ISAI 9:12 - PATHIAN LEKHABU THIANGTHO (BSI)

¹² sualam ah Suriate leh tumlam ah Philistinte chun, a kam uh kasa’ la pang in, Israelte chu a la val zo in au. Zia gual ah a bawl zaw nung chunle, a lungnatna a dai diak puai; a khut chu a lâm nalai ngal a.

ISAI 9:12 ပူးပေါင်းရင်းမြစ်များ

2 LENGTE 16:6

Zia hun lai ah chun Aram ah Lengpa Rezin chun Elath gam chu Aram gam belapna dingin a la, Elath ah kipat in Judate chu a hun nawdok ah, Elath ah chun Aram mite chu a hung kitawl lut ua, zia tak ah chun tu’ni tiang in a chêng tau hi.

2 KHANGTHU 28:18

khawpite chu a la buluu ah, Beth-shemesh, Aijalon, Geereth, Soko leh a khawpelteu tawh, Timnah leh a khawpelte tawh, Gimzo leh a khawpelte zosia chu a la la zo tauah; tichun, zia khuate ah hin a la chêng den tau hi.

SAM 79:7

Jakob val zo in, a chênna mun uh, pâmtul a suaksak tai.

ISAI 10:4

suangkul ngak ding ah sawl lut leh, a thite lak ah um ding bep in a um tau ah; Chutisapi’nle, a lung a dam diak puai, a khut a lâm nalai lai hi.

ISAI 11:14

Tumlam ah Philistinte do khawm intin uh, sualam ah mite suam in pang khawm ta’n au. Edom tawh Moab do-na’n a khut lâm khawm ta’n tin uh, Ammonte’n le a thuu jawm ta’n au.

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

ISAI 5:25

Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

ISAI 9:21

Manasseh in Ephraim a ne’n, Ephraim in Manasseh a ne’n; a paniu in Judah a do ui. Zia gual ah a bawl zaw nung chunle, a lungnatna a dai diak puai; a khut chu a lâm zing ngal a.

JEREMIAH 10:25

La lungnatna chu nangma he’phalo, gam dang mite chung ah sungtha’n la, la min lam ngai lo mite chung in sungtha’n; amau chun Jakob ne zo in, a nêk ua a val zaw nung unle, a chênnau a hisia dim dem nalai sêt ui.

JEREMIAH 15:7

A umchan uh a khiam lo ziak un, gam sung ah kotpi bul tincheng ah, bu vokna mol ah vua’n ka thîtchil tai; a cha leh nauteu ka sûn sak ta’n, ka mipite chu ka that gam tai.

JEREMIAH 35:11

Himaleh, Babulon Lengpa Nebukadrezar a hung ah, gam pumpi a hung do lai khan, ‘Kaldai sepaite leh Aramte sepai haw ka lau man un, hung unla, Jerusalem ah chia hitiu,’ ka tiu a. Ziaziakchun, Jerusalem khua sung ah chêng thei bep ka hiu,” ti in.

JEREMIAH 4:8

“Lalpa lungnatna huaisia tak chu, ei haw ah kipat heimang ahi puai, ti’n kap ah sûn in, saidip puan sil tau in”.

EZEKIEL 16:27

Ziaziakchun, nangma do dingin ka khut ka lâm ta’n, la nêk ding an ka hun piak hi’tawm ing ka tin, la mêlma, la umdan hun simmaw ma ma, Philistin chanute’n a nop nop ua a hun bawl ding un hun pia ding ka hi.

EZEKIEL 6:14

A chung un ka khut lek ing ka tin, gam chu susia’ng ka tin, a chênnau gam zosia gamthip ah kipat Riblah tiang in susia’ng ka. Ziaphat chuleh, kei hi Lalpa ka hi ti hun he ta’n au.

HOSEA 7:10

Israel kisaktheina chun a thiamlo zia a sulang in; zia zosia ah chunle Lalpa, a Pathian kiang lam un a kihei kit puau a, ama le a hawl diak puau hi.

AMOS 4:10

Aigupta ah gawtna gual in hipi la lak un ka lênsak a, la tangvalteu chu chemjam in ka that ta’n; la sakolteu ka tok mang ta’n; la giamun ui gim uh la nâk hawm tiang un, ka hun thûtsak ta’n; Chutisapi’nle ka kiang in la hung kile’kit puau hi, Lalpa‘n a tii.

AMOS 4:11

Pathian in Sodom leh Gomorrah khuate a la suksiat gual khan, nang uh khenkhat ka hun susia ta’n; mei ah kipat kikaidok tawh bang la hitau in; Chutisapi’nle ka kiang in la hung kile’kit puau hi, Lalpa‘n a tii.

AMOS 4:6

La khawpiteu ah hani bek kham dingle umlo khop ah, la umnau zosiau ah an tâksapna ka hun pia’n; zia sapi ah chunle ka kiang lam in, la hung kile’kit diak puau hi, Lalpa‘n a tii.

AMOS 4:8

tichun, khawpi pani a hem, pathum a hem chu khawpi khat ah tui dawn in a chiau a, ahi’n, a doikhop puau in, Chutisapi’nle ka kiang in la hung kit puau hi, Lalpa‘n a tii.

AMOS 4:9

Thinglung leh gial in ka hun gawt ah, la huanteu leh grep huanteu a hawm in ka umsak a, la theipi kungteu leh la Oliv thingteu khaubepi’n a ne zo tai; Chutisapi’nle ka kiang in la hung kile’kit puau hi, Lalpa‘n a tii.

ZEPHANIAH 1:6

Lalpa zuina pat kinungheite Lalpa hawl talo ah, ama kansui talote zosia chu, sumangthai ding ka hi.

ZEPHANIAH 3:2

Kuama thu a mang pua’n, kuama hilna thu a ngai puai. Lalpa ah ginna a nga pua’n, a Pathian a nai puai.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.