ISAI 8:19 - PATHIAN LEKHABU THIANGTHO (BSI)

¹⁹ Tu’hin, mite’n la kiang un, “Thugen ah phun chul chul thithate leh âisân thiamte chu dong tau inla,” a hun ti phat uh leh, mite’n a Pathian uh dong zaw lo ding a hiu em? Kua’n mihing sâng ah mithi dong zaw ding a hem?

ISAI 8:19 ပူးပေါင်းရင်းမြစ်များ

THILSIAM THU 41:24

ahileh, buvui ngat sil selte chun buvui pasagi, pha tak takte chu a val zo ta mai un: ahi’n, dawithiamte chu ka hil in, himaleh, ei hilchian piak thei kuama a um puau hi,” a ti tai.

2 LENGTE 1:3

Himaleh, Lalpa vansawlchâk in Tishbi mi Elijah kiang in, “Kipan inla, Samaria lengpa thupawtute lamtua dingin vachia in, a kiang un, ‘Israel ah Pathian a um pua a hem, Ekron pathian Baal-zebub kiang ah thudong ding ah la chia ziang uh?’ ti’n vagen in.

2 LENGTE 21:6

A chapa chu mei ah kithoina’n a mang ah, hunte a chansak ah, âisânte leh ho in a nei sek ah: Lalpa mit mu ah chun nunsiatna huaisia tak takte chu a hun bawldok ta’n, a lungnatna chu a hun chok puang tai.

2 LENGTE 23:24

Ziazawchun, Lalpa In ah thiampu Hilkiah in lekhabu a hun mudaw ah kizikte chu pha takah a hun zuitheina ding un, thitha minthangte, Judai gam ah a mu khâkteu haw zosia; chuleh, Jerusalem ah a mu khâkteu zosia chu Josiah chun a hun paidok sik sek tai.

1 KHANGTHU 10:13

Tichun, Saul chu a ginum lo ziakin a thi tai; Lalpa thupiak zui lo in Lalpa chung in a ginum pua’n; zia bep chule hilo in, Lalpa dong lo in thitha jawlte haw po a dong zaw ta’n,

2 KHANGTHU 33:6

Hinnom Chapa Phâijawl ah chun ama chapa ngei le mei lak ah kithoina’n a la chia thensak ah; chuleh, dawi bawl, mitvaidawi, âisân, thitha ho’na leh thitha tawh kijawlna haw le a hun bawl a. Lalpa mit mu ah thil phalo khawk tak tak leh a choklungna thei tak takte a hun bawl tai.

SAM 106:28

Ziaphatchun, Baal-peor lam in a bek un, hinna neilote kiang ah kithoina thilte a ne tau a;

ISAI 19:3

Aigupta mite thil guanggal zosia, ka hisiat piak ding ziakin, a sung ua a thagau uh chu suadok piak ing ka; tichun, milimte leh mithisate, thithate leh dawi leh kaute hun dong ta’n au;

ISAI 26:14

Amau chu a thi tau ah, hing kit ta pua’n au; a thagau uh le tho’kit ta pua’n au, nang in amau chu gawt in la hi’mangthai ta’n; a hetzing theinau zosia la nuai mang ta’ngal a.

ISAI 29:4

Ziaphat chuleh, lei nuai lam thûk tak ah kipat in, hung paudok inla tin, la pau git chu thûk tak ah kipat in, leivui lak ah thi ta pau git gual in hung hita’n tin; tichun, la pau git chu leivui lakah, hung gidok chiau chiau ta’n a.

ISAI 30:2

Kei uh dong lo in, Aigupta gam ah chia suk ding ah kipandok in, Pharaoh nuai ah vênbitna a hawl un, Aiguptate lîmbêl ding a vangaitua ui.

ISAI 45:11

Lalpa, Israel Mithiangtho leh, amau Siampa chun zia gual hin a gen hi: Ka chate chungchâng thu leh, ka bawl ding leh bawl lo ding thu in, hung kikum ding la hem?

ISAI 47:12

La khangdawng lai ah kipat la bawl tâk, la âisân thiam leh dawithiamte zosia chu tuchak zing in, la hung lawtin khâk pal ah, la mêlmate la hilau thei khâk leh.

ISAI 47:13

Mi la kawm tamna lam in la gim tai; aksi lam ah mithiamte, van lam thil hethiamte leh, thathak si’n ah thil tung ding, genlawk theite chu tawh, hung dingdok uh hen la, la chung ah thil hung tung ding ah kipat chun, hun hukdokleu hiding a puau em!

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

JEREMIAH 27:9

Nanghaw’n vang, la jawlneiteu, la âisân thiamteu, la mang mat mi teu, la mi bum thiamteu leh la dawi thiamteu, la kiang ua, “Babulon lengpa suak in pang talojen in lau,” ti ah thu gente chu ngaitha kiu in.

THIAMPUTE LEKHABU 19:31

Nangma kihibuakna dingin, dawi leh âisân thiamte dot leh ho in nei kin; Keima hi Lalpa la Pathian uh ka hi’ngâl a.

THIAMPUTE LEKHABU 20:6

Dawithiam lam ah kihei leh bum thiam zui ah thanghuaite chu do dingin ângngat ing ka tin; a chipite lak ah kipat paitha ding ka hi.

MIKAH 5:12

la khut ah kipat in dawithiamna zosia sumang ing ka tin, âisân thiamnate nei diak ta pua’n la;

NASEPTE 16:16

Ni khat chu pauchapna mun ah ka chiau leh, nungak pakhat, thithajawl a um ah, thilhithei tak ahi’n, amanu chun a âisân ziakin a pu â dingin sum tam tak a law sek a.

DAN LEKHABU 18:10

La lak ua kuale a chapa a hem, a chanu a hem mei ah kithoina ding ah pia a hem, phunsânte, thugenlawk chîngte, ngaibel chîngte, dawi bawl chîngte,

DAN LEKHABU 18:11

âisân chîngte, thitha leh dawi ho-te leh mi thisate thu dong sekte him him chu la lak un a um lo ding uh ahi.

1 THESSALONITE 1:9

Amau ngei in, nanghaw’n lei la lop dan uh, milimte ah kipat Pathian lam ah, Pathian hing leh dik tak nasêm ding ah la kihei dan uh chu a gen tau hi.

2 PETER 2:1

Himaleh, mite lak ah jawlnei lêmte a hung pawt gual un, la lak unle thu diklo hilte hung intin uh, amau chun amau chawpa a puu hial chule kiheisan in, mi susiathei gindan chuamte a gûk in hun paw lut intiu in, amau chung in thakhat in manthaina tung in a.

1 SAMUEL 28:11

Ziaphatchun numei chun, “Kua ahi em ka hun kodaw piak ding chu?” ti’n a dong ah. Ama chun, “Samuel ei kodaw piak in,” ti’n a dawnhu a.

1 SAMUEL 28:16

Samuel in, “Lalpa‘n nang hun nusia ah, la mêlma ah pang ahi tâk ziakin bang ding ah ei dong nalai la hi em?

1 SAMUEL 28:7

Ziaphatchun, Saul in a suakte kiang in, “Numei dawithiam pakhat ka vakawm ah, ka dot theina dingin, ei kandaw piak tiam un,” a tia. A suakte chun a kiang in, “Endor ah dawithiam numei pakhat a um hi,” a ti tau hi.

1 SAMUEL 28:8

Tichun, Saul chu a kisiam lamdang ah, puan chuam in a kithuam ah, pawsal pani tawh zia lam ah chun a chiau a. Jan in zia nu kiang chu a va tung un. A kiang in, “Dawi ei ho piak inla, a min ka hun gen pen pen chu ei ko daw piak tiam in,” ti’n a don a.