ISAI 8:22 - PATHIAN LEKHABU THIANGTHO (BSI)

²² chuleh, lei lam nga’n tiu in; himaleh, lungjinna leh thimna bep mu ding a hiu, lunggimna’n thi’n tiu in; chuleh, thimna sâ tak ah naw lut in um ta’n au.

ISAI 8:22 ပူးပေါင်းရင်းမြစ်များ

JOB LEKHABU 18:18

Vak ah kipat thim lak ah, naw lut hi’n tiu in, khawvel ah kipat nawdaw in um ta’n au.

PAWTDAWNA THU 10:21

Lalpa chun Mosi kiang in, “La khut chu van lam in vak jak tiam in, Aigupta gam sung ah thimna, khoikhâk thei hial ding ah thim a ji’n theina dingin,” a tia.

PAWTDAWNA THU 10:22

Mosi’n a khut van lam in a vak jak ah; tichun, Aigupta gam pumpi ah chun ni thum hial thimpi a jing tai.

THUPILTE 14:32

Mi nunsiate chu a thil bawlkhialnau in a kipal pâi sek un; midik chun vang a diktatna ziakin bêl ding a mu zing hi.

ISAI 30:6

Negeb ah ganchate chung thu ah chunggikna hung tung ding chu: Lungkhamna leh lungjinna gam, sakeibakneipi leh sakeibakneichal hâm laite, gûlsia leh gûl lengtheite lak haw theng in, a nei leh lamteu sabiltungte puaksak in, a go thilteu chu sangawngsaute puaksak in, amau â ding ah phatchuamna bei mite kiang in vachia in au.

ISAI 5:30

Zia ni chuleh, tuisuagiat gi hum hum gual in, amau haw do-na’n hamgi hum hum ta’n au. Gam chu kua’nle a vak et chun, thimna leh lungkhamna bep in dim zo ta’n a; tichun, vâk nalua chule sûmpi’n lia thim zo ta’n a.

ISAI 50:11

Himaleh, la leng un mi hâlna ding a, mei sêmkuang la hiu. La mei sêmkuang leh la meiâm un, nang uh hun hâl in, hun bî ta hen! Zia hi ka khut ah kipat la tuak ding uh chu hi’n a; gawtna thuak in um den ta’n lau.

ISAI 50:3

Vante chu thimna’n ka tuam a, a kituamna ding un saidip puan ka pia’i.

ISAI 59:9

Ziaziakchun, vaihawmna dik ah kipat chun, ka gamla tau in, diktatna chun ei pha zo ta puai; vâk ka hawl unla, thimna bep a hizawi; vâkna hawl lai chu thim lak in ka chia tau hi.

ISAI 60:2

Lei hi thim in khû in, mipite chu thimna sâ tak chun hun tuam intin; himaleh, Lalpa vâk in hun sal in, a lopina chu la chung un hung kilang ding ahi.

ISAI 8:20

Zia gual ah thugente chun phalvak mu him him pua’n au!

ISAI 9:1

Lungdong tak ah umte â ding chun dâna ding um diak pua’n a. Masang lai ah khan, Zebulun leh Naphtali gamte hi musit in a la umsak maleh, tu’nung lam leh vang, tuisuagiat zotna lampi leh namtinte chênkhawmna, Jordan lui gâl leh namtin chênna, Galili gamte hi, hun lûnsak kit ta’n a.

ISAI 9:20

Changlam kâi ah huaihap tak in ne maleu, a kial tho tho un; chuleh, veilam kâi in val zo maleu, a vâ diak puau hi, ti in. Amau chate sa nasan a ne tau hi!

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

JEREMIAH 23:12

Ziaziakchun, a lampiteu chu, thim lak ah lamnâl gual hihen la, zia tak ah chun naw lut ah um in, kipuk sik sek tau hen; amau ka gawtna kum a tun phat leh, a chung un siatna hun tunsak ding ka hi’ngal a, Lalpa‘n a tii.

MATTHAI 22:13

Ziaphatchun, lengpa chun, a suakte kiang in, zia mi hi a khut leh keng kân unla, puidok unla, pawlam thim ah chun paidok un; zia tak ah chun kâ leh hagial um in a.

MATTHAI 24:29

Zia buaina hun zaw zaw ah chun, nisa hung thim intin, thapi’n le a vak sua ta pua’n a; van ah kipat in aksite hung kia’n tin, van thil hi’theinate hilîng in um in a.

MATTHAI 8:12

gam chate chu vang pawlam khawthim ah paidaw in um in au; zia tak ah chun kâ leh hagialna um in a,” a tia.

JUDA 1:13

tuisuagiat kinawk phuan gual ah amau mualphona kilang leh, kumtuang ah thim nuai ah um ding ah kikhêk aksi sawmlêngte gual a hiu hi.

THUPUAN 16:10

Chun, vansawlchâk pangana chun a belbu chu sahâng lalchutpha chung in a buntha’n; a gam sung chu a thim suak ta’n, leipet hial in nat thuak in a um tau a.