ISAI 9:16 - PATHIAN LEKHABU THIANGTHO (BSI)

¹⁶ zia mipi puitute hin a puimang tau a, a mi puiteu chu buai ah nutsia in a um tau hi.

ISAI 9:16 ပူးပေါင်းရင်းမြစ်များ

2 KHANGTHU 30:27

Ziaphatchun, thiampute tawh, Levi chite chu a dingdok un mipite chu a maljawl tau ah, a kipaknau husa chu Lalpa het in a um tai; a pauchapnau chun a chênna thiangtho van a thawng tai.

ISAI 10:4

suangkul ngak ding ah sawl lut leh, a thite lak ah um ding bep in a um tau ah; Chutisapi’nle, a lung a dam diak puai, a khut a lâm nalai lai hi.

ISAI 19:14

Lalpa‘n a lak un buaina thagau a sunthâk khum tai; zukham vuang dong dong ah a luak gual in, Aigupta chule a thilbawl zosia in a hawi dong dong tai.

ISAI 3:12

Ka mipite haw, naupangte chu a chuanden in a pang tau in, numeite chun a chung un vai a hawm ui. Aw ka mipite haw, la puituteu in a hun pui khial tau in, la lampiteu a subuai zo tau hi.

ISAI 5:25

Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

JEREMIAH 18:21

Ziaziakchun, a chateu chu kialpi thoksak inla, chemjam tuak dingin naw mang in; a jiteu chu cha bei ah um in, meithâi hung hitau hen. A pawsalteu chu natpi’n thiu hen la, a khangdawngteu chu kido’na chemjam in thi tau hen.

JEREMIAH 23:13

Samaria gam ah jawlneite lak in, ki’dak um khat ka mu tai; Baal min in thu a genlawk un, ka mipi Israelte chu a pui mang tau hi.

JEREMIAH 9:4

La Invêngteu lak ah kivêng unla, la chanauteu kuama gingcha kiu in; la chanauteu zosia mi suandaw hat a hiu a, la Invêngteu zosia le, mi gensia ding ah vak-hat ahi ngal un.

AMOS 2:4

Lalpa‘n zia gual hin a gen hi: Judah bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Lalpa dan a nol un, a thuguatte zui nuam lo in, a pu leh pateu a zuausan gual mau ah, pui mang in a um ta’ngal un.

MIKAH 3:5

A kam ua nêk ding a um lai sia, “Muanna,” ti ah kiko ah, a kam ua nêk ding hun koilote chu, do ding ah kisa ziang sek, ka mipite pui kawi bep jawlneite kiang ah chun, Lalpazia gual hin thu a gen hi.

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.

HEBRAITE 7:7

Ahi’n, nial gual lo in a neuzaw chu a lianzaw’n a maljawl sek hi.