ISAI 8:8 - PATHIAN LEKHABU THIANGTHO (BSI)

⁸ tuisânglet in a chup gual in, Judah gam chu a ngawng tiang in chup intin; chuleh, aw Immanuel, a tha jak pal chun la gam pumpi hui suak in a.

ISAI 8:8 ပူးပေါင်းရင်းမြစ်များ

2 LENGTE 17:3

Zia lai ah chun Assuria Lengpa Shalmaneser chu ama do dingin a hung kuan to ah, Hoshea chu a thunuai in a koi ziang ta’n, ziaphat ah chun thilpiakte chu a hun pia tai.

2 KHANGTHU 12:4

Judai gam ah khawpi kuldet neite chu a ban ban in a hun la zung zung in, Jerusalem khua tiang a hung tung tau a.

ISAI 10:6

Pathian ngaisak lo namte do dingin, amau chu ka sawl in; ka lungnatna mipite chung ah, gâl lâk ah la ding leh vachom ah vasuam gam ah, khawlai buanthuak gual ah, vachuan chil dingin thu ka pia tai.

ISAI 30:28

A hat git chu luicha tuilet, ngawng tiang ah luang gual chu ahi; nam tinte chu, khendanna leidâl ah sêp in, mite’n a kaimangna ding un kam khau bul ta’n au.

ISAI 43:2

Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

ISAI 7:17

Assuria lal ma ma, Judah ah kipat Ephraim a hung pawt daw ni ah kipat chun, Lalpa chun nangma leh la mipite leh la pa Inkuan ah mite chung ah chun, zia gual hun tung kha nai lo gual chu hun tunsak ding ahi, a tii.

ISAI 8:10

Lung a gêl khawm un, maleh, bangmalo suak tho tho in a; ngaidan a gen khawm un, maleh, bangma’n pang diak pua’n a; Pathian chun ei umpi ngâl a,” ti in.

JEREMIAH 47:2

Lalpa‘n zia gual hin a gen hi: Ngai un, mallam ah kipat in tui a hung lian ah, tuisânglet hung suak ding ahi; gam leh a sung ah um zosia, khawpi leh a sung ah chêngte chu, hun chupmang sik sek ding ahi. Mipite chu hung patau intiu in, gam sung ah chêng mi zosia chu, hung kiu veng vung ding a hiu.

JEREMIAH 48:40

Lalpa‘n zia gual hin a gen a: En un, mupi gual in hun baw suk intin, a tha chu Moab do in hun jak pal in a;

JEREMIAH 51:42

Tuisuagiat in Babulon chu a chûm ta’n, tui nasa tak ah kinawk chun a chûm tai.

EZEKIEL 17:3

A kiang un: Lalpa Pathian in zia gual hin a gen hi: Mupi lian tak, a tha pawl bem bum, lian tak ah jak pal pakhat, Lebanon tâng ah Sidar thing lêk in a chu’n,

EZEKIEL 26:19

Lalpa Pathian in zia gual hin a gen ta’ngâl a: Kuama chên lona khawpite gual ah, khawpi sia ka hun suaksak ah, tuili thûk te ka hun chup mangsak phatin, tuiliante’n a hun chupmang tau a,

DANIAL 11:10

A chapate chun do pek intiu in, sepai hon tam tak pui khawm in, tuisuagiat gual ah malam zuan in, a mêlmateu kulpi tiang in vado in au.

MIKAH 1:9

A liamnate chu sukdam thei a hipua’n, Judah gam tiang in a tung ta’n; ka mite kotpi Jerusalem tiang a tung tai.

MIKAH 5:5

Chuleh, ama chu I kichamnau hita’n a. Assuriate’n I gam uh a hung sim ua, I lei chang uh a chotden phat uh leh, ei un amau do dingin belampu pasagi leh, vaihawmtu pagiat tungdok hitiu.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.