ISAI 7:13 - PATHIAN LEKHABU THIANGTHO (BSI)

¹³ Ziaphatchun, Isai in: Aw David Inkuan ah mite haw, zia hi he tau in! A thi thei mihing mai mai suklunggim hi, thil mai mai in la ngai ua a hem, ka Pathian nasan suklunggim la gaw nalai sêt un?

ISAI 7:13 ပူးပေါင်းရင်းမြစ်များ

THILSIAM THU 30:15

Ama chun a kiang in, “Ka pawsal lei chû piak hi thu duai ah la bawl ahi em? Ka chapa zawldi-âi natiangle ei chû piak gaw nalai maw?” a ti’n. Rakhel chun, “Ahiloleh, la chapa zawldi-âi man dingin tu’jan ah hin ama chu luppi in,” a ti ta’n.

2 KHANGTHU 21:7

Himaleh, David kiangah thuthung a siam ziak leh, ama leh a suante tiang ah vaihawm ah pang zing ding a la tiam tâk ziakin, Lalpa‘n David Inkuan chu a sumangthai ziang nuam tadi puai.

SAM 45:5

Lengpa mêlmate lungchang â dingin, la thalchangte chu a hiam in; mipite la nuai in a pûk tau hi.

ISAI 1:14

La tha thak kûtteu leh, la kupiteu matdan zosiau, ka hinna’n a huat lam tak ahi tai; kei â ding ah jakda um leh ningtel um tak ahi tai.

ISAI 1:24

Ziaziakchun, Hat Chungnung, sepai honte Lalpa, Israelte lak ah Mi Hat chun: E hei! Ka mêlmate chung ah hin, ka lungnatna buntha’ng ka tin, ka gâlte chung in phuba la mai ing ka!

ISAI 22:22

David suan ah mite chung ah thuneina chabi pia’ng ka tin; ama honsa chu kuama’n khâk thei pua’n tin, a khâksa chule kuama’n hong thei diak pua’n au.

ISAI 25:1

Aw Lalpa, nang chu ka Pathian la hi; la kumtuang lemguatna ginum leh thutak in la tuansua ah, thil lamdang tak la bawl ziakin, la min pâk in, hun chawihoi ing ka.

ISAI 43:24

Kêlzu thum tak lei chawk piak kha pua’n, kithoina gancha thau inle, ka lungkimna ding la bawl kha puai. Himaleh, la gitlonau puakgik lei guan un; la khawlonau ziakin lei hi’tha chawl ui.

ISAI 63:10

Himaleh, amau chu a la hel in, a thagau chu a la hilungngai tau hi; ziaphatchun, a mêlmau in a hung pang ta’n, ama ngei chun a le do ta ahi.

ISAI 7:12

Himaleh, Ahaz in: “Don pua’ng ka tin, Lalpa chu patep talojen ing ka,” a tia.

ISAI 7:2

Suria tawh Ephraimte a pang khawm ui ti David In sung mite’n a het phat un, Ahaz lungchang leh a mipite lungchang chu, hui in gamlak thing a mûtlîng gual in a kilîng tau a.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 44:22

La thil phalo bawl uh leh, la thil ki’dak um bawlteu hi, Lalpa‘n a en pei ta puai; ziaziakchun, la gam uh chu nutsia ah um leh a hawm, a chêng um talo ah tu’ni tiang ah um khawlaw a hita hi.

JEREMIAH 6:11

Himaleh, kei Lalpa vang lungnatna dim ka hi; kisûm le ka khop ma ma ziang tai. Khawlai dung ah naupangte chung leh, khanglai kipung khawmte chung ah le, sunthâk mai hita’n tin; tichun, pawsal chu a ji chu tawh mat khawm hi’n tiu in, upate leh têksete nasan mat in hung um ta’n au.

EZEKIEL 16:20

Kei â ding ah chanu chapa lei hinpiakte chu, a kiang ua kithoina dingin la pia nalai a. La thanhuaina hile hun tawk nai lo ding a hem!

EZEKIEL 16:47

A umdan uh la zui bep le hilo in, a ki’dak umnau gual in la bawl nalai ah; hun chomcha kâl sung in, la umdan zosia’n amau sâng in la sezaw tai.

EZEKIEL 34:18

Nanghaw â dingin hampa hing no dip dep nêk chu hun tawk ma ma hilo a hem, la nêkbang uh la chuan chil nalai un. Tui thiang la dawn zaw phat uh leh a dang cheng la chot buan khel khel ding uh a hem?

EZEKIEL 6:9

La lak ua suakchate chun, sal ah puimangte gam ah chun, keima ei hun he ta’n tiu in; chuleh, a lungthim un ei kiheisan ziak uh leh, a mitdunau ziak ah milim lam ei ngatsan ziak un, ka lungthim nat ding dante chu he ta’n au. Ziaphat chuleh, amau mit mu ziang ah thil huaisia tak a la bawl ziak ua, polche tak leh ki’dak um tak ah a la um a hiu ti kihia’n, amau leh amau le kiluaksuak hial ta’n au.

AMOS 3:13

Ngai unla, Jakob Inkuante chu hiatsak tau in, ti’n sepai honte Pathian, Lalpa Pathian chun a tii.

MALAKI 2:17

La kam suakteu chun Lalpa la suthachawl tau a. Nang unla, “Bangti’n em ka hun sukthachawl uh?” la ti nalai un. Nang un, “Thil phalo bawl tapo chu Lalpa mit mu ah pha a hiu ah, a chung un a kipak hi,” la tiu leh, “Dikna Pathian chu khoi ah um ahi tam?” la tiu hin, la suthachawl uh ahi ngal a.

KISIMNA LEKHABU 16:13

Nang in khuaizu leh bawngnawi ah luanna gam ah kipat lei puidok ah, tu’hin gamthip ah thagam ding lei gaw nalai sêt ah; chuleh, tu’hin ka chung un vai la hawm nâk lai hi thil neuthem leh bangma lo mai mai in la ngai nalai ah a hem?

KISIMNA LEKHABU 16:9

Israelte Pathian in, Lalpa biakbûk ah na sêm ding leh mipite sik leh jal ah tawi leh chan ding ah, mipi zosia lak ah kipat ah a hun koichuam hi bangma lo mai ah ngainêp la hiu em?

LUKA 1:69

A suak David In sung ah kipat in ei uh â di’n, hukdampa hat tak a hun tungdok tai;

NASEPTE 7:51

Nanghaw mi lochal, lungthim leh nakhang zektanlote haw, bangtik lai inle Thagau Thiangtho la dodâl zing un, la pu leh pateu bawl gual in la bawl zing ui.

HEBRAITE 3:10

ziaziakchun, zia mite chung ah khan ka lung a dam pua’n, ziaziakchun, ‘A lungthim uh a chiakhial zing ah, ka lampi le a hepuau hi,’ ka la ti ahi,” ti in.