11

Amau a sukgentheinau meikhu chu kumtuang in khu to intin, sahâng leh a lim bia ah, a min tepte’na neite kha sûn leh jan ah chawldam ta pua’n au,” ti in.