ISAI 7:4 - PATHIAN LEKHABU THIANGTHO (BSI)

⁴ a kiang in, Chingthei tak in um inla, thip hiat hiat in; zia meisel de liak liak gual bep, Rezin leh Suria tawh Remaliah chapa lungnatna huaisia takte ziak ah hi’n lau kin la, la lung thuaisak him him kin.

ISAI 7:4 ပူးပေါင်းရင်းမြစ်များ

2 LENGTE 15:27

Judah ah Lengpa Azariah chu leng ah a hung pan, kum sawmnga leh ni ahi in, Remaliah chapa Pekah chu Israelte chung in vaihawm in a hung pang a; Samaria ah chun kum sawmni sung vaihawm in a pang hi.

2 KHANGTHU 20:17

Aw, Judai gam leh Jerusalem khua mite haw, zia kidona hin nanghaw la pan uh ngai pua’n ah; la panmun chiat un ding chil chel un la, nanghaw â ding ah Lalpa‘n a hun zaw piak dan chu en mai un! Lau kiu in la, lungdong ziang kiu in; jing leh gâldo dingin kuandok un la, Lalpa‘n hun kithuapi ding ahi,” ti’n a gen a.

ISAI 10:24

Ziaziakchun, sepai honte Lalpa Pathian in zia gual hin a gen hi: Aw ka mipi, Zion ah chêngte haw, Aiguptate’n la chung ua a mol uh a lap gual ua, Assuriate’n a mol ua a hun jep phat uh leh lau kiu in.

ISAI 30:15

Lalpa Pathian, Israel Mithiangtho chun, zia gual hin a gen ngal a: Hung kile’kit in chawldam leu chin, hukdam in um in la tiu in, thip hiat hiat in ei ging leu chin, hatna nei inla; ahi’n la, nang uh la nuam puau hi.

ISAI 30:7

Aiguptate panpi’na chu phatchuamna bei leh, a thawn mai ahi ngal a; ziaziakchun, Aigupta chu, “Kichu hiat hiat Rahab,” ka sak tai.

ISAI 35:4

Lungthim dawilokte kiang ah chun: “Kihatsak inla, lau kin! Ngai in, la Pathian chu phuba la ding ah, hung kuan ding ahi’n, tizat um tak ah dit kit ding ah hung intin, nangma hun hukdok ding ahi,” tiu in.

ISAI 37:6

Isai in a kiang un, “La puu kiang ah chun: Lalpa‘n zia gual hin a gen hi vatiu in, a tia: Assuria lengpa suakte’n ei demsiatna thu a gen uh la hiatteu chu lau him him kiu in.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 7:1

Judai gam ah Lengpa Uzziah chapa, Jotham chapa Ahaz a lal lai in, Suria Lengpa Rezin tawh, Israel Lengpa Remaliah chapa Pekah chu Jerusalem do dingin a kuan tau ah; himaleh, a va zo puau a.

ISAI 7:8

Suria luchang chu Damaska ahi’n, Damaska luchang chu Rezin ahi. (Kum sawmguk leh nga sung in Ephraim chu sukchâkvai in um ta’n tin, mipi ti kham ding um ta pua’n au.)

ISAI 7:9

Ephraim luchang chu Samaria ahi’n, chuleh, Samaria luchang chu Remaliah chapa ahi kit hi. La taksan zaw lo chun, pang zo him him pua’n la, ti’n gen in, a ti’n.

ISAI 8:4

zia nausen chun, “He nu” a hem, “He pa” a hem, a ti’thei masang in, Damaska hausakna leh Samaria gam gâllâk thilte chu Assuria lengpa’n chomnâm ding ahi ngâl a.

ISAI 8:6

Zia mite hin Shiloah mun ah luicha tui, nem hiau cha luang a doi lo ziak leh, Lengpa Rezin leh Remaliah chapa Pekah lau ah a kithin ziak un;

KÂ LATE 3:26

Min Lalpa hukdamna chu, ngâk hiat hiat leh a pha’i.

AMOS 4:11

Pathian in Sodom leh Gomorrah khuate a la suksiat gual khan, nang uh khenkhat ka hun susia ta’n; mei ah kipat kikaidok tawh bang la hitau in; Chutisapi’nle ka kiang in la hung kile’kit puau hi, Lalpa‘n a tii.

HABAKKUK 2:3

Huntiam bîk â ding ah kilâkna bîk a um nalai in; tawpna ding thu a gen chu thawn pua’n a; vaigei ding ah a kilat chun ngâk ham ham inla, hung tung tho tho ding ahi’n, hung vaigei ta pua’n a.

ZEKARIAH 3:2

Lalpa chun Setan kiang in, “Aw Setan, Lalpa chun nangma a hun vau hi! Jerusalem têlchuam ta Lalpa chun nangma a hun vau hi! Zia mi hi thukkhûk ah thingkhua kiladok gual chu hilo a hem?” a hun ti’n.

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

MATTHAI 24:6

Kidona leh kido thuthangte hia’n la tiu in; la lungkham lona ding un kivêng un; zia thil zosia chu a hung tung ding him chu ahi; himaleh, a tawpna chu hiziang pua’n a.

DAN LEKHABU 20:3

zia gual hin a gen ding ahi: “Aw Israel, zia thu hi ngai un! Tu’ni hin la gâlteu do ding la hitau ah. Lungthuai lo in, lau kiu inla, patau lo in amau chu launa him him nei kiu in;

1 SAMUEL 17:32

David in Saul kiang ah chun, “Zia mipa ziak hin kuama lungkham kiu in; la suakpa hi chia ing ka tin, zia Philistin mipa hi vado ding ka hi,” ti’n a gen a.