ISAI 8:17 - PATHIAN LEKHABU THIANGTHO (BSI)

¹⁷ Jakob Inkuante mulo ding ah kisêl mang Lalpa chu ngâk ing ka tin, ama ah chun kinem zing ing ka.

ISAI 8:17 ပူးပေါင်းရင်းမြစ်များ

THILSIAM THU 49:18

Aw Lalpa, la hukdamna chu ka ngâk zing hi.

JOB LEKHABU 13:24

Bang ding ah ei kisêl mang san ah, la mêlma ei ngai la hem?

JOB LEKHABU 14:14

Mihingte a thi’nung un hung hing kit ding a hiu em? Ka sepgimna ding nite chu a hung bei ah, thâdaw ah ka umna ding hun chu, a la ngak mai ing ka.

JOB LEKHABU 35:14

Nang tak chun la, ka chung thu gen ding chu, ama kiang ah um ahi, ti’n a hung ding chu ngak in, ama ka mu nai puai! la ti pona chu.

SAM 130:5

Lalpa chu ka ngâk ah, ka thagau in a ngâk zing ah, a thu ah kinepna ka nei in;

SAM 27:14

Lalpa chu ngâk zing in; kisuhat inla, la lungthim chu kihânsak ta hen; ahi, Lalpa chu ngâk zing in!

SAM 33:20

I hinnau hin Lalpa a ngâk zing ah; ama chu ei panpipa leh I phawu ahi.

SAM 37:34

Lalpa ngâk inla, a lampi haw zing in; gam chu lua dingin hun chawihoi in a; tichun, mi nunsiate siatna chu a la mu’n la.

SAM 39:7

Tu’hin, aw Lalpa, bang a hem ka ngâk? Nangma bep ka kinepna la hi.

SAM 40:1

Lalpa chu ka ngâk ham ham ah, keima lam hun nga’n, ka ko’na a he tai.

ISAI 1:15

La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 26:8

Aw Lalpa, la vaihawmna lampi chun, nangma chan bep ka la ngâk ui; la min leh la minthanna chu ka thangai pen uh ahi.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 33:2

Aw Lalpa, ka chung un ja’ngai in, nangma ngâk ka hi’ngal un. Jingkal si’n leh ka hatnau hung hi’n la, lungdon phat si’n leh ka hukdamnau hung hita’n.

ISAI 45:15

Nangma ngei chu ama leh ama kisêlgu, Pathian tak tak chu la hi; aw Israelte Pathian, Hukdampa ngei chu.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

ISAI 54:8

Ka lungnatna huaisia tak ziakin, chomkhat ka hun kisêl mangsan ah; maleh, kumtuang hepina ziakin, hun lainat zing ta’ng ka, ti’n Lalpa, nangma hun Tanpa chun a gen hi.

ISAI 57:17

Huaihap tak ah a nunsiat ziak un, a chung un ka lungna ma ma in; ka la vaw ta’n, ka lungnatna ziakin, ka kisêl mangsan tai; maleh, ei nusia tei tei un, amau nop dan dan in a chia tei tei ui.

ISAI 59:2

La khawlonau chu Pathian tawh la kikâl ua, daidanna’n a hung pang zaw ta’n, a mêl a lia tâk ziakin a hethei talo a hizawi.

ISAI 64:4

Masang lai ah kipat khan, kuama’n amau jai ngak ah thilbawl piakpa, nangma tilo ngal, kuama’n Pathian dang him him, a he’kha puau in, a bil unle a huvau a hepuau in, a mit unle a mu kha puau hi.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

ISAI 64:7

La min hun ko nuam leh, nang hun tuzui ding ah kichok hal nuamle, kuama a um ta puau hi; ka mau ah kipat in la mai la sêlmang ta’n; ka khawlonateu ziakin lei pâmpai ta’ngal a.

JEREMIAH 33:5

Ka lungnatna leh thangtawmna ziak ah ka thâlup dingte hung do ah, mithiluang ah hi’dim dingin Kaldaite hung ding a hiu; a gitlonau ziakin zia khawpi hi ka nungngatsan ahi tai.

HOSEA 12:6

Nang uh vang la Pathian lam un kile’kit unla, hepina leh vaihawmna dik tuchak unla, la Pathian uh chu ngak zing un.

MIKAH 3:4

Ziaphat chuleh, Lalpa hun ko intiu in, ahi’n la, hun dawnhu ta pua’n a; ziaphat chuleh, nunsia tak ah a tawi ziak un, amau kisêl mangsan ta’n a.

MIKAH 7:7

Ke’n vang, Lalpa lam en zing ing ka tin, ka hukdamna Pathian chu ngâk zing ing ka; ka Pathian in ei ngaitha ding ahi.

HABAKKUK 2:3

Huntiam bîk â ding ah kilâkna bîk a um nalai in; tawpna ding thu a gen chu thawn pua’n a; vaigei ding ah a kilat chun ngâk ham ham inla, hung tung tho tho ding ahi’n, hung vaigei ta pua’n a.

LUKA 2:38

Zia hun ah chun ama le a hung lut a, Pathian a chawihoi a, Jerusalem tatdawna kinem ah a la ngâk zosia kiang ah chun, zia nausen chanchin chu a hun gen a.

LUKA 24:27

Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

DAN LEKHABU 32:20

Hiti’n a gen ah: “Amau ah kipat in, ka maichang sêlgu’ng ka tin; bang gual in a hung tawp awm a la en ma ing ka; ginumna bei cha leh nau, mi chavaite ahi ngâl un.

1 THESSALONITE 1:10

A Chapa Jesu, mithi lak ah kipat a kaithawkitpa chun, lungnatna hung tung ding lak ah ei hukdok in, van ah kipat a hung kitna ding chu ngak in la um tau ahi.

2 THESSALONITE 3:5

Chun, Lalpa‘n la lungthim uh chu Pathian hepina leh Khrista detna ah chun hun pui lût ta hen.

HEBRAITE 2:13

Chuleh, “Ama ah chun ka ginna nga’ng ka,” a ti’n. Zia lo ah chun, “Entia, kei leh Pathian in ei piak naupangte hi,” a ti kit ngen a.

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.